Nomonanoto Show

Tuesday, August 21, 2012



ADDIS ABABA, Ethiopia (IRIN) – Ethiopia is regarded as arabica coffee’s birthplace, but while the country’s high-quality coffee has made it to the gourmet shelves of major coffee houses around the world, many of its growers remain poor.
Ethiopian coffee cooperatives have gained critical access to international coffee markets including the fair trade movement, but questions remain about what constitutes a fair price for farmers picking the red cherry that coffee beans come from.
“Ethiopian coffees are still too moderately priced for what they are worth,” said coffee consultant Willem Boot, who has managed coffee development projects for national coffee organizations in Ethiopia, Panama and El Salvador. “Their specialty coffees are significantly better than others and are really undersold.”
After oil, coffee is the world’s second most valuable legal exported commodity, worth an estimated US$15.4 billion in 2010, according to the International Coffee Organization , a global intergovernmental body aimed at strengthening the coffee sector.
Coffee is Ethiopia’s primary export and its largest generator of foreign capital, totalling $840 million in 2010. But it is not enough for a struggling economy and a country where an estimated 39 percent of the population lives on less than $1.25 a day .
“The main reason for poverty is trade,” said Tadesse Meskala, Oromia Coffee Farmers Cooperative Union’s general manager. “It is not a lack of natural resources but the formulation of trading mechanisms that makes us poorer and poorer.”
Fair trade is intended to be a transparent system of business mutually beneficial to consumers and producers. The movement began in’60s Europe, and today Fairtrade Labelling Organizations International (FLO) is the most widely recognized fair trade certification system.
FLO sets the minimum price per pound of fair trade green coffee beans at $1.60 or at the New York Stock Exchange Commodity price, whichever is higher. It also mandates an additional Fairtrade social premium of $0.20, and another $0.30 for organic coffee.
There are two types of fair-trade buyer, said Tsegaye Anebo, Sidama Coffee Farmers Cooperative Union’s general manager. One type of buyer, such as Starbucks Corp., will only buy if the Fairtrade price is low enough. The other consists of smaller roasting companies that buy whatever the price – absorbing cost fluctuations; one such roasting company is Third Coast Coffee in Austin, Texas. Third Coast Coffee pays more than the Fairtrade minimum in recognition of the coffees’ quality, said roaster Clay Roper, for example, purchasing a batch of 300 bulk coffee bags at $27,777 above the Fairtrade minimum.
Tangible benefits
“My home has totally changed, my personal health and income have improved, and I’m expanding my farmland,” said Mengesha Wocho, a farmer with the Kelaitu Hase Gola Cooperative in Southern Ethiopia’s Abaya highlands. “We now have a shop the cooperative established where we can buy goods, and a school constructed by fair trade [benefits].”
He said the cooperative’s committee engages with the local community and decides what projects to launch using the capital boosted by fair trade premiums; the community still lacks health facilities and potable water.
Cooperatives allow smallholding farmers to access previously unattainable international markets. They collect farmer’s output, process and transport it to the capital, Addis Ababa, to be trucked to neighbouring Djibouti – Ethiopia is landlocked – from which it is shipped around the world.
A couple of kilometres from Wocho’s farm, 40-year-old Shibru Worera says he plans to join the local cooperative because he cannot afford to feed his wife and six surviving children. Four children of his have already died.
“I hope to have a chance to improve,” he said. “There are no other opportunities.”
Fair trade flaws
Despite farmers’ praise, some remain concerned that fair trade represents another form of charity that does not enable self-sufficiency. They would rather the quality and uniqueness of the coffee command the price instead of an arbitrary external system, said Adam Overton, an American who bought Ethiopian land in the south-western Bench Maji region to start a coffee farm.
The expense of Fairtrade certification can limit the number of markets available that are willing to pay additional costs, said Abdullah Bagersh, a director for the Ethiopian Commodity Exchange, which regulates much of the coffee industry.
Also, he said, farmers must adhere to strict practices or risk losing the market they have committed to and become dependent on.
Others argue the system splits communities along the lines of farmers who qualify for fair trade premiums and those that do not.
Direct Trade has emerged as an alternative, based on relationships between buyers and producers that vouch for fair trade practices and organic quality through trust, eschewing what some criticize as expensive certificates and imposed methodologies.
“The future is looking very bright for Ethiopian coffee,” said Kassu Kebede, who worked for 27 years in the Ministry of Agriculture’s coffee department. Ethiopia is well placed to provide certified specialty blends increasingly sought by the world market – such as highland coffee, forest coffee and even naturally decaffeinated coffee – due to its variable agro-ecology, he added.
The history of coffee is intertwined with Ethiopia’s own. The story goes that after coffee was discovered in Ethiopia, it traded to Yemen around the sixth century – by the 17th and 18th centuries it had been exported to Europe and the Americas, becoming truly global. But it all traces back to an Ethiopian shrub.
“If Ethiopia could do a better job selling its unique story,” Boot said, “it could make significantly more money for farmers.”


አዲስ አበባ፣ ነሃሴ 15፣ 2004 (ኤፍ ቢ ሲ) የኢፌድሪ ጠቅላይ ሚኒስትር መለስ ዜናዊ አስክሬን ከሰዓታት በኋላ አዲስ አበባ ይገባል ተብሎ  እየተጠበቀ ነው ። 

በአሁኑ ወቅትም በሺዎች የሚቆጠሩ ኢትዮጵያውያን የጠቅላይ ሚኒስትሩን  አስክሬን በክብር ለመቀበል በቦሌ  አውሮፕላን ማረፊያ  አከባቢ  እየተሰባሰቡ ይገኛሉ።


የሚኒስትሮች ምክር ቤት ለፋና ብሮድካስቲንግ ኮርፖሬት በላከው መግለጫ የኢፌድሪ ጠቅላይ ሚኒስትር መለስ ዜናዊ ትናንት ማምሻውን በህክምና ሲረዱ በነበሩበት  ሆስፒታል ማረፋቸውን  ነው ያስታወቀው ። 

