Nomonanoto Show

Wednesday, July 16, 2014

-አዲስ የቡና ስትራቴጂ እየተቀረፀ ነው
ቡናን ከምርት ጀምሮ እስከ መጨረሻው ድረስ ያለውን የግብይት ሒደት የሚቆጣጠር፣ በቡና ላይ የሚሠሩ የተለያዩ መሥሪያ ቤቶችን በአንድ ላይ ጠቅልሎ የሚሠራ አዲስ መንግሥታዊ ተቋም ሊቋቋም ነው፡፡
 ከቡና ምርትና ግብይት ሒደት ጋር ተያይዞ አለ የሚባለውን ችግር ለመቅረፍ ያስችላል የተባለውን አዲሱን መንግሥታዊ ተቋም ለመፍጠር የሚያስችለው ጥናት ተጠናቅቆ ለጠቅላይ ሚኒስትሩ ቀርቧል፡፡
የተቋሙ አስፈላጊነት ላይ ውሳኔ ከደረሰ በኋላ ካለፈው ዓመት ጀምሮ የተለያዩ ዝግጅቶች ሲካሄዱ መቆየታቸውን ለማወቅ ተችሏል፡፡
በቅርቡ ጠቅላይ ሚኒስትር ኃይለ ማርያም ደሳለኝ ከንግዱ ኅብረተሰብ ጋር ባደረጉት ውይይት፣ በቡና ምርትና ግብይት ዙሪያ ያሉ ችግሮችን ለመቅረፍ  ቡናን የሚቆጣጠር መንግሥታዊ ተቋም እንዲቋቋም መወሰኑን መግለጻቸው ይታወሳል፡፡
እንደ ምንጮች ከሆነ እስከዛሬ የነበረውን የቡና ግብይት ሙሉ ለሙሉ የሚለውጥና አዲስ አሠራርን ይፈጥራል የተባለው ይህ ተቋም በሚቀጥለው ዓመት ወደ ሥራ ይገባል፡፡ ተቋሙን ለመፍጠር የተደረገው ጥናት ተጠናቆ ለመንግሥት ከመቅረቡ በፊት የሌሎች የቡና አምራች አገሮች ልምድ እንዲወሰድ መደረጉም ተገልጿል፡፡
በተለይ በቡና ላይ የሚታየውን ረዥም የግብይት ሰንሰለት በመስበር ቀልጣፋ የግብይት ሥርዓት እንዲፈጠር በማድረግ በአገር ውስጥ የቡና ዋጋ እንዳያሻቅብ ለማድረግ ቁጥጥር ያደርጋል፡፡
የኮንትሮባንድ ንግድንም ለመቆጣጠር የሚያስችል አሠራር የሚኖረው ሲሆን፣ የቡና ምርታማነትም እንዲያድግ የሚያስችል አሠራር እንደሚከተልም ተጠቁሟል፡፡
ከዚህ ተቋም መቋቋም ጎን ለጎን አዲስ የቡና ስትራቴጂ በመዘጋጀት ላይ ነው፡፡ ስትራቴጂው በሚቀጥሉት አሥር ዓመታት ኢትዮጵያ ከብራዚል ቀጥላ ሁለተኛዋ የቡና አምራች እንድትሆን ለማድረግ ያስችላል የተባሉ ዝርዝር የአፈጻጸም ሥልቶችን የያዘ መሆኑም ታውቋል፡፡ አዲሱን የቡና ስትራቴጂን ተግባራዊ ለማድረግ በዓለም አቀፍ ደረጃ ተወዳዳሪ ለመሆን ምርት ማሳደጉ ዓይነተኛ አማራጭ በመሆኑ፣ ምርቱን ማብዛት እንዲቻል አዳዲስ የቡና መሬቶች እንደሚዘጋጁና አነስተኛ ገበሬዎችም የቡና እርሻቸውን እንዲያስፋፉ የሚስችሉ አሠራሮችን የሚያሳይ ነው፡፡
አገሪቱ በቡና ገበያ ያላትን ተወዳዳሪነት ለማሳደግ አሁን ቡና ከሚለማባቸው አካባቢዎች በተጨማሪ አዳዲስ የቡና ማብቀያ ቦታዎች እየተለዩ መሆኑም ታውቋል፡፡
