POWr Social Media Icons

Sunday, September 1, 2013

A documentary video about the Sidama New Year, Fichchee Chembelala : Celebration, Culture and Tradition in Sidamo, Ethiopia. 
Fichchee – Sidama People’s New year and Tradition – Documentaryition-documentary/
አዲስ አበባ ፣ ነሃሴ 24 ፣ 2005 (ኤፍ.ቢ.ሲ) በህዝብ ተወካዮች ምክር ቤት የበጀትና ፋይናንሰ ጉዳዮች ቋሚ ኮሚቴ የፋይናንሰ ግልጸኝነትን ለማስፈን የሚሰራውን ሰራ ለማሳካት በመስኩ የወጡ ህጎችና መመሪያዎች በአግባቡ አንዲተገበሩ አሳሰበ።

በፋይናንስ ግልጸኝነት ዙሪያ ባለድርሻ አካላት የተሳተፉበት የውይይት መድረክ በፋና ብሮድካስቲንግ ኮርፖሬት አዳራሽ ዛሬ ተካሂዷል።
በምክክር መድረኩ ላይ የቋሚ ኮሚቴው ምክትል ሰብሳቢ ወይዘሮ ገነት ታደስ እንዳሉት ፥ ኢትዮጵያ ከፋይናንስ አሰራሯ ጋር በተያያዘ ተግባራዊ ያደረገቻቸው ህጎችና መመሪያዎች አለም አቀፍ ደረጃቸውን የጠበቁ መሆናቸውን እና በዚህ ረገድ እየተከናወነ ያለው ስራ በየጊዜው ለውጥ እየታየበት መሆኑን አንስተዋል።
ይሁንና ህጎች በአግባቡ አለመተግበርም እየታዩ ያሉ ችግሮች በመሆናቸው የወጡትን ህጎችና መመሪያዎች በአግባቡ በመተግበር ረገድ የሚመለከታቸው ሁሉ ሀላፊነታቸውን በአግባቡ እንዲወጡ ነው ያሳሰቡት።
በገንዘብና ኢኮኖሚ ልማት ሚኒስቴር የፋይናንስ ግልጽኝነትና ተጠያቂነት ቡድን መሪ አቶ አለባቸው በላይነህ በበኩላቸው ፥ የፋይናነስ ግልጸኝነትን ለማስፈን በሚሰራው ስራ ሰፊ የግንዛቤ ማስፊያ ስራዎች እየተከናወነ ነው ብለዋል።
ከዚህ ጋር በተያያዘ ተቋማት ችግሮቹ ሳይፈጠሩ በፊት ማከናወን የሚገባቸውን ሁሉ በአግባቡ መወጣት አለባቸው ነው ያሉት ህብረተሰቡም ከሚበጀቱ ፋይናንሶች ጋር በተያያዘ በየጊዜው ግንዛቤው እያደገ መምጣቱን በማንሳት ።
የገንዘብና ኢኮኖሚ ልማት ሚኒስቴር ፣ የፌዴራል የስነ ምግባርና ጸረ ሙስና ኮሚሽን እንዲሁም የተለያዩ ክልሎች የሚመለከታቸው አካላት የስራ ሀላፊዎች  በምክክር መድረኩ ላይ ተገኝተዋል።
ገወጥ ባለይዞታዎችን ሕጋዊ የሚያደርገው አወዛጋቢው ረቂቅ መመርያ አስተያየት እንዲሰጥበት ለከተማ ልማት፣ ቤቶችና ኮንስትራክሽን ሚኒስቴር ተላከ፡፡
የ62 ሺሕ ባለይዞታዎች ቀጣይ ዕጣ ፈንታን የሚወስነው ይህ መመርያ በርካታ ውይይቶች ተካሂደውበት ለውሳኔ ቢቀርብም፣ በከፍተኛ ባለሥልጣናት መካከል መግባባት ላይ ባለመደረሱ ሲንከባለል ቆይቷል፡፡ 
በሕገወጥ ባለይዞታነት ከሚፈረጁት መካከል 44 ሺሕ የሚሆኑት መንግሥት ለሚሰጣቸው አገልግሎቶች በሰነድ ክፍያ የሚፈጽሙ ሲሆኑ፣ 18 ሺሕ የሚሆኑት ደግሞ ምንም ዓይነት ሰነድ የሌላቸው ናቸው ተብሏል፡፡ 