ምክር ቤቱ በመግለጫው ኢትዮጵያን ላለፉት 21 ዓመታት በከፍተኛ ብስለትና ብቃት ሲመሩ የቆዩት ጠቅላይ ሚኒስትር መለስው ዜናዊ ካደረባቸው ህመም ለመፈወስ በውጭ አገር በህክምና ሲረዱ መቆየታቸውን ጠቅሷል ።

ላለፉት ሁለት ወራት በህክምና ሲረዱና በጤናቸውም ላይ መሻሻል ሲታይ ከቆየ በኋላ ከትናንት በስቲያ ጀምሮ  በተከሰተ ደንገተኛ  ኢንፌክሽን ህመማቸው አንደገና ተባብሶ ለአስቸኳይ የህክምና እርዳታ ወደ ሆስፒታል  ገብተው ነበር ።

በህክምና ሙያተኞች ከፍተኛ እገዛ ቢደረግላቸውም በትናንትናት እለት ከምሽቱ 5 ሰዓት ከ40 ላይ በድንገት ማረፋቸውን ምክር ቤቱ ለአገራችን ህዝቦች በታላቅ ሀዘን ገልጿል ።

ኢትዮጵያንና  ህዝቦቿን ከድህነትና ኋላቀርነት ለማላቀቅ ደከመኝ ሰለቸኝ ሳይሉ በቅንነትና በታማኝነት አገራቸውን  አገልግለው ከፍተኛ የለውጥ ተስፋ ያሳዩን  መሪ እንደነበሩ  ነው ምክር ቤቱ የገለፀው  ።

አቶ መለስ ኢትዮጵያ በልማታዊ ዲሞክራሲያዊ አቅጣጫ እንድትጓዝ ጥራት ያላቸው ፖሊሲዎችንና  ስትራቴጂዎችን  ነድፈው በብቁ አመራራቸው በገነቧቸው ድርጅቶችና መንግሰት አማካይነት ተግባራዊ ማድረግ የቻሉና በአገራችን  በመካሄድ ላይ ያለው ታላቅ አገራዊ የህዳሴ ጉዞ በሰመረ አቅጣጫ እንዲጓዝ ያደረጉ ታላቅ መሪ እንደነበሩ  ምክር ቤቱ በመግለጫው ላይ ጠቅሷል ።
የጠቅላይ ሚኒስትር መለስ ዜናዊን እረፍት ተከትሎም በአገሪቱ ብሔራዊ የሀዘን ቀን ታወጇል።
የጠቅላይ ሚኒስትሩን እረፍት ምክንያት በማድረግ የመንግሰት ኮሙኒኬሽን ጉዳዮች ሚኒስትር አቶ በረከት ስምኦን ዛሬ ጋዜጣዊ መግለጫ የሰጡ ሲሆን ፥ የቀብራቸውን ስነ ስርዓት በተመለከተም መቼና እንዴት እንደሚፈፀም የሚያስተባብር ሰባት አባላት ያሉት ብሔራዊ ኮሚቴም መዋቀሩን ገልፀዋል።
በህገ መንግስታዊ ስርዓቱ መሰረትም ምክትል ጠቅላይ ሚኒስትርና የውጭ ጉዳይ ሚኒስትር አቶ ኃይለማርያም ደሳለኝ በህዝብ ተወካዮች ምክር ቤት ቀርበው ቃለ መሀላ እስኪፈፅሙ ድረስ፤ የጠቅላይ ሚኒስትሩን ስራ በተጠባባቂነት ተረክበው እንደሚሰሩ ተመልክቷል።
 ማክስኞ, 21 ንሐሴ 2012


የተከበራችሁ የሀገራችን ህዝቦች፣

የተከበራችሁ የኢህአዴግ አባላትና መላ የትግላችን ወደጆች

በዛሬው እለት ድርጅታንን ገና ከውልደቱ በመምራት ለታላቅ ሀገራዊ ለውጥ ያበቃንና በሀገራችን ታሪክ መሰረታዊ ለውጥ ለማምጣት ያስቻለንን ታላቁ የድርጅታችን መሪ ጓድ መለስ ዜናዊ ለህልፈተ ሕይወት በመብቃቱ የኢህአዴግ ስራ አስፈጻሚ ኮሚቴ የተሰማውን ከፍተኛ ሀዘን ይገልጻል፡፡ ዛሬ በእርግጥም ድርጅታችንና መላ የሀገራችን ህዝቦች ታላቁን የለውጥ መሪያችንን ተነጥቀናል፡፡ የኢህአዴግ ስራ አስፈጻሚ ኮሚቴ በድርጅታችን ሊቀመንበር በጓድ መለስ ዜናዊ ሞት የተሰማውን ልባዊ ሃዘን እየገለጸ ለመላ የሀገራችን ህዝቦችና የድርጅታችን አባላት እንዲሁም ለመላ ቤታሰቦቹ ከፍተኛ መጽናናትን ይመኛል፡፡

የድርጅታን ሊቀመንበር ጓድ መለስ ዜናዊ ገና ከውልደቱ አመራር እየሰጠ ለዚህ ያበቃው ኢህአዴግና መላ አባላቱ በድርጅታችን ታላቅ መሪ ከዚህ ዓለም በሞት መለየት ከፍተኛ ምሬትና ሃዘን የሚሰማን ቢሆንም በታላቁ መሪያችን አኩሪ ስራና ጥሎልን ባለፈው ትክክለኛና የጠራ የትግል መስመር ፀንተን በመታገል ራዕዩን እውን ለማድረግ በከፍተኛ ቁርጠኝነት መነሳታችንን እንገልጻለን፡፡

