POWr Social Media Icons

Wednesday, August 21, 2013

ADDIS ABABA, Ethiopia (AP) — Residents in Ethiopia's capital awoke to the sound of a 21-gun salute Tuesday to mark the first year anniversary of the death of long-time ruler Meles Zenawi.
The ritual underscores the approach Meles' successors have employed during the last year: a continued lionization of the late prime minister, whose portrait still appears in every public office across the country.
Candlelit vigils and the launch of over two dozen parks were organized across the country for the late leader. In the capital a cornerstone for the Meles Zenawi Memorial Museum was laid in a televised ceremony.
During the ceremony, attended by regional leaders such as the presidents of Somalia and Sudan, Meles was praised as "Africa's voice." His successor Prime Minister Prime Minister Hailemariam Desalegn praised Meles as a "champion of the poor."
"Meles did a remarkable endeavor in the green economic development. He also led a successful party and government to establish a widely defined democratic system that has recognized and observed rights of individuals and groups at the same time," Hailemariam said in a speech.
Meles became president in 1991 after helping to oust Mengistu Haile Mariam's Communist military junta, which was responsible for the deaths of hundreds of thousands of Ethiopians. Meles became prime minister in 1995, a position he held until his sudden death last year.
The United States long viewed Meles as a strong security partner and gave Ethiopia hundreds of millions of dollars in aid over the years. U.S. military drones that patrol East Africa — especially over Somalia — are stationed in Ethiopia.
David Shinn, the U.S. ambassador to Ethiopia from 1996 to 1999, says he hasn't detected any changes in the U.S.-Ethiopian relationship since Meles' death.
"From the U.S. side, the policy seems to be one of maintaining cordial but not excessively warm relations. This situation varies somewhat from topic to topic. There continues to be especially close collaboration on issues such as counterterrorism and regional conflicts in Sudan, South Sudan and Somalia. At the same time, there are significant concerns about the future of democratization and human rights practices," said Shinn, now a professor at George Washington University's Elliott School of International Affairs.
Ethiopia is increasingly looking to China as a model. Chinese companies are behind the country's drive to expand infrastructures such as road and telecom networks. In recent months Chinese companies have signed two billion-dollar deals with state companies to expand the country's telecom and power lines.
Thought credited for advancing Ethiopia's economy, Meles was accused of killing and jailing opposition members and rigging elections. Rights groups say the oppression carried out under Meles has continued in the East African nation. Meles was responsible for the closure of 72 independent newspapers, according to the press freedom watchdog the Committee to Protect Journalists.
"At the time of Meles' death, there were eight journalists in prison in Ethiopia. Today, there are nine," said Mohamed Keita, advocacy coordinator for CPJ's Africa Program.
Former ambassador Shinn says that the U.S. lacks suffient influence to effectively press Ethiopia for reforms in areas of freedom of speech and protection of the free press.
"Many countries, including United Nations Security Council members China and Russia, have no interest whatsoever in encouraging reform. This gives Ethiopia considerable leverage," said Shinn. "I think the United States has the interest in encouraging reforms. I don't think that it alone has the required leverage that will result in reforms over either the short-term or long-term."
