Nomonanoto Show

Wednesday, August 28, 2013

Addis Ababa, 27 August  2013 (WIC) - South Ethiopian Peoples Democratic Movement pledges to further build sustainable development in the region. This came as SEPDM Central Committee meeting came to conclusion on 26 August. 
The Central Committee made discussion as of 24 August in Hawassa on the political and organization performance of the movement. The focus was on development and good governance issues.
The Committee concluded the performance of the GTP, in agriculture, employment, civil service reform and other sectors, were satisfactory. It lauded the people of the region and its members for the performance it dubbed positive. 
The green development happening in the state has so far been great, it said, and it is in line with the late Meles Zenawi’s vision of doing so. 
Probing into performances of the health and education sector, it appreciated the performance but demanded more to be done in those sectors to meet the targets set. 
The Central Committee set out mechanism that sets specific plan to combat terrorism in some parts of the state. 
The Committee called on the public to do the best it can to expand the best experiences in all sectors in 2006 EC fiscal year. 
It demands its party official’s to do more to overcome the shortcomings to secure better results in the sectors the state saw weak performance in the last fiscal year. 
According to ERTA, it says the people in the region need to intensify its active involvement in the development endeavours of the state as triumph over poverty is near in sight.
ጉድለት መኖሩና ስህተት መፈጸም ምንጊዜም የትም ያለ ነው፡፡ ዋናው ጉዳይ ጉድለት ለምን ታየ? ስህተት ለምን ተፈጸመ? የሚለው አይደለም፡፡
ችግራችንንና ጉድለታችንን ዓይተንና መርምረን እናስተካክላለን ወይ? የሚለው ነው ዋናው ጉዳይ፣ ዋናው ቁም ነገር፡፡ 