ከእነዚህም ውስጥ አንዳንድ የአማራና የደቡብ ምዕራብ ኦሮሚያ ወረዳዎች ውስጥ ለቡና ምርት የሚሆን ቦታ ይዘጋጃል፡፡ ለምርቱ የሚሆን ፋይናንስ የሚገኝበትን ዕድል ለማመቻቸት ጠቋሚ መረጃዎች የያዘው ስትራቴጂ፣ የግል ባለሀብቶች በዚህ ሥራ ውስጥ እንዲገቡ የሚሰጡ ማበረታቻዎችን ያካተተ ነው፡፡ ስትራቴጂው ተግባራዊ እስኪደረግና አዲሱ ተቋም እስኪቋቋም ድረስ ግን በጊዜያዊነት የቡና ግብይትን ለማገዝ ንግድ ሚኒስቴር ሥር ራሱን የቻለ ዳይሬክቶሬት ተቋቁሞ እየሠራ ነው፡፡ ከዚህም በተጨማሪ ከአንድ ወር ተኩል በፊት የወጪ ንግድ ማስፋፊያ ዳይሬክቶሬት እንዲቋቋም ተደርጓል፡፡ ይህም ዳይሬክቶሬት የወጪ ንግድን የሚመለከቱ ሥራዎችን ራሱን ችሎ እንዲሠራ ለማስቻል እንደሆነም ተጠቁሟል፡፡
የራሱን ቢሮ ይዞ እንዲቋቋም የተደረገው አዲሱ ዳይሬክቶሬት  ዳይሬክተር ተሹሞለት ሥራ ጀምሯል፡፡ ዳይሬክተር ሆነው የተሾሙትም የንግድ ሚኒስትር ዴኤታው አማካሪ አቶ አሰፋ ሙሉጌታ  መሆናቸውን ለማወቅ ተችሏል፡፡
ተጻፈ በ  ተጻፌ በሪፖርተር ጋዜጣ


እነሆ ከመገናኛ ወደ ሲኤምሲ ልንጓዝ ነው። አጀማመራችን በፀጥታ የተጠነሰሰ ነው። የዛሬዎቹ ተሳፋሪዎች ትንፋሽ ያላቸው አይመስሉም። በውጥረት የታፈነው ጎዳና መንገደኛውን መተንፈሻ የነሳው ይመስላል።
ጩኸት ኑሮው የሆነው ወያላ ዕድሜው በለቅሶ ተጀምሮ በጩኸት በሚገባደድ ሕዝብ መሀል ያለ ዕረፍት ይጣራል። እንደ ንጋት ጎርናና ድምፁ ሁሉ ጎርበጥባጣ ኑሮው ይለሰልስለት ይመስል እሪ ሲል አይታክትም። ጥሪ በማይፈልገው የትግል ጎዳናችን ላይ ግን የወያላው ልፋት መና የቀረ ይመስላል። ከወዲያ ወዲህ ሲሯሯጥ ከቆየ በኋላ አካባቢውን የሚቀያይረው ሕዝብ ፍልሰቱ መቼም የሚቆም አይመስልም። ሰው የሚደርስበትን ቦታ እያሰበ ስለአዋዋሉ፣ ስለኑሮው፣ ስለቤተሰቡ፣ ስለሥራው እያውጠነጠነ ባላሰበው በሚገኝበት በዚህ ጊዜ፣ የህልማችንና የሩጫችን ውጤት በአብዛኛው አንገት ያስደፋል። ሲዘሉ መሰበር የመንገዱ ህልውና መሠረት ቢሆንም ቅሉ በዚህ በአገራችን የአረማመድ ዘዬ ሳንዘል በተቀመጥንበት የተሰበርን ጥቂት አይደለንም። የዚህ ጎዳና ትርክት ብዙ ነው። 
ማጠቃለያ ሐሳብ ይሰጠው ሲባል ግን ቃሏ አንዲት ናት። እሷም ‘ተግዳሮት’ ትባላለች። መውጣትና መውረድ አክርማና ስንደዶ ሆነው ያልቀየሱት ጎዳና በእርግጥ በየትም አገር ታሪክ አይኖርም። ነፃ ብሎ መንገድ፣ እንደ ጨርቅ የሚጠቀለል አልጋ ባልጋ ጎዳና ለሰው ልጅ አይገባውም የተባለ የተፈጥሮ ሕግ ሳይሆን አይቀርም። በዚህ ግጭቱ፣ ተንኮሉ፣ ተግዳሮቱና ሸሩ በማያልቅ የሰው ልጅ ሕይወት ሁሉም እንደራሱ አረማመድ እየተጓዘ እንደ ሕዝብ ደግሞ በጋራ መጓጓዣ እንዝርቱ ይፈትላል። በፈተለው ልክ ሁሉም የድርሻውን ሕይወት እየሸመነና እየለበሰ፣ ለታሪክና ለታዛቢ በሩን ይከፍታል። መንገድ ሁሉን ይዳኛል። የፍትሕ ያለህ ባዩ ወዮታ ግን እያደር በርትቷል። መቼም መልካሙና በጎው ነገር አልበረታ ያለበት ዘመን አይደል?!       