የተከበራችሁ የሀገራችን ህዝቦች፣
የተከበራችሁ የኢህአዴግ አባላትና መላ የትግላችን ወዳጆች

የድርጅታችን ሊቀመንበር ጓድ መለስ ዜናዊ ከምንም ነገር በላይ የለውጥ ሃሳቦችን በማፍለቅና እነዚህን ተግባራዊ የሚያደርግ ጠንካራ ድርጅትና መንግስት በመገንባት የሚያምንና ይህንኑም በተግባር ላይ ያዋለ ፅኑ የህዝብ ልጅ ነበር፡፡ መሪያችን ጓድ መለስ ዜናዊ ኢትዮጵያና ህዝቦቿን በእውቀትና በዘመናዊ መንገድ ብቻ መምራት እንደሚቻል አውቆ ሁሌም ራሱን ለማስተማርና በጥረቱም ያካበተውን እውቀትና ልምድ ኢትዮጵያን ለመለወጥ በከፍተኛ የትግል ፅናት ተግባራዊ ያደረገ ታላቅ መሪ ነበር፡፡ ከድህነትና ከመሃይምነት በላይ ጠላት የለም ብሎ የሚያምነው ጓድ መለስ ዜናዊ እድሜውን በሙሉ ድህነትን፣ መሃይምነትንና ኋላቀርነትን ሲፋለም ኖሯል፡፡ ድህነት የሚረታው በጠራ የትግል መስመር እየተመሩ በመታገል ነው ብሎ በማመን ድርጅቱን ጥራት ያለው የትግል መስመር ባለቤት ያደረገ ታላቅ የለውጥ ሐዋርያ ነበር፡፡ የመሃይምነት ተራራ የሚናደው በትምህርት ጥይት ነው ብሎ በማመን በሀገራችን ዘመናዊ ትምህርትን ወደር በሌለው ደረጃ ያስፋፋ ታላቅ የህዝብ ልጅ ነበር፡፡

ታላቁ የድርጅታችን መሪ ጓድ መለስ ዜናዊ ድርጅታችን በየምዕራፉ ያጋጠሙትን ፈተናዎችን ሁሉ በብስለትና በፅናት እንዲያልፍ ያስቻለ በሳልና አርቆ አስተዋይ መሪ ነበር፡፡ በሀገራችን አምባገነናዊ አገዛዝ ተወግዶ ህዝቦች ለፍትህና ለእኩልነት እንዲበቁ በተካሄደው ትግል ጓድ መለስ ዜናዊ ብቁ ፖለቲካዊ፣ ወታደራዊና ድርጅታዊ አመራር ሰጥቷል፡፡ የደርግ መንግስት ተገርስሶ በሀገራችን የሽግግር መንግስት ከተመሰረተ በኋላ በአንድ በኩል ኢትዮጵያ ለአዲስ ዴሞክራሲያዊ ህገ መንግስት እንድትበቃ ፣ በሌላ በኩል ከእዝ ኢኮኖሚ ወደ ገበያ ኢኮኖሚ የሚደረገው ሽግግር ሰላማዊና ህብረተሰባዊ መናጋት በሌለበት አኳኋን እንዲፈፀም ለማድረግ ያስቻለ ብቁ አመራር ሰጥቷል፡፡

ጓድ መለስ ዜናዊ በሀገራችን የሽግግሩ ሂደት አብቅቶ በህዝብ ምርጫ ዴሞክራሲያዊ መንግስት ከተመሰረተ በኋላ ፌዴራላዊ ስርዓት በመገንባትና የመጀመሪያውና ሁለተኛው የልማት መርሐ ግብር በተግባር ተተርጉሞ ሀገራችን በፈጣን እድገት አቅጣጫ እንድትረማመድ ውጤታማ አመራር ሰጥቷል፡፡ በመቀጠልም እኛን በመሰለ ህብረተሰብ የሚያጋጥመውን የእድገት መገታት መሰረታዊ መንስኤ በማጥናት ድርጅታችንና ሀገራችን በማያቋርጥ የተሃድሶ አቅጣጫ እንዲራመዱ በሳል አመራር ሰጥቷል፡፡ ጓድ መለስ መቼም ቢሆን ከትምህርት የማይቦዝነውን ብሩህ አእምሮውን በመጠቀም ሀገራችን ባለፉት ዘጠኝ ዓመታት ያረጋገጠችውን ፈጣን እድገት በመሃንዲስነትና በቀያሽነት ብቻ ሳይሆን ሰርቶ በሚያሰራ ብቁ አመራር ተግባራዊ ለማድረግ አስችሎናል፡፡ ካለፉት ሁለት ዓመታት ወዲህ ደግሞ ታላቁ የድርጅታችን መሪ ሀገራችንን ለመለወጥ ያስችላል ብሎ ያመነበትንና ኢትዮጵያውያን ተረባርበን ተግባራዊ ልናደርገው የምንችለውን የእድገትና የትራንስፎርሜሽን እቅድ ነድፎ ለሁለት ዓመታት ያህል ከህመሙ ጋር እየታገለ ተግባራዊ ለማድረግና ከፍተኛ ውጤት ለማምጣት ሲረባረብ ቆይቷል፡፡

የድርጅታን ሊቀመንበር ጓድ መለስ ዜናዊ ድህነትንና ኋላቀርነትን ከኢትዮጵያ ለማጥፋት ወሳኙን ርብርብ ለዘመናት በተዘነጉት ገጠሮችና በአርሶ አደሩ አካባቢ እንዲጀመር አበክሮ አስተምሯል፣ ተግባራዊ አመራም ሰጥቷል፡፡ እነሆ ኢትዮጵያ የረሃብ ተምሳሌትነቷ ማብቃት አለበት ብሎ የተነሳው መሪያችንና ድርጅታችን ከኢትዮጵያ አርሶ አደሮች ጋር እጅ ለእጅ ተያይዞ ድህነትን ከገጠር ለመመንገል ያልተቆጠበ ርብርብ በማድረግ ኢትዮጵያ በርግጥም የዳቦ ቅርጫት የምትሆንበትን አረንጓዴ ልማት በገጠር አቀጣጥሏል፡፡ አርሶ አደሩን ከመሬቱ ለማፈናቀል የተደረጉ ጥረቶችን ሁሉ በጽናት ተፋልሞ በማሸነፍ ዛሬ የሀገራችን አርሶ አደሮች የዘመናዊ ግብዓትና ማዳበሪያ ተጠቃሚዎች እንዲሆኑ ኑሯቸውንም ደረጃ በደረጃ እንዲለውጡ በሳል አመራር ሰጥተዋል፡፡