የሊዝ አዋጁን እንዲያስፈጽም በወጣው ደንብ ሕገወጥ ባለይዞታዎች በአራት ዓመት ጊዜ ውስጥ ሕጋዊ የሚሆኑበትና ከተሞች እንደነባራዊ ሁኔታቸው ሕጋዊ የማድረጉ ተግባር እንደሚከናወን ተደንግጓል፡፡
ይህንን ተግባራዊ ለማድረግ የአዲስ አበባ አስተዳደር ከ1988 ዓ.ም. እስከ ኅዳር 2004 ዓ.ም. ድረስ በሕገወጥ መንገድ የተያዙ ይዞታዎችን ሕጋዊ ለማድረግ ረቂቅ መመርያ አዘጋጅቷል፡፡ ነገር ግን እስከ ኅዳር 2004 ዓ.ም. ድረስ የተገነቡ ቤቶችን ሕጋዊ ማድረግ በባለሥልጣናት መካከል አለመግባባት መፍጠሩን ምንጮች ይገልጻሉ፡፡
በሌላ በኩል በግንቦት 1997 ዓ.ም. ከተካሄደው ምርጫ በኋላ የከተማው አስተዳደር የሥልጣን ሽግግር በሚያካሂድበት ወቅት ከፍተኛ የመሬት መቀራመት እንደነበር አይዘነጋም፡፡ በወቅቱ የነበረው የከተማው ባለአደራ አስተዳደር ከዚያ በኋላም ሥልጣኑን የተረከበው የከተማው አስተዳደር ግብረ ኃይል በማቋቋም ሕገወጥ ያሏቸውን ግንባታዎች አፍርሰዋል፡፡ ባለሙያዎች እንደሚሉት ዕርምጃ በሚወሰድበት ወቅት ዕርምጃ ሊወሰድባቸው የሚገቡ፣ ነገር ግን በተለያዩ ምክንያቶች የተዘለሉ በርካታ ይዞታዎች በአዲሱ መመርያ ሕጋዊ የመሆን ዕድል አግኝተዋል፡፡ በወቅቱ የፈረሰባቸው ‹‹ሕገወጥ›› ባለይዞታዎች ላይ መጥፎ ስሜት ሊፈጥር ይችላል ይላሉ፡፡  
ለጉዳዩ ቅርብ የሆኑ የመሬት ሥሪት ባለሙያዎች ረቂቅ መመርያው ሕገወጥነትን ያበረታታል በማለት ይከራከራሉ፡፡ በሌላ በኩልም የአዲስ አበባ ከተማ በ54 ሺሕ ሔክታር መሬት ላይ ያረፉ ይዞታዎች በሙሉ ለመጨረሻ ጊዜ የአየር ፎቶግራፍ የተነሱት በኅዳር 2003 ዓ.ም. ነው፡፡ እስከ ኅዳር 2004 ዓ.ም. ባለው ጊዜ የተካሄዱ ግንባታዎች በምን እንደሚታወቁ የሚገልጽ ነገር አለመኖሩን ባለሙያዎቹ ይናገራሉ፡፡
በአሁኑ ወቅት ከቀዳማዊ ኃይለ ሥላሴ ጊዜ ጀምሮ እስከ 1988 ዓ.ም. ድረስ ያሉ ሰነድ አልባ ይዞታዎች ሕጋዊ የሚሆኑበትና ካርታ የሚያገኙበት አሠራር ተዘርግቷል፡፡ ከ1988 ዓ.ም. ጀምሮ እስከ ኅዳር 2004 ዓ.ም. ድረስ ያሉ በሕገወጥ ባለይዞታነት የተፈረጁ ባለይዞታዎችን ለማስተናገድ ነበር ይህ ረቂቅ መመርያ የተዘጋጀው፡፡ ረቂቅ መመርያው ከተዘጋጀ ከዓመት በላይ ቢሆንም ሙሉ ስምምነት ባለመኖሩ ሲንከባለል ቆይቷል፡፡ በአሁኑ ወቅት አስተዳደሩ ረቂቅ መመርያው አስተያየት እንዲሰጥበት ለሚኒስቴሩ ልኳል፡፡
ባለሙያዎች እንደሚናገሩት፣ የሊዝ አዋጅ የወጣው በኅዳር 2004 ዓ.ም. በመሆኑና ረቂቅ መመርያው አዋጁ እስከወጣበት ጊዜ ድረስ ያሉትን ማስተናገድ ስላለበት እስከ 2004 ዓ.ም. ድረስ ያሉትን ያስተናግዳል ተብሏል፡፡ ነገር ግን የሊዝ አዋጅ ከተሞች እንደደረሳቸው ነባራዊ ሁኔታውን አጣጥመው እንዲሠሩ ዕድል ስለሚፈቅድላቸው ጉዳዩ በድጋሚ ሊጤን እንደሚገባ እነዚሁ ባለሙያዎች ይመክራሉ፡፡