ታክሲያችን ተንቀሳቅሶ። የዝምታው ድንበር ቀስ በቀስ መጣስ ጀምሯል። ከልጅ እስከ አዋቂ፣ ከሊቅ እስከ ደቂቅ በየትኛውም የዕድሜ እርከን ያለ ሁሉ ተሳፍሯል። ሠራተኛው ስለሥራው፣ ተማሪው ስለትምህርቱ፣ ነጋዴው ስለወረቱ ይነጋገራል። በመሀል ደግሞ ስለኑሮ ጡዘት ሹክ ይባባላል። ከወሬው ሳይታቀብ በቆረጣ በወያላው ሒሳብ አምጣ መባልን ፈርቶ የሚሳቀቅም አለ። መቼስ መንገድ የማያሰባስበው የተለያየ ዓይነት ተፈጥሮ የሌለው የለም። በዚህ መሀል፣ “ኑሮና የዓለም ዋንጫ ይመሳሰላሉ፣ ጋባዡ እየራበው እንግዳ ያጠግባሉ፤” ሲል አንድ መጨረሻ ወንበር የተቀመጠ ወጣት ከጎኑ ካሉት ጋር ሲሳለቅ ይሰማል። “ሙሰኛና ገጣሚ እንደበዛብን ምንም አልበዛብንም፤” ትለኛለች ከጎኔ ተቀምጣ የታክሲውን ጣራ በራስ ቅሏ የምትታከክ መለሎ። ከሾፌሩ መቀመጫ ኋላ ከፊታችን ከተቀመጡ ተሳፋሪዎች አንድ ጎልማሳ ዘወር ብሎ፣ “የሌብነቱን ምንጭ ባላውቅም ሲፈጥረው አገሩ የጥበብና የኪነት ነው፤” አላት። አነጋገሩ ውስጥ ቁጭት ነገር አለ። 
በዚህ መሀል የመንገዱ ፍሰት ታወከና ታክሲያችን ቆመ። “ኧረ እባክሽ ሴትዮ ተረጋጊ፤” ጮኸ ሾፌራችን። ሁላችንም ወደ ደጅ አሰገግን። እጅግ ውድና ዘመናዊ መኪና የምታሽከረክር እንስት መንገዱን ቆላልፋዋለች። “እሷ እቴ ስትሰማህ እኮ ነው!” ይላል ወያላው። ግጥም አድርጋ መስታውቶቿን ጠረቃቅማ የምታሽከረክረው ሴት ሰምታ ለመመለስ፣ ተሳስባ ለመጓዝ ፈቃደኛ አትመስልም። “እስኪ አሁን መንገዱ የሕዝብ፤” ቢል ከሾፌሩ አጠገብ እዚያው ጋቢና የተሰየመ ወጣት፣ “አይ አንተ ሕዝብ የግለሰቦች ከሆነ ውሎ ማደሩን አታውቅም?” ብሎ ሾፌሩ መለሰለት። ሴትዮዋ የያዘችውን ዘመናዊ መርሰዲስ ቢገጭ በቀላል ወጪ የማይጠገን ስለሆነ በፍራቻ ሁሉም ቅድሚያ እየሰጠ አሳለፋት። ‘አመሰግናለሁ’ አለማለቷን ወያላው ታዝቦ፣ “ሌላው ቢቀር ‘ቴንኪው’ ርካሽ ነው! እስኪ አሁን ምነ አሰሰታት?” ከማለቱ አንዱ በጎርናና ድምፅ፣ “ጠግቦ የተኛና ርቦት የሞተ አንድ ነው፤” አለው። በመጠን መኖር እንዴት መታደል ነው?   