ጓድ መለስ ዜናዊ በከተሞችም የኢንዱስትሪና የአገልግሎት ሴክተሩ እንዲነቃቃና ተወዳዳሪ እንዲሆን፣ ዜጎች ሰርተው የሚበለጽጉባት ኢትዮጵያ እንድትፈጠርና በካፒታላቸውና በእውቀታቸው ተጠቅመው በዓለም ገበያ ተወዳዳሪ የሆነ ምርትና አገልግሎት የሚያቀርቡ ሀገራዊ ባለሃብቶች እንዲፈጠሩ ያላሰለሰ ጥረት አድርጓል፡፡ ዜጎች በራሳቸው ተማመነው ከድህነት ለመውጣት በአነስተኛና ጥቃቅን ተቋማት ተደራጅተው እንዲረባረቡና ለሀገራቸው ልማትና እድገት የድርሻቸውን እንዲወጡ መሰረት የጣለ መሪም ነበር፡፡

የመላ ኢትዮጵያውያን የዘመናት ህልም የሆነውን የአባይን ወንዝ ለኢትዮጵያ ልማት ለማዋል ባዘጋጀው እቅድና ባካሄደው ተግባራዊ እንቅስቃሴ«አባይን የደፈረ ጀግና» የሚል ስም ያተረፈው ታላቁ የድርጅታችን ሊቀመንበር ጓድ መለስ ዜናዊ ኢትዮጵያ የዘመናዊ መሰረተ ልማት ባለቤት እንድትሆን ሌት ተቀን ተረባርቧል፡፡ የስልክና የኤሌክትሪክ ፣ የመኪና መንገድና የባቡር መሰረተ ልማት ግንባታ እንዲጀመርና እንዲስፋፋ ያስቻለ ብቁ አመራር ሰጥቷል፡፡ ጓድ መለስ ዜናዊ በሰጠው አመራር ኢትዮጵያ የድህነትና የኋላቀርነት ተምሳሌት መሆኗ እየቀረ በዓለማችን በፈጣን እድገታቸው ከሚታወቁ ጥቂት ሀገሮች አንዷ እንድትሆን አብቅቷታል፡፡

የድርጅታችን ሊቀመንበር ጓድ መለስ ዜናዊ በድርጅታችንና በሀገራችን ውስጥ ከተጫወተው የበሰለ የአመራር ሚና ባሻገር ለአፍሪካ ቀንድ ሰላምና መረጋጋት ከፍተኛ አስተዋጽኦ ያበረከተ፣ በዓለም አቀፍ መድረኮች የአፍሪካ ህዝቦች ድምጽ እንዲሰማ የተሟገተ ፣ በዚህ ታላቅ የአመራር ሚናውም በመላ የአፍሪካ ህዝቦች ዘንድ ታላቅ አክብሮት ያፈራ በዓለምም ደረጃ ከፍተኛ ተቀባይነትን ያተረፈ ታላቅ መሪ ነበር፡፡

የተከበራችሁ የሀገራችን ህዝቦች
መላ የኢህአዴግ አባላትና
መላ የትግላችን ወዳጆች

ጓድ መለስ ዜናዊ መታመሙ ከተሰማ ጀምሮ ስለደህንነቱ ጭንቀታችሁንና መልካም ምኞታችሁን ስትገልጹ መቆየታችሁ የሚታወስ ነው፡፡በዚህ ወቅት የኢህአዴግ የስራ አስፈጻሚ ኮሚቴ መላ የሀገራችን ህዝቦችና የድርጅታችን አባላት በመሪያችን ጓድ መለስ ዜናዊ ህልፈተ ህይወት ለደረሰባችሁ መሪር ሃዘን መጽናትን ይመኛል፡፡

በታላቁ መሪያችን በጓድ መለስ ዜናዊ ሞት የተሰማን ሃዘን እጅግ ጥልቅ ቢሆንም በርሱ ራዕይና ብቁ አመራር በሀገራችን የተጀመረው የለውጥ እና የእድገት ብሩህ ተስፋ ህያው ሆኖ እንደሚቀጥል የኢህአዴግ ስራ አስፈጻሚ ኮሚቴ ያረጋግጣል፡፡ በሀገራችን የተጀመረው ፈጣን ኢኮኖሚያዊ እድገትና ዴሞክራሲያዊ ስርዓት በላቀ ውጤታማነት እንዲቀጥል ለማድረግ ከዚህ በፊት ከታላቁ መሪያችንና ከድርጅታችን ጎን ተሰልፋችሁ አንፀባራቂ ድሎችን እንዳስመዘገባችሁ ሁሉ ዛሬም ለበለፀገችና ለዳበረች ኢትዮጵያ ግንባታ የጀመራችሁትን ተጋድሎ በፅናት እንድትቀጥሉ የኢህአዴግ ስራ አስፈጻሚ ኮሚቴ በድጋሚ ጥሪውን ያቀርባል፡፡

የተከበራችሁ የኢህአዴግ አባላት

መሪያችንን በማጣታችን ከፍተኛ ሃዘን ቢሰማንም እርሱ ጥሎልን ያለፈውን ጠንካራ ድርጅትና መንግስት አጥብቀን ይዘን በፅናት ራዕያችንን ለማሳካት የመረባረብ ድርጅታዊ ባህላችንን ዛሬም ተግባራዊ እንደምናደርግ እሙን ነው፡፡ የመሪያችን የጓድ መለስ ዜናዊ ራዕይ ዛሬ የመላ ድርጅታችን አባላትና የ80 ሚሊዮን የሀገራችን ህዝቦች ራዕይ ሆኗል፡፡ በፈጠርነው ጠንካራ ድርጅትና በመሰረትነው ልማታዊ መንግስት እየተመራን የድርጅታችንን መሪ ፈለግ ተከትለን የጋራ ራዕያችንን ተግባራዊ ለማድረግ እንዳለፉት አመታት ሁሉ ዛሬም በፅናት እንራመድ፡፡