ፎቶ https://www.facebook.com/bekele.wariyo/photos
ካላ በቀለ ዋዪ የቀድሞ የሲዳማ ኣርነት ንቅናቄ ከፍተኛ ኣመራር ከሰይፌ ነበልባል ሬድዮ ጋር በወቅታዊ የሲዳማ ፖለቲካዊ ጉዳይ ላይ ያደረጉትን ቃለ ምልልስ በተመለተከ ያላችሁን ጥያቄ እና ኣስተያየት በሚከተለው ኣድራሻ ይላኩል፤ ምላሻቸውን ጠይቀን እናቀረባለን፦ nomonanoto@gmail.com 
እናመሰግናለን። 
ካላ በቀለ ዋዪ


በቃለ ምልልሱ የተነሱ ኣንኳር ጉዳዮች
  • በሲዳማ ህዝብ ላይ የሚደርስውን ኣስተዳደራዊ በደል 
  • የሲዳማ ህዝብ የመልካም ኣስተዳደር  ጥያቄ
  • የሲዳማ ህዝብ የራስ ገዝ የክልል ኣስተዳደር ጥያቄ በመንግስት ሰለመታፈን  




ካላ በቀለ ዋዪ በወቅታዊው የሲዳማ የፖለቲካ ሁኔታ እና የክልል ጥያቄ በተመለከተ ከሰይፌ ነበልባል ሬድዮ ጋር ያደረጉት ቃለ ምልልስ
የዛሬ ሳምንት ሀዋሳ ነበርኩኝ፡፡ የወትሮዋ ሳቂታዋ ሀዋሳ አልነበረችም፡፡ አኩርፋለች፡፡ ሌላ ችግር ገጥሟት ግን አይደለም፡፡ ክረምቱ ነው ያስኮረፋት፡፡
ዝናቡ፣ ቅዝቃዜውና ደመና የሸፈነው ሰማይ ተጫጭነዋት ነበር፡፡ እንደኔ እንደኔ ሀዋሳ ደርሶ አሞራ ገደልን ሳይጐበኙ መመለስ ካለመሄድ እኩል ነው፡፡ እዚህ ስፍራ ዓሳ እንደጉድ ይበላል፡፡ ያውም ቁጥር - ልክ እንደ ስጋ፡፡ የአሳ ቁርጥ ተመጋቢዎች በእንጨት ግድግዳ በተከበበው ዳስ መሳይ ቤት ውስጥ ግፊያውና መረጋገጡን ተያይዘውታል፡፡ በሀዋሳ ሀይቅ ዳር ባለው በዚህ ስፍራ ሰው ከአንድ ቦታ አሳውን ይገዛና እዛው ዳስ ቤት ውስጥ የአሳውን እሾክ እያስወጣ ቁርጡን በሳህን እየያዘ ማባያውን ለማግኘት ሁለት ጐን ለጐን የተቀመጡ ማባያ አቅራቢዎች ጋር መገናኘት ይጠበቅበታል፡፡ አንዱ “ዳጣ” የተባለው እና ከሚጥሚጣ እንዲሁም ከሌሎች ቅመሞች የተሰራ የሚያቃጥል ማባያ ሲሆን (እኔ በጣም ከማቃጠሉ የተነሳ “እንላቀስ” ብየዋለሁ) ሁለተኛው ትንንሽ ክብ የበቆሎ ቂጣዎች ናቸው፡፡ ሁለት ወጣቶች የአሳ ቁርጥ ከግፊያው ውስጥ ይዘው ወጥተው አንዱ ሌላውን፣ “ሂድና ሲዲ ይዘህ ና፣ ታዲያ ስክራች እንዳይኖረው” ሲል አስጠነቀቀው፡፡ ሲዲ ምንድነው ስል ጠየቅሁት አንዱን ወጣት፡፡ “ሲመጣ ታይዋለሽ” አለና ዳጣ ሊያስጨምር መስከረም ወደ ተባለች ዳጣ ሻጭ አመራ፡፡ እኔም ስክራች እንዳይኖረው የተባለውን ሲዲ በጉጉት መጠበቅ ጀመርኩ፡፡ ለካስ ሲዲ የሚሉት የበቆሎውን ቂጣ ነው፡፡ “ስክራች” የተባለው ደግሞ ያረረ እና የተሰነጣጠቀ እንዳይሆን ለማለት የተጠቀሙበት አገላለፅ ነው፡፡