መንግሥትም እንደ መንግሥት ጉድለት አለበት ስህተት ይፈጽማል፡፡ ገዥው ፓርቲም እንደ ገዥ ፓርቲ ስህተት ይፈጽማል ጉድለት አለበት፡፡ ተቃዋሚ ፓርቲዎችም ጉድለት አለባቸው ስህተት ይፈጽማሉ፡፡ የግል ዘርፉ ጉድለት አለበት ስህተት ይፈጽማል፡፡ ሲቪል ማኅበረሰቡም ጉድለት አለበት ስህተት ይፈጽማል፡፡ መገናኛ ብዙኃንም ስህተት ይፈጽማሉ ጉድለት አለባቸው፡፡
ግን! ነገር ግን! እነዚህ አካላት የራሳቸውን ስህተትና ጉድለት ያውቃሉ? ያያሉ? ወይስ በሌላው ስህተትና ጉድለት ላይ ብቻ ነው የሚያተኩሩት? የራሳቸውን ስህተት መረዳትና ማወቅ ብቻ ነው ወይስ ለማስተካከል ይጥራሉ? ይታገላሉ? 
የእኛ ፅኑ ዕምነት ሁላችንም ስህተታችንንና ጉድለታችንን ዓይተን፣ አውቀንና አምነን ብናስተካክል አገራችን የትና የት ትደርስ ነበር የሚል ነው፡፡ 
መንግሥት ከቃላት ባሻገር ከልብ በተግባር በመልካም አስተዳደር ላይ በተጨባጭ የሚታየው ጉድለትና ስህተት ምንድነው? ዲሞክራሲን እውን ለማድረግ፣ ሰብዓዊ መብት ለማክበር፣ ፍትሕ ለማንገስ፣ የፕሬስ ነፃነትን ዳር ለማድረስና ሙስናን ለማስወገድ ተጨባጭ ድክመቴ ምንድነው? ብሎ ለማወቅ ቢረባረብና ለማረም ቢታገል ትልቁ የአገር ችግር ይፈታል፡፡ አመቺ የሥርዓት ግንባታ ይዘረጋል፡፡ በሁሉም መስክ ታሪካዊ ለውጥ እውን ለማድረግ ጉዞው ቀላልና ብርሃን ይሆናል፡፡ 
ተቃዋሚዎች ራሳቸው የትም ይኑሩ የት በመንግሥት በኩል ያለውን ጉድለት ብቻ ለማየት ከመረባረብ ባሻገር ምን ዓይነት ጉድለትና ስህተት አለብን? ብለው ቢፈትሹ መልካም ነው፡፡ እኛ ተቃዋሚዎች የፖለቲካ ፕሮግራም አለን ወይ? የተሻለ ፖሊሲ ይዘናል? ማስፈጸሚያ ስትራቴጂ አለን ወይ? ውስጣዊ ዲሞክራሲ አለን ወይ? እየተደረጀን ነው ወይ? ከሙስና የፀዳን ነን ወይ? ለሥልጣን ብለን የጠላት መሣሪያ እየሆንን ነን ወይ? ስህተትን ስናወግዝ አዎንታዊ ነገሮችን አንቀበልም? አናምንም? ወዘተ እያሉ ቢፈትሹና ቢመረምሩ የት በደረሱ? ስህተቶቻቸውን  በተግባር ቢያስተካክሉ ኢትዮጵያ እውነትም ጠንካራ ተቃዋሚ ፓርቲዎች ይኖሯት ነበር፡፡ ሕዝብም ያከብራቸው ነበር፡፡ በምርጫም የላቀ ተወዳዳሪ በሆኑ ነበር፡፡ 
የግል ዘርፉ አባላትም የመንግሥትና የሌላውን ጉድለትና ስህተት ከማየት ባሻገር በራሳችንስ ምን ዓይነት ጉድለትና ስህተት አለ ብለው ቢፈትሹ የተሻለ ነው፡፡ በሕጋዊ ፈቃድ እየሠራን ነው ወይ? ግብር በወቅቱና በሕጉ መሠረት እንከፍላለን ወይ? ከሙስና የፀዳን ነን ወይ? ለአገር እንቆረቆራለን ወይ? ከሕገወጥ ተግባር የራቅን ነን ወይ? ለልማት የቆምን ነን ወይ? ብለው ቢፈትሹና በዚህ ዙሪያ ያለውን ድክመትና ስህተት ለይተውና አርመው ቢጓዙ፣ የአገራችን የግል ዘርፍ ድርሻ እጥፍ ድርብ በሆነ ነበር፡፡
ሲቪል ማኅበረሰቡም ስህተቶችን በመንቀስና በደል ተፈጸመብን ከሚለው ባሻገር በላቀ ደረጃ ውስጣቸውን እየፈተሹ ሕግ እናስከብራለን ወይ? ለሕዝብ እየሠራ ነን ወይ? ከሙስና የፀዳን ነን ወይ? እያሉ ጉድለታቸውንና ስህተታቸውን አርመው ቢጓዙ እጥፍ ድርብ አስተዋፅኦ ባደረጉ ነበር፡፡ 