 ጉዟችን ቀጥሏል። አንዱ ተሳፋሪ ወርዶ ሌላ ተሳፋሪ ይጫናል። ወያላው በወረዱት ፈንታ ታክሲውን ለመሙላት ይጣራል። ሲገኝም ትርፍ ይደርባል። “ይቅርታ እዚህ ጋ ጠጋ ትሉላት?” ፊት መቀመጫ ያሉትን ያስቸግራል። “ደርብብን ኧረ! ‘ላለው ይጨመርለታል’ አይደል የሚባለው?” አለው ጎልማሳው። የምትደረበዋ ልጅ ቀበል አድርጋ፣ “ታዲያስ! እንዲህ ታክሲ ወንበር ላይ ካልተለማመድነው ደግሞ ነገ ከነገ ወዲያ የመተካካት ፖለቲካ ይሰምርልናል?” ብላ ፈገግ አሰኘችን። “ጨዋታ ትችያለሽ እ? ለእንዳንቺ ዓይነቷስ እንኳን መጠጋት ብነሳም አይቆጨኝ፤” አለ ጎልማሳው። 
“አመሰግናለሁ” ከማለቷ ጎልማሳው ወዲያው ቀጠል አድርጎ “አሉ እንጂ ወይ ጨዋታ አያውቁ ወይ ጨዋታ አይወዱ! በሕዝብ ወንበር የባለንብረትነት ስሜት የሚሰማቸው። አይደለም እንዴ? አጋጥመውሽ አያውቁም?” አላት። “ፍርድ እንደራስ ነው። የአንዳንዱ ሰው የታክሲ ውስጥ አቀማመጥ ከአኗኗሩና ከመጣበት አድካሚ መንገድ ጋር ሲገናኝ ታዝቤያለሁ፤” አለችው። “እሱስ ልክ ነሽ። እኛም የሰውን አቀማመጥ ካመጣጡ ጋር አገናዝበን መቀበል አበዛን መሰለኝ፣ በሰላም ተሳፍሮ በሰላም እንዳይወርድ በሽብር ተሳፍሮ በነውጥ መውረድ የሚመኘውን እናበረታታለን፤” አለ ጎልማሳው። ግራ ገብቶን መላው የታክሲ ተሳፋሪዎች እርስ በርስ ተያየን። “በቀኝ አሳይቶ በግራ ሸጠው ማለትስ አሁን ነው፤” የምትለኝ አጠገቤ የተቀመጠችው መለሎ ናት። ከጀርባ የተቀመጡ አንድ አዛውንት በበኩላቸው፣ “አላድለን ብሎ እንጂ እስኪ አሁን ስለወንበር ይኼን ያህል ዘመን መንገዋለል ነበረብን?” እያሉ ከጓደኛቸው ጋር ያወጋሉ። “መጀመሪያ የመቀመጫዬን” ያለችው ጦጣ ናት? ወይስ ዘንጅሮ? ጉድ ነው!    