የመለስና የኢህአዴግ ራዕይ ህያው ሆኖ ይቀጥላል!!
የኢህአዴግ ስራ አስፈጻሚ ኮሚቴ
ነሐሴ 15 ቀን 2004 ዓ.ም


በሲዳማ ዞን የአለታ ወንዶ ወረዳ ገቢዎች ባለስልጣን ቅርንጫፍ ጽህፈት ቤት በተጠናቀቀው በጀት አመት ከ9 ሚሊዮን ብር በላይ ገቢ መሰብሰብቡን አስታወቀ፡፡
ጽህፈት ቤቱ በአመቱ ለመሰብሰብ ያቀደው 6 ሚሊዮን ብር ሲሆን  ከ9 ነጥብ 6 ሚሊዮን ብር በላይ ሊሰበሰበብ መቻሉን የወረዳው ገቢዎች ባለስልጣን ቅርንጫፍ ጽህፈት ቤት ኃላፊ አቶ ምስራቅ በቴ ገልፀዋል፡፡የአመቱ እቅድ ክንውን አፈፃፀም 98 ነጥብ 2 ከመቶ መሆኑንና ካለፈው አመት ተመሳሳይ ወቅት ጋር ሲነፃፀርም የ3 ሚሊዮን 61ዐ ሺህ 196 ብር ብልጫ ማሳየቱን ኃላፊው አስረድተዋል፡፡
ገቢው ሊሰበሰብ የቻለው ከቀጥተኛና ቀጥተኛ ካልሆኑ ገቢዎች እንዲሁም ከልዩ ልዩ ገቢዎች መሆኑን አብራርተዋል፡፡ለገቢው መጨመር የግብር ከፋዩ ህብረተሰብ ግብር የመክፈል ግንበዛቤ እያደገ መምጣት፣ የጽህፈት ቤቱ ሠራተኞች የሥራ ተነሳሽነት መፈጠርና የወረዳው መስተዳደርና ባለድርሻ አካላት ከገቢ ሰብሳቢው ጽህፈት ቤት ጋር የተቀናጀ ሥራ በማከናወናቸው መሆኑን ኃላፊው ጠቁመዋል፡፡
በቀጣይ አዳዲስ የገቢ ምንጮችን በማፈላለግ የተጀመረውን የ5 ዓመት የእድገትና ትራንስፎርሜሽን እቅድ ስኬት በቁርጠኝነት እንደሚሠሩ አቶ ምስራቅ መናገራቸውን የወረዳው የመንግስት ኮሚኒኬሽን ጉዳዮች ጽህፈት ቤት ዘግቧል፡፡

አዲስ አበባ ነሐሴ 15/2004 የጠቅላይ ሚኒስትር መለስ ዜናዊ ሥርዓተ ቀብር እስከሚፈጸም ድረስ በመላው አገሪቱ ብሔራዊ የሐዘን ቀን ሆኖ እንደሚቆይ የመንግስት ኮሙዩኒኬሽን ጉዳዮች ጽህፈት ቤት ኃላፊ ሚኒስትር ገለጹ።
በህገ መንግስታዊ ስርዓቱ መሠረት ምክትል ጠቅላይ ሚኒስትርና የውጭ ጉዳይ ሚኒስትር አቶ ኃይለማርያም ደሳለኝ አገሪቱን የመምራት ኃላፊነት መረከባቸውን ገልጸዋል፡፡
የጠቅላይ ሚኒስትር መለስ ዜናዊን ሥርዓተ ቀብርን የሚመራ ሰባት አባላት ያሉት ብሔራዊ ኮሚቴ የተቋቋመ ሲሆን የአገሪቱ ሰንደቅ ዓላማ ዝቅ ብሎ እንዲውለበለብ በሚኒስትሮች ምክር ቤት መወሰኑን አስታውቀዋል።
የመንግስት ኮሙዩኒኬሽን ጉዳዮች ጽህፈት ቤት ኃላፊ ሚኒስትር አቶ በረከት ስምዖን ዛሬ ለጋዜጠኞች በሰጡት መግለጫ የጠቅላይ ሚኒስትር መለስ ዜናዊ ሥርዓተ ቀብር እስከሚፈጸም ድረስ በመላው አገሪቱ ብሔራዊ የሐዘን ቀን ሆኖ ይቆያል።
"ዛሬ ለኢትዮጵያ አሳዛኝ ቀን ነው። ላለፉት 21 ዓመታት አገሪቱ መሠረታዊ የዴሞክራሲ ሥርዓትና የኢኮኖሚ ዕድገት እንድታመጣ ያስቻሏትን ታላቅ መሪዋን ጠቅላይ ሚኒስትር መለስ ዜናዊን አጥታለች።" ብለዋል አቶ በረከት።
በህገ መንግስታዊ ስርዓቱ መሠረት ምክትል ጠቅላይ ሚኒስትር አቶ ኃይለማርያም ደሳለኝ አገሪቱን የመምራት ኃላፊነት መረከባቸውን ገልጸዋል።
የኢትዮጵያ ሕዝቦች አብዮታዊ ዴሞክራሲያዊ ግንባር ምክር ቤት /ኢህአዴግ/ ጠቅላላ ጉባዔ በሚካሄድበት ወቅት የጠቅላይ ሚኒስትር ምርጫ የሚደረግ ሲሆን ምክትል ጠቅላይ ሚኒስትር አቶ ኃይለማርያም ደሳለኝ የፓርቲውንና የመንግስትን ኃላፊነት ይዘው የሚቀጥሉበት ሁኔታ ሊኖር እንደሚችልም ጠቁመዋል።
በተቀመጠው የአምስት ዓመት የአዲስ አመራር የመተካካት ሥርዓት መሠረት የአዲስ አመራሮች ምርጫ የኢትዮጵያ ሕዝቦች አብዮታዊ ዴሞክራሲያዊ ግንባር ምክር ቤት /ኢህአዴግ/ ጠቅላላ ጉባዔ እንደሚከናወን አመልክተዋል።
ከጠቅላይ ሚኒስትር መለስ ዜናዊ ሞት ጋር በተያያዘ በአገሪቱ የሚፈጠር ምንም አዲስ ነገር እንደማይኖር የገለጹት አቶ በረከት ሕገ መንግስታዊ ሥርዓቱ ተጠናክሮ ይቀጥላል ብለዋል።
የጠቅላይ ሚኒስትር መለስ ራዕይን ለማሳካት ሁሉም የመንግስት መስሪያ ቤቶች ለዕድገትና ትራንስፎርሜሽን ዕቅድ ስኬታማነት ከምንጊዜውም በላይ እንቅስቃሴ እንደሚያደርጉ ገልጸዋል።

