Worancha ወራንቻ

  ሀዋሳ በኢትዮጵያ የስፖርት ታሪክ ውስጥ ልዩ ስፍራ ያላት ከተማ ናት። በተለይም በእግር ኳስ ዘርፍ ያላት ታሪክ፣ የውድድር ባህልና የስፖርት ፍቅር ሀዋሳን ከኢትዮጵያ ዋነኛ የስፖርት ማዕከላት አንዷ ያደርጋታል። በከተማዋ የሚገኙና በኢትዮጵያ ፕሪሚየር ሊግ የሚወዳደሩ ክለቦች፣ እንዲሁም በየአመቱ ከሲዳማ ክልል የሚመጡ በሀገር አቀፍ ደረጃ የሚሳተፉ ቡድኖች፣ የከተማዋን የስፖርት አቅምና የእግር ኳስ ተሰጥኦ በግልጽ ያሳያሉ። ነገር ግን ይህን ያህል የስፖርት አቅምና ታሪክ ያላት ከተማ እስካሁን ድረስ የሚገባትን ደረጃ ያለው መሠረተ ልማት አላገኘችም። ሀዋሳ ዓለም አቀፍ ስታዲየም ግንባታ ከተጀመረ ከ ሃያ ዓመታት በላይ ቢያልፉም፣ እስካሁን ሙሉ በሙሉ አልተጠናቀቀም። እንደተገለጸው ግንባታው ከ 80 በመቶ በላይ ተጠናቋል ቢባልም፣ የመጨረሻ ሥራዎች መጓተት ስታዲየሙ ለታሰበለት ዓላማ እንዳይውል አድርጎታል። ለስታዲየሙ ማጠናቀቂያ ዓላማ ሎተሪ ተካሂዶ ገንዘብ መሰብሰቡም ይታወሳል። ስለዚህ የተሰበሰበው ገንዘብ የት እንደደረሰ፣ ምን ያህል ለግንባታው እንደዋለና ቀሪው ሥራ መቼ እንደሚጠናቀቅ ግልጽ ማብራሪያ ለሕዝቡ ሳይሰጥ ሁሉ ቀርቷል ። የሀዋሳ ዓለም አቀፍ ስታዲየም ግንባታ መጓተት የአንድ ሕንፃ ግንባታ መዘግየት ብቻ አይደለም። ይህ የስፖርት ተሰጥኦን የማሳደግ፣ የወጣቶችን የሥራና የሙያ ዕድል የማስፋፋት፣ የከተማዋን ኢኮኖሚ የማነቃቃትና የሀገርን ዓለም አቀፍ የስፖርት ተሳትፎ የማጠናከር ዕድል ላለፉት 20 አመታት በአግባ...