መንገዱ ከተጋመሰ ቆይቷል። ወያላችን ሒሳቡን ሰብስቦ መልስ በመመለስ ተጠምዷል። አንዳንዱ አፍንጫውን ይዞ መልስ ሲቀበለው ለአንዳንዱ የመልስ ሳንቲሙን ለመስጠት ወያላው ራሱ ይለምናል። “ኧረ ተቀበለኝ ወንድሜ!” ይላል ወያላው መጨረሻ ወንበር በጥግ በኩል በሁለቱም ጆሮዎቹ ‘ኢርፎን’ ሰክቶ ‘ስማርት ፎን’ ሞባይሉን እየጎረጎረ ዓለምን ወደረሳው ታዳጊ አስግጎ። በስንት ጉትጎታ አጠገቡ ባሉት ተሳፋሪዎች ጉሰማ ልጁ ጆሮውን የደፈነበትን ገመድ ነቅሎ መልሱን ተቀበለ። “ይኼ ትውልድ እኮ በዚህ ዓይነት እንኳን መብቱን በተመለከተ ጥያቄ ሊጠይቅ ለአሮጌው ጥያቄ መልስ ሲመጣም ግድ የለውም ማለት ነው፤” አሉ አንደኛው አዛውንት። እዚያው አካባቢ ጠየም አጠር ያለች የደስደስ ያላት ልጅ፣ “ምን ይደረግ? አኳኋናችን አልጥም ያለው ይህ ትውልድ ተፀይፎን ቢሆንስ? እያየ ላለማየት እየሰማ ላለመስማት ወስኖ ይሆናል፤” አለች። 
አዛውንቱ እኛ የገባን የገባቸው አይመስሉም። ሒደት ቀለሟን ስትቀያይር በቋንቋም ታደንቋቁረን ይዛለች። ታዳጊው በተራው ነገሩን በዝምታ ሊያልፈው ስላልፈለገ፣ “ታዲያ በየቦታው የተንኮል፣ የርህራሔ አልባነት፣ የሐሜት፣ የጦርነት፣ የሽብርና የክፋት ነጋሪት እየተጎሰመ ምን ማድረግ አለብን?” ብሎ ጠይቆ ሲያበቃ በአካባቢው ያሉትን ተሳፋሪዎች ገረመማቸው። “እውነት ነው! ‘ቫይበር’ እና ‘ፌስቡክ’ ባይኖሩን ኖሮ ምን እንሆን ነበር? ዓለም እንደሆነች ይኼን ያህል ሺሕ ዘመን ፍትሕ የማታውቅ፣ በፖለቲካ ቁማር ሰላማዊ ኑሮን ማመስ ያልሰለቻት ሆነች። ደግሞስ እንኳን ፍትሕን የዓለም ዋንጫን አራት ዓመት እየጠበቅን መሳተፍ ህልም የሆነብን ከዚህ በላይ ብንዘጋጋ ይገርማል?” አለች ጠይሟ ወጣት ነገሩን አስፍታ። እንደኖሩት ኖረው እንደሚሰነብቱት እየሰነበቱ ያሉት አዛውንት በበኩላቸው ዝምታን መርጠዋል። እንዲህ እንዲህ ያለው ወቅት ላይ ዝምታው ራሱ ብዙ ይናገራል፡፡
ወደ መዳረሻችን ተቃርበናል። አዛውንቱ በሞባይል ስልካቸው የጡረታ ገንዘባቸውን ለመቀበል ከሄዱበት እየተመለሱ መሆናቸውን ያወራሉ። ጋቢና የተቀመጠ ደላላ አልሸጥ ስላለው ቤት እያነሳ፣ “ምነው ሰው ነፈሰበት?” ሲል እንሰማዋለን። “እንዴት አይነፍስበት? በየሄደበት የሚያስተነፍሰው በዝቶ፤” ትለኛለች ከጎኔ የተቀመጠችዋ መለሎ። “ያለው ማማሩ የሌለው መደበሩ ሆነና አመዳሞች በዛን። ይህ አልበቃ ብሎን በኢኮኖሚ ፈጣን ዕድገት እያስመዘገብን መሆናችን ጠዋት ማታ ይበሰርልናል። ኧረ ጎበዝ በዕድር ድክመት እንጂ ከሞትን የቆየን እኮ በዝተናል፤” ሲል መጨረሻ ወንበር ላይ የተቀመጠ ወጣት ተነፈሰ። ወዲያው ሾፌራችን ቦታ ይዞ ሲያቆም ወያላው “መጨረሻ” ብሎ በሩን ከፈተው። ተንጋግተን ከመውረዳችን ዝናብ ስለያዘን ታክሲ ውስጥ የነበርን ሁሉ አብረን በአንድ ሥፍራ የመጠለል ዕድል ገጠመን። ደግሞ ይኼን ጊዜ በግል አውቶሞቢል ዘና ቀብረር ብለው ወደሚሄዱበት የሚያዘግሙትን እየታዘበ ያው ልጅ “ያለው ምን አለበት?” ከማለቱ አጠገቡ የቆመው ያ ጎልማሳ፣ “ያለውማ ምን አለበት! የሌለው ነው እንጂ የሚያብላላበት። የሰው ከማየትና ከመመኘት የራሳችንን ኑሮ መኖሩ አይሻልም?” አለው። ዝናቡ ይለዋል። ወጣቱ “መቼ ወደን ሆነ ወዳጄ። ቅድም ያቺ ልጅ (እየጠቆመ) ያለቺው እየረበሸን እንጂ!” አለው። “ምን ነበር እሱ?” ቢለው ጎልማሳው፣ “በማጭበርበርና በሌብነት እንደ ጎማ የሚያስተነፍሰን በዛ!’ ስትል አልሰማሃትም እንዴ?” አለው። አባርቶ እንስክንለያይ ድረስ ጨዋታው ቀጠለ። አንዱ ነገረኛ “የደመወዝ  ጭማሪው ከመበሰሩ የቤት ኪራይ፣ የትምህርት ቤት፣ የሸቀጣ ሸቀጦች ዋጋ መሰቀል ጀመረ እኮ?” እያለ ወጉን ጀመረ፡፡ የሚወርደውን ዝናብ እያየን የዋጋ ንረቱንና የጭማሪውን ወሬ አቦካነው፡፡ ሁሉም የመሰለውን እያወራ ደቂቃዎች ነጎዱ፡፡ በስተመጨረሻ አንዱ፣ “ደመወዛችን ሃምሳ ጉዳያችን መቶ” እያለ ወግ ሲጀምር ዶፉ ለቆን ከተጠለልንበት እየወጣን ተበታተንን። መልካም ጉዞ!  