አዲስ አበባ ነሐሴ 15/2004 የኢትዮጵያ ፌዴራላዊ ዴሞክራሲያዊ ሪፐብሊክ ጠቅላይ ሚኒስትር መለስ ዜናዊ ከዚህ ዓለም በሞት ተለዩ፡፡
የሚኒትሮች ምክር ቤት ሙሉ መግለጫ የሚከተለው ነው፡፡
የኢትዮጵያ ፌዴራላዊ ዴሞክራሲያዊ ሪፐብሊክ መንግሥት የሚኒስትሮች ምክር ቤት አገራችንን ላለፉት 21 ዓመታት በከፍተኛ ብስለትና ብቃት ሲመሩ የቆዩት ክቡር ጠቅላይ ሚኒስትር መለስ ዜናዊ ካደረባቸው ሕመም ለመፈወስ በውጭ አገር በሕክምና ሲረዱ ከቆዩ በኋላ በትናንትናው ዕለት ከምሽቱ 5፡40 በድንገት ማረፋቸውን ለመላው የአገራችን ሕዝቦች በታላቅ ሐዘን ይገልጻል፡፡
ክቡር ጠቅላይ ሚኒስትር መለስ ዜናዊ ላለፉት ሁለት ወራት በህክምና ሲረዱና በጤናቸው ላይ መሻሻል ሲታይ ከቆየ በኋላ ከትናንት በስቲያ ጀምሮ በተከሰተ ድንገተኛ ኢንፌክሽን እንደገና ሕመማቸው ተባብሶ ለአስቸኳይ የህክምና እርዳታ ወደ ሆስፒታል ገብተው በህክምና ሙያተኞቻቸውም እገዛ ቢደረግላቸውም በትናንትናው ዕለት ከምሽቱ 5፡40 ሲሆን ህይወታቸው ሊያልፍ ችሏል፡፡
የኢትዮጵያ ፌዴራላዊ ዴሞክራሲያዊ ሪፐብሊክ መንግሥት የሚኒስትሮች ምክር ቤት ኢትዮጵያንና ህዝቦቿን ከድህነትና ኋላቀርነት ለማላቀቅ ደከመኝ ሰለቸኝ ሳይሉ በቅንነትና በታማኝነት አገራቸውን አገልግለው ከፍተኛ የለውጥ ተስፋ ያሳዩንን ክቡር ጠቅላይ ሚኒስትር መለስ ዜናዊ እልፈተ ህይወት ሲገለጽ በኃዘን በተሰበረ ልብ ነው፡፡
ጠቅላይ ሚኒስትር መለስ ከምንም ነገር በላይ አገራቸውንና ሕዝባቸውን የሚወዱ ለዚች አገርና ሕዝብ የላቀ ራዕይ የነበራቸው መሪ ነበሩ፡፡ ጠቅላይ ሚኒስትር መለስ ዜናዊ ራዕያቸውን እውን ማድረግ የጀመረና አስተማማኝ ውጤት ማምጣት የቻለ ድርጅትና መንግሥት የገነቡ፣ ኢትዮጵያ በዓለም አደባባይ ከፍ ብላ መጠራት እንድትጀምር ያደረጉ ታላቅና እጅግ አርቆ አሳቢ መሪ ነበሩ፡፡
ጠቅላይ ሚኒስትር መለስ ዜናዊ አገራችን በልማታዊ ዴሞክራሲያዊ አቅጣጫ እንድትጓዝ ጥራት ያላቸው ፖሊሲዎችና ስትራተጂዎች ነድፈው በብቁ አመራራቸው በገነቧቸው ድርጅትና መንግሥት አማካኝነት ተግባራዊ ማድረግ የቻሉና በአገራችን በመካሄድ ላይ ያለው ታላቅ አገራዊ የህዳሴ ጉዞ በሰመረ አቅጣጫ እንዲጓዝ ያደረጉ ታላቅ መሪ ነበሩ፡፡
ክቡር ጠቅላይ ሚኒስትር መለስ ዜናዊ በአገራችን ህገ መንግሥታዊ ዴሞክራሲያዊ ስርዓት እንዲገነባ፣ የህዝቦች እኩልነትና የዜጎች ሰብዓዊና ዴሞክራሲያዊ መብቶች ህገ መንግሥታዊ ዋስትና አግኝተው በተግባር ላይ እንዲውሉ በአገራችን መልካም አስተዳደር እንዲሰፍንና በድህነት የሚማስኑ ወገኖችን የኑሮ ደረጃ ለማሻሻል የተስፋ ብርሃን የፈነጠቀ ተግባር የፈጸሙ፣ ያደረጉ ኢትዮጵያን በአዲስና ጽኑ ዴሞክራሲያዊ መሰረት ላይ ያዋቀሩ ታላቅ መሪ ነበሩ፡፡ ዛሬ ኢትዮጵያና አፍሪካ ታላቁን የለውጥ ሃዋሪያ ልጃቸውን አጡ፡፡ ዛሬ ኢትዮጵያና የአፍሪካ ትንሳኤ ያበሰረው አዲስ የአመራር ትውልድ አርቆ አሳቢ መሪውን ተነጠቀ፡፡
ጠቅላይ ሚኒስትር መለስ ዜናዊ አገራችንን በከፍተኛ ደረጃ ለመለወጥ የሚያስችለው የታላቁ የአምስት ዓመት የዕድገትና የትራንስፎርሜሽን ዕቅድ መሐንዲስ ከመሆናቸውም በላይ ላለፉት ሁለት ዓመታት ካደረባቸው ሕመም ጋር እየታገሉ ላለፉት ሁለት ዓመታት ተግባራዊነቱን የመሩና አገራቸው የጀመረችውን ተከታታይና ፈጣን ዕድገት የማስመዝገብ ጉዞ ተጠናክሮ እንዲቀጥል ያደረጉ ታላቅ የሕዝብ ልጅ ነበሩ፡፡
