Lokka Abbaayyu Woradi Haqqete kayiishshi looso
Lokka Abbaayyu Woradi Haqqete kayiishshi looso; Dagoomu Koronu Dhibba gargadhanno gede hedo cu’mishiishanni qinaawinno garinni loosanni leellannota xawisi.
Tayiixe Diro Woradu giddo 2.3 Miliyoone aleenni ikkitanno Haqqe kayiisate mixo amadinoha ikkanna; haanja latishshu loossa jeefishshira babbaxxitinno Dagoomu bissa tantanonni daga timbiliqqe fulte loossanno gede hasaabbe sumuu yitinno daninni bero Barra Dooyyo Daaete Olliira faajjetenni hanaffinota Woradunnihu qaru gashshaanchi kalaa Zegeyye Kuyyisihu xawisinno.
Konni loosi waatira Koronu Dhibbi lawaawo ittisate Fayyiimmate Uurrinshubba ledo waaxamatenni Woradu jajjabba loossa loosanni noota xawise; xaa Yannara kaajjinshe loonsanni hee’noonnitano huwachishino.
Ledotennino Dhibbu lawaawo gargarooshshira babbaxxitino qaafo adhinoonnite giddo dikki’nanni bayiicho halashshatenni ayee daniti mittowa tuudama heedhannokki gede assinanni hee’noonnita; Iddirra Sagale qixxeessa agurte Woxe uyiitanno gede assanna Amma’note Uurrinshubba maga’note amanyoote wo’munni wo’ma Mine Minenko assitanno gede assate loosono loonsanni hee’noonnita xawisinno.
Baxxino daninni Saala Qawaadu Olliira Wedellunna Meentu tantanonsanni fulte babbaxxitino Woxenna Sagalete Gide gamba assate irko assitinota xawisino.
Jeefoteno, xa noo deerrinni baalanti Olluubbate tantanubba horoonsiratenni irko suffino Yannanni kaajjite hadhannotanna baxxino garinni loosidhe galtino teesaano konni dhibbira reqecci yitannokki gede assate Hashsha Barra yinikkinni loonsanni hee’noonnitano xawisinno.
Comments
Post a Comment