ለመንግስት ሠራተኛው የተደረገው የደመወዝ ማስተካከያ ዝርዝር ይዘት በመጪዎቹ ሁለት ሣምንታት ይፋ እንደምሆን የመንግስት መገናኛ ብዙሃን ተናግረዋል።መገናኛ ብዙሃኑ የመንግስት ከፍተኛ የሰራ ሃላፊን ጠቅሰው እንደዘጋቡት፤ መንግስት የሲቪል ሠራተኛውን ኑሮ ለማሻሻል ከወሰዳቸው እርምጃዎች መካከል የደመወዝ ማስተካከያ በዋነኝነት ተጠቃሽ መሆኑን ነው። 

በአሁኑ ወቅት የደመወዝ ማስተካከያው ዝርዝር ሥራ በመከናወን ላይ እንደሆነ የተገለጸ ሲሆን፤ በመጪዎቹ ሁለት ሳምንታት ውስጥ ይፋ እንደሚሆን ገልጸዋል።
አስፈላጊ ሥራዎች ከተጠናቀቁ የተደረገው የደመወዝ ማስተካከያ ከሐምሌ ወር 2006 .ም ጀምሮ ለሠራተኛው የሚከፈል መሆኑን ታውቋል
በተመሳሳይም የመንግስት ሠራተኛውን የመኖሪያ ቤት ችግር ለመቅረፍ እየተገነቡ ካሉት የጋራ መኖሪያ ቤቶች የ20 በመቶ ዕድል ተጠቃሚ ለማድረግ እየሰራ እንደሚገኝ የመንግስት መገናኛ ብዙሃኑ አመልክተዋል።
ኣክለውም የሠራተኛውን የትራንስፖርት ችግር ለመቅረፍም በፌዴራል ደረጃ ለዚሁ አገልግሎት የሚውሉ ተሽከርካሪዎች እየተመረቱ መሆኑንና በቅርቡ አገልግሎት መስጠት እንደሚጀምሩ አስረድተዋል።
አንዳንድ ነጋዴዎች የደመወዝ ማስተካከያውን ተከትሎ በመሰረታዊ ሸቀጦች ላይ የዋጋ ጭማሪ እንዳያደርጉ መንግስት የተለያዩ የቁጥጥር ሥራዎችን በመስራት ላይ ይገኛል ብለዋል።
በሌላ በኩል መሰረታዊ የሚባሉ ሸቀጦችን በ "አለ በጅምላ" ድርጅት በኩል በማቅረብ ኅብረተሰቡ ሸቀጦችን ፍትሃዊ በሆነ ዋጋ እንዲያገኝ የሚያስችል አሰራር መዘርጋቱን ጠቅሰዋል።
የደመወዝ ማስተካከያው ኢኮኖሚው ተረጋግቶ መቀጠል በሚችልበትና የኑሮ ውድነትን በማያባብስ መልኩ ተጠንቶ ተግባራዊ የሚደረግ እንደሆነም ገልጸዋል።
ባለፈው ሰኔ 16 ቀን 2006 .ም በአገር አቀፍ ደረጃ ለ8ኛ ጊዜ በተከበረው የሲቪል ሰርቪስ ቀን በዓል ላይ ከአዲሱ በጀት ዓመት ጀምሮ ለመንግሥት ሠራተኛው የደመወዝ ማስተካከያውን ጨምሮ የተለያዩ የኑሮ ማሻሻዎች እንደሚደረጉ ጠቅላይ ሚኒስትር ኃይለማሪያም ደሳለኝ መግለፃቸው የሚታወስ ነው።
ይህ በእንድህ እንዳለ፤ በሃዋሳ ከተማ እና ኣከባቢያዋ ኣንዳንድ ነጋዴዎች በመሰረታዊ ሸቀጦች ላይ የዋጋ ጭማሪ ማድረጋቸውን ሸማቾች በመናገር ላይ ናቸው።
የወራንቻ ኢንፎርሜሽን ኔትዎርክ ሪፖርተር ባደረገው የገበያ ቅኝት እንዳረጋገጠው በተለይ በሃዋሳ ከተማ ገና ከኣሁኑ በሸቀጦች ላይ የዋጋ ጭማሪ ታይቷል።
LONDON, July 15 (RIA Novosti) – The UK High Court’s Monday ruling allowing to review the UK aid agency’s compliance with its own human rights policies in Ethiopia signals the need for the British government and other donors to uphold their commitments, Human Rights Watch (HRW) said in a press release.

In its July 14 ruling, the High Court said that allegations that the UK Department for International Development (DFID) has failed to adequately assess evidence of human rights violations in the African country deserve a full judicial review.