መገናኛ ብዙኃንም ተበድለናል፣ ተረግጠናል ከማለት ባሻገር እኛ ራሳችን ሕግ እያከበርን ነን ወይ? እኛ ራሳችን የሙያ ብቃትና የሥነ ምግባር አቅም አለን ወይ? እኛ ለሕዝቡ በትክክል እውነቱን እየነገርነው ነን ወይ? እኛ ራሳችን ከአሽከርነት፣ ከሙስና፣ ከተላላኪነትና ከመሣሪያነት ተላቀን በቅድሚያ ሕዝብን ለማገልገል ተነስተናል ወይ? ለሕገ መንግሥቱ ቆመናል ወይ? ብለው ቢፈትሹና ስህተታቸውን በማረም ተደራጅተውና ተጠናክረው ቢሠሩ ሕዝቡ እጥፍ ድርብ በተጠቀመ ነበር፡፡ ሕዝብ ትክክለኛ መረጃ እያገኘ በአገሩ ጉዳይ የላቀ ድርሻ በኖረው ነበር፡፡
የፍትሕ አካላት ለሕገ መንግሥት የቆምን ነን ወይ? ሕዝብን እያገለገልን ነን ወይ? ከሙስና የፀዳን ነን ወይ? ብለው ፈትሸው ችግራቸውን ለይተው፣ አርመውና አስተካክለው ቢሠሩ ኖሮ ኢትዮጵያ የፍትሕ አምባ በሆነች ነበር፡፡
ከመንግሥት እስከ ግለሰብ ድረስ በአገር ላይ ሁሉም ድርሻ አለው፡፡ የሌላውን ድክመትና ጉድለት በማሳየት በሰላማዊና በዲሞክራሲያዊ መንገድ እንዲያስተካከልና ችግሩን እንዲፈታ ማድረግ ተገቢ ነው፡፡ የሌላውን ስህተት አትጠቁሙ፣ አትታገሉ እያልን አይደለም፡፡ 
ይህ እንዳለ ሆኖ የውስጣችንን ችግርም እንይ፡፡ ‹‹የጥበብ መጀመሪያ›› የራሳችንን ችግር ዓይተንና ለይተን ድክመታችንንና ስህተታችንን አውቀን በተግባር በማረም የራስን ድርሻ መወጣት ተገቢ ነው፡፡ 
መንግሥት የድርሻውን ሚና የሚጫወተው ከድክመት ተላቆ ሲጠናከር ነው፡፡ የፖለቲካ ፓርቲዎች የድርሻቸውን የሚጫወቱት ከድክመት ተላቀው ሲጠናከሩ ነው፡፡ የግል ዘርፉ በአገር ጉዳይ ልዩ ሚና መጫወት የሚችለው የራሱን ድክመት ዓይቶ ተጠናክሮ ሲሠራ ነው፡፡ የፍትሕ አካላት ለሕገ መንግሥት ተገዥ ሆነው ፍትሕ እንዳይጣስ የሚያደርጉት ከድክመት ተላቀው ሲጠናከሩ ነው፡፡ መገናኛ ብዙኃን የሕዝብ አገልጋይ የሚሆኑት ድክመታቸውን አውቀውና አርመው ሲስተካከሉ ነው፡፡ ሲቪል ማኅበረሰቡ የድርሻውን ሚና የሚጫወተው ከድክመት ተላቆ ሲጠናከር ነው፡፡
ሁላችንም ለአገራችንና ለሕዝባችን የመሥራት ግዴታ አለብን፡፡ በላቀ ደረጃ ለመሥራትና ሕዝብን ለማገልገል ራሳችንን እናጠናክር፡፡ ራሳችንን በማጠናከር ስህተታችንና ድክመታችንን እናርም፡፡ 
በዚህ መንፈስ ስንነሳ ነው ዕድገት፣ ልማት፣ ዲሞክራሲና ፍትሕ የሚሰፍነው፡፡ ሁላችንም ድክመታችንንና ጉድለታችንን አውቀን፣ አርመንና ተጠናክረን ብንሠራ ኢትዮጵያችን የትና የት ትደርስ ነበር? ይህንን በተግባር ካዋልነው አገራችን ካሰብነው ቦታ ትደርሳለች!   http://www.ethiopianreporter.com/index.php/editorial/item/3073-%E1%88%81%E1%88%8B%E1%89%BD%E1%8A%95%E1%88%9D-%E1%8C%89%E1%8B%B5%E1%88%88%E1%89%B3%E1%89%BD%E1%8A%95%E1%8A%95-%E1%8A%A0%E1%8B%8D%E1%89%80%E1%8A%95-%E1%89%A5%E1%8A%93%E1%88%B5%E1%89%B0%E1%8A%AB%E1%8A%AD%E1%88%8D-%E1%8A%96%E1%88%AE-%E1%8A%A2%E1%89%B5%E1%8B%AE%E1%8C%B5%E1%8B%AB%E1%89%BD%E1%8A%95-%E1%8B%A8%E1%89%B5%E1%8A%93-%E1%8B%A8%E1%89%B5-%E1%89%A0%E1%8B%B0%E1%88%A8%E1%88%B0%E1%89%BD-%E1%8A%90%E1%89%A0%E1%88%AD?

