Nomonanoto Show

Friday, May 16, 2014



የሲዳማ ኣርነት ንቅናቄ/ መድረክ በኣዲስቷ ሲዳማ ታሪክ ልዩ ቦታ ያለው 12ኛውን የሎቄ ሰማዕታት ቀን በኣዲስ ኣበባ እና በሃዋሳ ከተማ በተለያዩ ዝግጅቶች ለማሰብ መዘጋጀቱ ታውቋል።

ሪፖርተራችን ጥቻ ወራና ከሃዋሳ እንደዘገበው፤ የሲዳማ ልዑላዊ ግዛት መደፈርን በተቃዎሙ እና የመልካም ኣስተዳደር ጥያቄን ባነገቡ ንጽሃን ሲዳማውያን ላይ ከ12 ኣመታት በፊት ግንቦት ቀን 16 የመንግስት የጸጥታ ኃይሎች በግፍ በፈጸሙት የጅምላ ግዲያ ህይወታቸውን ያጡትን የሲዳማ ሰማዕታትን ለማሰብ ዝግጅት በማድረግ ላይ ነው።

የመታሰቢያው ሰነስርኣቱ በኣገር ኣቀፍ ደረጃ እና በሃዋሳ ከተማ ለማካሄድ የታሰበ ሲሆን፤ ግንቦት 16 በኣዲስ ኣበባ ከተማ በኣንድነት ለዲሞክራሲና ፍትህ ፓርቲ/ መድረክ ኣዘጋጅነት በተጠራው ሰላማዊ ሰልፍ ላይ ሲኣን በተወካዮቹ ኣማከይነት በሰልፉ ላይ በመገኘት የሎቄ ጥቃት ሰለባዎችን እንደሚያስታውስ ታውቋል።

ከዚህም በተጨማር የሲዳማ ኣርነት ንቅናቄ በእለቱ ማለትም ግንቦት ቀን16 በሃዋሳ ከተማ ሰላማዊ ሰልፍ ለማካሄድ የከተማዋን ኣስተዳደር በጽሁፍ የጠየቀ ሲሆን፤ የከተማ ኣስተዳደሩን ምላሽ በመጠባበቅ ላይ መሆኑ ዘጋባው ያመለክታል።


የሎቄ ሰማዕታት ቀን በኣዲስቷ ሲዳማ ታሪክ ካለው ፋይዳ የተነሳ እለቱን በተለያዩ ዝግጅቶች በደማቅ ሁኔታ ለማክበር የሲኣን ኣመራሮች መወሰናቸውን ተከትሎ፤ የዝግጅቱ ኣስተባባር ኮሚቴዎች ተመርጠው ወደ ስራ መግባታቸውን ጥቻ ወራና ዘግቧል። 

አዲስ አበባ ግንቦት 08/2006 በመጪው ቅዳሜና እሁድ በአዲስ አበባ ሊካሄድ የነበረው የምስራቅ አፍሪካ የታዳጊዎች አትሌቲክስ ሻምፒዮና ተሰረዘ።
ውድድሩ መቼ እንደሚካሄድ በቀጣይ እንደሚያሳውቅ የኢትዮጵያ አትሌቲክስ ፌዴሬሽን ለኢትዮጵያ ዜና አገልግሎት ገልጿል።
ውድድሩ የተሰረዘው ተወዳዳሪዎች በቦትስዋና ጋቦሮኒ ለሚካሄደው የወጣቶች ሻምፒዮና ዝግጅት ለማድረግ ጊዜው እንዲቀየር በመጠየቃቸው ነው።
የፌዴሬሽኑ ፕሬዝዳንት አቶ ዱቤ ጂሎ እንደገለጹት የምግብ እና የመጠለያ ወጪ በአዘጋጅ ሀገር፣ የትራንስፖርት ትኬት ወጪ ደግሞ በራሳቸው ይሸፈናል።
ተሳታፊዎቹም በውድድሮች መደራረብና የበጀት እጥረት አጋጥሞናል የሚል ምክንያት ለኢትዮጵያ አትሌቲክስ ፌዴሬሽን አቅርበዋል፡፡ 
አትሌቶቹ ቦትስዋና ለሚካሄደው የወጣቶች ሻምፒዮና ውድድር በመመረጣቸው የሰው ሀይል እጥረት እንዳጋጠማቸውም ገልፀዋል፡፡
ሻምፒዮናው በሩጫ፣ በውርወራና ዝላይ ሁሉንም የምስራቅ አፍሪካ ሀገራት ሲያሳትፍ በተለይም በሩጫው ዘርፍ ኢትዮጵያ እና ኬኒያ ትልቅ ግምት ይሰጣቸዋል፡፡