“The UK High Court ruling is just a first step, but it should be a wake-up call for the government and other donors that they need rigorous monitoring to make sure their development programs are upholding their commitments to human rights,” Leslie Lefkow, HRW deputy Africa director, said.

The primary human rights violations took place within the “villagization” program, a compulsory resettlement of people into designated villages, which was carried out in Gambella in 2011 and other regions of Ethiopia in recent years.

According to a Human Rights Watch January 2012 report, forced displacement, arbitrary detentions, inadequate consultations and more were typical in the villagization program where villagers were often resettled to infertile lands without any infrastructure, including schools, clinics, water pumps, and were not compensated for their losses.

To solve the problem connected with access to education, health care and other services the UK government, the World Bank and other donors established the Promotion of Basic Services (PBS) program. According to PBS, block grants are allocated to local governments, which ultimately implement villagization policies and plan infrastructure development.

HRW said that local officials in Gambella often resort to intimidating villagers by warning them not to voice complaints over villagization, especially when PBS representatives and other donors make visits in Gambella to conduct assessments.

“The UK is providing more than £300 million a year in aid to Ethiopia while the country’s human rights record is steadily deteriorating. If DFID is serious about supporting rights-respecting development, it needs to overhaul its monitoring processes and use its influence and the UK’s to press for an end to serious rights abuses in the villagization program – and elsewhere,” concluded Lefkow.
ምንጭ / Source: Turkish weekly