ከወጣቶቹ የእንብላ ግብዣ ቀረበልኝ፡፡ የአሳ ቁርጥ በልቼ ስለማላውቅ ብፈራም “ሲዲ”ውን በዳጣ ግን አልማርኩትም፡፡ ወጣቶቹ ቁርጡን እየበሉ ሳሉ አንዱ “ሲዲውን በርን (burn) አድርገው” ሲል ሰማሁ፡፡ ደሞ ምን ማለት ይሆን አልኩኝ - ለራሴ፡፡ ለካ ቂጣው ስለላቀ ጨምር እና ግዛ ለማለት ነው፡፡ በሳቅ ታጅቤ አብሬያቸው ቆየሁ፡፡ በአሞራ ገደል ከአሳ ቁርጥ ባልተናነሰ የአቮካዶ ቁርጥም እንደ ጉድ ይበላል፡፡ ታዲያ የአቮካዶም ማባያ ዳጣ ነው፡፡ የሲዲ ሻጮቹ ሴቶች ቁጥር በርካታ ነው፡፡ ተደርድረው “ከእኔ ግዛ፣ ከእኔ ግዛ” ይላሉ፡፡ ከሁሉም ዳጣ በመሸጥ ፋታ አጥታ የምትተጋው ግን መስከረም ናት፡፡
መስከረም ላለፉት አራት አመታት በዚህ ስፍራ ዳጣ በመሸጥ ስራ ላይ መቆየቷን አጫውታኛለች፡፡ በዚህ ስፍራ ጠዋት ጠዋት ዳጣ በጅምላም በችርቻሮም ትሸጣለች፡፡ በአካባቢው ከልጅ እስከ አዋቂ ሁሉም የአሳ ቁርጥ በሊታ ነው፡፡ እርግጥ የተጠበሰ አሳም በስፍራው ይገኛል፡፡ ግን ቁርጥ ተመጋቢው በቁጥር ይልቃል፡፡ የተጠበሰ አሳ ከአሞራ ገደል ይልቅ በፍቅር ሀይቅ በኩል ኦሲስ አሳ መሸጫ ውስጥ ይገኛል፡፡ በዚህ ቦታ የአሳ ሾርባው ተጠጥቶ አይጠገብም፡፡
እነሆ ሌላ ትዕይንት፡፡ የአሳ ቁርጥ ሲሰራ የሚጣለውና ትርፍራፊውን የአሳ ስጋ በፌስታል በመያዝ እና በአካባቢው አባ ኮዳ ተብሎ ለሚጠራው ግዙፍ የወፍ አይነት እየወረወሩ በመስጠት ሌላ ስራ የሚሰሩም ታዳጊዎች አስደምመውኛል፡፡ እንግዳ ሆነው ከሄዱ ይህ ወፍ በረጃጅም ማንቁርቱ ስጋውን ለመያዝና ከተቀናቃኙ ሌላው ጓደኛው ለመቅደም የሚያደርገው ዝላይ አይን ያፈዛል፡፡ ብልጣብልጦቹም ታዳጊዎች “ሂዱና ፎቶ ተነሱ” ብለው ወፉ አካባቢ እንዲቆሙ ይነግሩዎታል፡፡ እርስዎም በዚህ ትዕይንት መሀል አንድ ታሪካዊ ፎቶ ልነሳ ብለው ወፉ ስጋ ለመቅለብ የሚያደርገውን ዝላይ እየተመለከቱ ፎቶ ሲነሱ ይቆዩና እግዜር ይስጥልኝ ብለው ሊሄዱ ሲሉ “እንዴ ጋሼ (እትዬ) አስር ብር ይክፈሉ፤ ይህንንም ስራ የምንሰራው እኮ በማህበር ነው” ብለው እርፍ ይላሉ፡፡ እየሳቁም እየተገረሙም ከፍለው ይሄዳሉ፡፡ ሌሎች በርካታ ትዕይንቶችም በዚህ ስፍራ ይገኛሉ፡፡
እነ ሻኪራ በአሞራ ገደል