ከመንግሥት ቤቶች ኤጀንሲ በተነሱት ከፍተኛ አመራሮች የሥልጣን ዘመን የወጡ መመርያዎችና የመሠረታዊ የሥራ ሒደት ለውጥ ትግበራዎች እንዲታገዱ ትዕዛዝ  ተሰጠ፡፡
የወጡት መመርያዎችና የመሠረታዊ የሥራ ሒደት ለውጥ ጥናቶችን ተግባራዊ ለማድረግ የተሠሩ ሥራዎች በሙሉ እንዲታገዱ ትዕዛዝ የሰጠው የከተማ ልማት፣ ቤቶችና ኮንስትራክሽን ሚኒስቴር ነው፡፡ ሚኒስቴሩ ለጉዳዩ ትኩረት በመስጠት መመርያዎቹ የወጡበት መንገድና የመሠረታዊ የሥራ ለውጡ ተጠንቶ እንዲቀርብለት ጨምሮ አዟል፡፡
ምንጮች እንደገለጹት፣ ኤጀንሲው መመርያ በማውጣት በኩል ያለው ሥልጣን ጥያቄ ውስጥ ገብቷል፡፡ የመሠረታዊ የሥራ ሒደት ለውጥ (ቢፒአር) ጥናት የተገበረው ሚኒስቴሩን ሳያማክርና ሚኒስቴሩ ሳያፀድቀው ነው ተብሏል፡፡ 
በጠቅላይ ሚኒስትር ኃይለ ማርያም ደሳለኝ ፊርማ ከሥልጣናቸው የተነሱት የመንግሥት ቤቶች ኤጀንሲ ሥራ አስኪያጅ አቶ ተፈሪ ፍቅሬ፣ ምክትል ሥራ አስኪያጆች አቶ ኃይሉ ሐደሬና አቶ ገብሩ ባይልብኝ፣ እንዲሁም የቤቶች አስተዳደር የሥራ ሒደት ባለቤት የነበሩትና ተቀይረው ወደ ጥቃቅንና አነስተኛ ኤጀንሲ የተዛወሩት አቶ ኪዳኔ ሥዩም ናቸው፡፡ 
በእነዚህ ከፍተኛ አመራሮች የሥልጣን ዘመን ከወጡት መመርያዎች ውስጥ እጅግ አነጋጋሪ ሆኖ የቆየውና እስካሁን ትኩሳቱ ያልበረደው የአከራይ ተከራይ፣ የቤቶች አሰጣጥ፣ የጥገናና ፈቃድ አሰጣጥ መመርያዎች ይጠቀሳሉ፡፡
በተለይ የአከራይ ተከራይ መመርያ ወጥቶ ተግባራዊ በሆነበት ወቅት በተለያዩ የከተማዋ ክፍሎች ቀውሶች መፈጠራቸው አይዘነጋም፡፡ ይህ መመርያ የወጣበት ምክንያት በወቅቱ እንደተገለጸው፣ ከኤጀንሲው ቤቶች የተከራዩ የንግዱ ማኅበረሰብ አባላት ሸንሽነው ለሌሎች ነጋዴዎች አከራይተዋል፡፡ ይህ አሠራር የኤጀንሲውን ሕግጋት ይፃረራል በሚል ነው፡፡ በወቅቱ በተወሰደው መጠነ ሰፊ ዕርምጃ በርካታ ቅሬታዎችና አለመግባባቶች ተፈጥረው እንደነበር አይዘነጋም፡፡
በወቅቱ የተወሰደውን ዕርምጃ በመቃወም በርካታ የንግዱ ማኅበረሰብ አባላት ይመለከታቸዋል ላሏቸው የመንግሥት መሥሪያ ቤቶች ቅሬታ ሲያሰሙ ቆይተዋል፡፡ የጉዳዩ አካሄድ ፈሩን የሳተ መሆኑን ዘግይቶ የተረዳው የከተማ ልማት፣ ቤቶችና ኮንስትራክሽን ሚኒስቴር ይህ መመርያ እንዲታገድና የአቤቱታ አቅራቢዎች ጉዳይ ተመርምሮ ማስተካከያ እንዲደረግ አዟል፡፡