ክቡር ጠቅላይ ሚኒስትር መለስ ዜናዊ ለአፍሪካ ቀንድ ሰላምና መረጋጋት ከፍተኛ አስተዋጽኦ ያበረከቱና ኢትዮጵያ ለአፍሪካ ቀንድና ለአፍሪካ ሠላምና መረጋጋት ከፍተኛ አስተዋጽኦ ያበረከቱ፣ ኢትዮጵያ፣ ለሶማሊያ፣ ለደቡብና ሰሜን ሱዳን፣ ለሩዋንዳ ለቡሩንዲና ለላይቤሪያ ዘላቂ ሠላም ታሪክና መላ አፍሪካውያን የማይዘነጉት አስተዋጽኦ እንድታበረክት ያደረጉ ታላቅ መሪ ነበሩ፡፡
ክቡር ጠቅላይ ሚኒስትር መለስ ዜናዊ የአፍሪካ ሕዝቦች ድምጽ እንዲሰማ አፍሪካ በንግድና በልማት፣ በዴሞክራሲና መልካም አስተዳደር፣ በሠላምና መረጋጋት አቅጣጫ እንድትጓዝ ታላቁን የኔፓድ ፕሮግራም ከአፍሪካውያን የትግል አጋሮቻቸው ጋር በመሆን ያመነጩና ይህን የተቀደሰ ሃሳብ በአገራቸው ውስጥ ተግባራዊ በማድረግ ኢትዮጵያ በእርግጥም የተለመደ አፍሪካዊ ኃላፊነቷን ከውስጧ በመጀመር እንድትወጣ ያበቁ ታላቅ የኢትዮጵያና የአፍሪካ ህዳሴ መሪ ነበሩ።
ጠቅላይ ሚኒስትር መለስ ዜናዊ በዓለማችን ፍትሃዊ የኢኮኖሚ ክፍፍል ሥርዓት እንዲዋቀር የታዳጊ አገሮች ድምፅ በመሆን በዓለም አደባባባይ የተሟገቱና ተቀባይነት ያተረፉ ታላቅ መሪ ነበሩ። በዓላማችን የተፈጥሮ ሀብት ሚዘን እንዲጠበቅ፣ በቃላቸው መሰረት ኢትዮጵያ የአረንጓዴው ልማት ሃሳባቸው ተግባራዊ ማሳያ እንድትሆን ያደረጉ ታላቅና በሳል መሪ ነበሩ።
በብስለታቸውና በአርቆ አሳቢነታቸው በአገራችን ቦግ ብሎ የበራውን የተስፋ ሻማ የለኮሱ ኢትዮጵያንና መላውን የጥቁር ማህበረሰብ ያኮሩ ፣ መላው ዓለም ብቃታቸውን የመሰከረላቸው ታላቅ መሪ ነበሩ።
የኢትዮጵያ ፌዴራላዊ ዴሞክራሲያዊ ሪፐብሊክ መንግሥት የሚኒስትሮች ምክር ቤት በክቡር ጠቅላይ ሚኒስትር መለስ ዜናዊ ህልፈተ ሕይወት ኢትዮጵያ ብቻ ሳትሆን ዓለማችንም አንድ አርቆ አሳቢ አዕምሮና የለውጥ ኃይል እንዳጣች በፅኑ የሃዘን መንፈስ ይገነዘባል።
የተከበራችሁ የአገራችን ሕዝቦችና የኢትዮጵያ ወዳጆች
በክቡር ጠቅላይ ሚኒስትር መለስ ዜናዊ አለጊዜ መሞት የኢትዮጵያ ፌዴራላዊ ዴሞክራሲያዊ ሪፐብሊክ መንግሥት የሚኒስትሮች ምክር ቤት የተሰማውን ጥልቅ ሐዘን እየገለጸ ክቡር ጠቅላይ ሚኒስቴር መለስ ዜናዊ በአገራችን አስተማማኝ ዲሞክራሲያዊና ልማታዊ ህገ መንግስታዊ ስርዓት ገንብተው በማለፋቸው ደግሞ በከፍተኛ ደረጃ ይጽናናል፡፡
ጠቅላይ ሚኒስትር መለስ የለውጥ ሃሳቦች ዛሬ የ80 ሚሊዮን ኢትዮጵያዊያን ሃሳቦች ሆነዋል፡፡ የልማትና የዲሞክራሲ ግንባታ ጅምራቸው በመላው አፍሪካዊያን ዘንድ አዲስ ተስፋ የፈነጠቀ፣ ለለውጥና ለተሻለ ሕይወት መነሳሳትን የጋበዘ ሆኗል፡፡
የጠቅላይ ሚኒስትር መለስ ፖሊሲና ስተራተጂዎች መቼም ቢሆን ደከመኝ በማያውቁ የትግል አጋሮቻቸውና ድርጅታቸው እንዲሁም በልማታዊ መንግስታችንና በመላው አገራችን ህዝቦች ንቁ ተሳትፎ በከተማና በገጠርም በተግባር ተተርጉመው አገራችንን በፍጥነት ለመለወጥ የሚያስችሉ ፍቱን አቅጣጫዎች መሆናቸው ተረጋግጧል፡፡
ታላቁ መሪያችን ዛሬ ከጎናችን ቢለዩንም ትተውልን የሄዱት ህገ መንግስታዊ ልማታዊና ዲሞክራሳዊ ስርዓት ከአለት በጸና መሰረት ላይ የተገነባ በመሆኑ በታላቁ መሪያችን ምንጊዜም ቢሆን እንድንኮራ በራሳችን ያለን መተማመን ከፍተኛ እንዲሆንና በአገራችን በመካሄድ ላይ ያለውን የኢትዮጵያ ህዳሴ እውን የማድረግ ጉዞ መቼም ቢሆን እንደማይቀለበስ ያረጋገጠልን ሆኗል፡፡
ኢትዮጵያ ታላቋን መሪዋን በማጣቷ ከፍተኛ ጉዳት የደረሰባት ብትሆንም የጠቅላይ ሚኒስትር መለስ ብሩህ አእምሮ ያፈለቃቸው መሰረታዊ ፖሊሲዎችና ስትራቴጅዎች ተጠናክረው ተግባራዊ መሆን ይቀጥላሉ፡፡ በህገ መንግስታችን የተከበሩ የግልና የቡድን መብቶች ከመቼውም ጊዜ በላይ ሰፍተውና ጎልብተው እንዲቀጥሉ ይደረጋል፡፡ በአገራችን የተጀመረው የዴሞክራሲ ተቋማት ግንባታ በጠቅላይ ሚኒስትር መለስ ፈለግና ራእይ ተጠናክሮ እንዲቀጥል ይደረጋል፡፡