በዚህ መሠረት የመንግሥት ቤቶች ኤጀንሲ ተጠባባቂ ሥራ አስኪያጅ ሆነው የተሾሙት አቶ ኃይለ ማርያም ዓለምሰገድ፣ በማዕከል ደረጃና በቅርንጫፎች እስከ ነሐሴ 15 ቀን 2005 ዓ.ም ድረስ የአቤቱታ አቅራቢዎች ጉዳይ እንዲጣራ ማድረጋቸው ተገልጿል፡፡ በመንግሥት ቤቶች ኤጀንሲ ብልሹ አሠራር ሰፍኗል በሚል የበጀት ዓመቱ ከተጠናቀቀ በኋላ ጠንከር ያለ ግምገማ ሲካሄድ ቆይቷል፡፡ በግምገማው ወቅት የኤጀንሲው ኃላፊዎች የመንግሥት መሥሪያ ቤቶች ለሠራተኞቻቸው እንዲሰጥ የሚፈቀደውን መኖርያ ቤት በተከራዩ ግለሰቦች ስም ማዞር፣ የአከራይ ተከራይ መመርያን እንደ መልካም አጋጣሚ በመጠቀም የግል ጥቅም ማሳደድ፣ በአገልግሎት አሰጣጥ፣ በመልካም አስተዳደር ችግሮችና ተቋሙን ተናብቦና ተባብሮ በመሥራት በኩል ችግር ተፈጥሯል የሚል ነው፡፡
የኤጀንሲው ከፍተኛ አመራሮች በእነዚህ ጉዳዮች ቢገመገሙም በጠቅላይ ሚኒስትሩ የተጻፈው ደብዳቤ  ግን አመራሮቹ በሥራ ላይ በነበሩበት ጊዜ ምሥጋና አቅርቦ ከማሰናበት በስተቀር ያለው ነገር እንደሌለ ምንጮች ተናግረዋል፡፡
ከእነዚሁ ጉዳዮች ጋር ባልተለየ መንገድ በመሠረታዊ የሥራ ሒደት ለውጥ ትግበራ ከፍተኛ ችግር ተፈጥሯል ተብሏል፡፡ በጊዜያዊና በቋሚ የሥራ መደቦች ሠራተኞች በሚመደቡበት ወቅት ከሠራተኞች ተቋውሞ ተነስቷል፡፡ “የመሠረታዊ የሥራ ሒደት ለውጥ ትግበራ ሳይንሳዊ መንገድ ያልተከተለ ነው፤” ሲሉ ስማቸውን መግለጽ ያልፈለጉ በኤጀንሲው ውስጥ ለ25 ዓመታት የሠሩ ሰው የቢፒአር አተገባበሩን በሕገ ወጥነት ይፈርጁታል፡፡ “ግማሹ መኪና ሲከፋፈል፣ ግማሹ ደመወዙን ሲያሳድግ፣ ግማሹ የሞባይል ካርድ ሲከፋፈል፣ እኛ ለአምስት ዓመታት ያለ አንዳች የደመወዝ ጭማሪ እየኖርን ነው፤” ሲሉ እኚሁ ሠራተኛ የኤጀንሲውን ብልሹ አሠራር በትዝብት ይገልጻሉ፡፡ 
የመንግሥት ቤቶች ኤጀንሲ አሁን እስካለበት አደረጃጀት ድረስ ከመድረሱ በፊት በተለያዩ መዋቅሮችና የስም ለውጦች ሲያደርግ ቆይቷል፡፡ ኤጀንሲው የተቋቋመው የቻለው ሐምሌ 19 ቀን 1967 ዓ.ም የከተማ ቦታና ትርፍ ቤት የመንግሥት ንብረት ባደረገው አዋጅ ቁጥር 47/67 መሠረት ነው፡፡ በዚህ አዋጅ በርካታ ውርስ ቤቶችን ሲያስተዳድር የቆየው ኤጀንሲው ለረዥም ጊዜ በሥራ አመራር ቦርድ እየተመራ ነበር፡፡ በአሁኑ ወቅት ግን ኤጀንሲው ከዚህ አሠራር ውጭ ሆኖ ተጠሪነቱ ለከተማ ልማት፣ ቤቶችና ኮንስትራክሽን ሚኒስቴር ነው፡፡