ኢትዮጵያ በአፍሪካ ቀንድና በአፍሪካ በመጫወት ላይ ያለችው ገንቢ፣ ሰላማዊና በጋራ ተጠቃሚነት ላይ የተመሠረተ ሚና ተጠናክሮ የሚቀጥል ከመሆኑም በላይ አገራችን ዛሬም እንደትናንቱ የመልካም ጉርብትና አብነት ሆና ትቀጥላለች፡፡ ኢትዮጵያ ዛሬም እንደ ትናንቱ በአፍሪካ ህብረትና በዓለም አደባባይ የምትጫወተው ገንቢ ሚና ጠቅላይ ሚኒስትር መለስ ባስቀመጡት ራእይና ፈለግ በመመራት ተግባራዊነቱ ተጠናክሮ እንዲቀጥል ይደረጋል፡፡
የተከበራችሁ የአገራችን ህዝቦች የተከበራችሁ የኢትዮጵያ ወዳጆች
ታላቁ የአገራችን መሪ ክቡር ጠቅላይ ሚኒስትር መለስ ዜናዊ የመታመማቸው ወሬ ከተሰማ በኋላ መላ የአገራችን ህዝቦች ለመሪያቸው ልዩ ልባዊ ፍቅር በማሳየትና በየእምነታቸው መሠረት በፀሎች መልካም ምኞታቸውን ሲገልፁ እንደቆዩ በከፍተኛ አድናቆት ተገንዝቧል፡፡ የሚኒስትሮች ምክር ቤት መላ የአገራችን ህዝቦች በዚህ አስቸጋሪ ወቅት ከመንግስት ጎን ተሰልፈው አገራቸውን በተረጋጋ ሰላማዊና ትክክለኛ አቅጣጫ ለማስቀጠል ላደረጉት ከፍተኛ ትግል ያለውን አድናቆት እየገለፀ ከእንግዲህም አገራችንን ከዚህ አስቸጋሪ ነገር ግን በአስተማማኝ ሁኔታ ከምናልፈው ወቅት ባሻገር ለዘላቂ እድገቷ፣ ሰላሟና የህዝብ ተጠቃሚነት እጅ ለእጅ ተያይዘን በከፍተኛ የኃላፊነት መንፈስ እንድንቀሳቀስ ጥሪውን ያቀርባል፡፡
በርካታ የአፍሪካና የዓለም መሪዎች የታላቁ መሪያችንን ጤንነት ሁኔታ ከሰሙ በኋላ በተለያዩ መንገዶች ለላኩንል የመልካም ምኞትና የድጋፍ መግለጫ የኢትዮጵያ ፌዴራላዊ ዴሞክራሲያዊ ሪፐብሊክ መንግስት የሚኒስትሮች ምክር ቤት በከፍተኛ አድናቆት እንደሚመለከተው፤ በዚህ አጋጣሚ ኢትዮጵያ ከሁሉም አገሮች ጋር የፈጠረችውን መልካም ግንኙነት አጠናክራ እንደምትቀጥል ለመግለጽ ይወዳል፡፡
ክቡር ጠቅላይ ሚኒስትር መለስ ዜናዊ በህክምና ሲረዱ በቆዩበት ወቅት ሁሉ ከአጠገባቸው ሳይለዩ የተቻላቸውን ሁሉ ድጋፍ ላደረጉና የመሪያችንን ጤንነት ለመመለስ አቅማቸው የፈቀደውን ትብብር ላደረጉልን የህክምና ሙያተኞች የኢትዮጵያ ፌዴራላዊ ዴሞክራሲያዊ ሪፐብሊክ መንግስት ልባዊ ምስጋናውን ያቀርባል፡፡
የኢትዮጵያ ፌዴራላዊ ዴሞክራሲያዊ ሪፐብሊክ መንግስት የሚኒስትሮች ምክር ቤት የጠቅላይ ሚኒስትር መለስ ዜናዊ የቀብር ስነስርዓት የሚፈፀምበትን ሂደት በማስመልከት ቀጣይ መግለጫዎችን የሚያቀርብ ሲሆን በህገ መንግስታዊ ስርዓቱ መሠረት ክቡር ምክትል ጠቅላይ ሚኒስትር ኃይለማርያም ደሳለኝ የሚኒስትሮች ምክር ቤትን እየመሩ ይቀጥላሉ፡፡
የተከበራችሁ የአገራችን ህዝቦች
የተከበራችሁ የኢትዮጵያ ወዳጆች
አገራችን ታላቁንና አርቆ አሳቢውን መሪዋን በማጣቷ ከፍተኛ ጉዳት የደረሰባት ቢሆንም ኢትዮጵያውያን ከመቼውም ጊዜ በላቀ ሁኔታ የጠቅላይ ሚኒስትር መለስን የለውጥና የአገር ግንባታ ራእይ ተግባራዊ ለማድረግ በከፍተኛ አገራዊ የአንድነት መንፈስ ልንረባረብ የምንገደድበት ወቅት ላይ እንገኛለን፡፡
የኢትዮጵያ ፌዴራላዊ ዴሞክራሲያዊ ሪፐብሊክ መንግስት የሚኒስትሮች ምክር ቤት ይህ አስቸጋሪ ወቅት በአስተማማኝ ሁኔታ ታልፎ አገራችን በርግጥም የተነደፈላትን የለውጥ ራእይ ተግባራዊ እንድታደርግ ከመቼውም ጊዜ በላቀ አንድነትና የትግል መንፈስ እንድንረባረብ ጥሪውን ያቀርባል፡፡
በዚህ አጋጣሚ ለመላ የአገራችን ህዝቦችና ለታላቁ መሪያችን ለአቶ መለስ ዜና ቤተሰቦች መጽናናትን ይመኛል፡፡