አሁን ደግሞ ወደነሻኪራ ልውሰዳችሁ፡፡ በዚህ ስፍራ ካስደነቁኝ ነገሮች ሁሉ የእነ ሻኪራ ጉዳይ ነው፡፡ በ2010 የአለም ዋንጫ በደቡብ አፍሪካ በተካሄደ ጊዜ ሻኪራ በስፍራው ተገኝታ “ዋካ ዋካ ዚስ ኢዝ ታይም ፎር አፍሪካ” የሚል ዘፈን ማቀንቀኗ ይታወሳል፡፡ እነሻኪራ ይህን ዘፈን ከነዳንሱ በዚህ ስፍራ አሳምረው ያቀልጡታል፡፡
የቡድን መጠሪያቸው “እነ ሻኪራ” ይሰኛል፡፡ ሂሩት አሸናፊ፣ ሀይማኖት ቶሳ እና መሰረት ኦሳ፡፡ ሂሩትና ሀይማኖት የ7 ዓመት ህፃናት ሲሆኑ የአንደኛ ክፍል ተማሪዎች መሆናቸውን ነግረውኛል፡፡ መሰረት ደግሞ ዕድሜዋ ስምንት አመት ሲሆን የሁለተኛ ክፍል ተማሪ ናት፡፡ እነዚህ ህፃናት ጐስቋላ ኑሮ እንደሚኖሩ በማየት ማረጋገጥ ይቻላል፡፡ አለባበሳቸው፣ ፀጉራቸው አጠቃላይ ሁኔታቸው ኑሯቸው ምቾት የራቀው መሆኑን ይመሰክራል፡፡ ከሁለቱ አንዷ ጫማ አልተጫማችም፡፡ ሂሩት ከላይ የለበሰችው አዳፋ ሹራብ ከጠዋቱ ብርድ ሊከልላት አልቻለም፡፡ ሀይማኖት ደግሞ ፀጉሯ ክፉኛ ቆሽሿል፡፡ ጉብኝቴን ጨርሼ ወዳረፍኩበት ለመመለስ ባጃጅ ኮንትራት ስይዝ አጠገቤ ያለ አንድ ወጣት “እነ ሻኪራ ፈረንጆቹ መጡላችሁ” ብሎ ሲነግራቸው ብን ብለው ወደ ፈረንጆቹ ሮጡ፡፡ ፈረንጆቹ የህፃናቱ ፍላጐት የገባቸው አይመስሉም፤ አልፈዋቸው ሄዱ፡፡ እኔ ጠርቼ አናገርኳቸው፡፡ ባለ ባጃጁም እስካናግራቸው እንደሚጠብቀኝ ነግሮኝ፣ የሻኪራን ዘፈን እየዘፈኑ ብር እንደሚቀበሉ ጠቆመኝ፡፡ እነዚህ ህፃናት አማርኛ በደንብ አይችሉም፡፡ ነገር ግን እየተኮላተፉም ቢሆን መግባባት ችለናል፡፡ “የሻኪራን ዘፈን ከነዳንሱ እንበልልሽ” አሉኝ፡፡
“ቀጥሉ” አልኳቸው፡፡
“በወላይትኛ ዳንስ ይሻልሻል ወይስ በራሷ በሻኪራ?” አማረጡኝ፡፡
“በወላይትኛም በሻኪራም እፈልጋለሁ” አልኳቸው፡፡
“ዋካ ዋካ” ተጀመረ፡፡ ዘፈኑ ወዲያው “ዱርሳ ዱርሳ” ወደተሰኘ ሌላ የአካባቢው ዘፈን ተቀየረ፡፡ አከታትለው የትዕግስት ወይሶን “ገደ ገዳ” ቀጠሉ፡፡ ልጆቹ ነገረ ስራቸው አይን ያፈዛል፤ አንጀትም ይበላሉ፡፡ የሚገርመው እኔ ደንሱልኝ ብያቸው እየደነሱ አይናቸውና ልባቸው ሌላ ጋ ነው፡፡ ሌላ የሚያስደንሳቸው ሰው ፍለጋ በሀሳብ ይባዝናሉ፡፡ መቼ ስራውን እንደጀመሩ ስጠይቃቸው በአንድ ቃል “ዱሮ ነው የጀመርነው” ሲሉ መለሱ፡፡
“አሁን ስንት ታስከፍሉኛላችሁ?”
“የፈለግሽውን ስጭን፤ እኛ ይህን ያህል እያልን አንጠይቅም፡፡”
“እዚህ ስትሠሩ፣ ትምህርታችሁስ?” አልኳቸው፡፡
“አሁን ትምህርት ቤት ዝግ ነው፤ ሲከፈት ግን ከትምህርት ቤት በኋላ እየመጣን እንሰራለን” አሉኝ፡፡
እነዚህን ህፃናት በቀን ስንት ብር እንደሚያገኙና ብሩን ምን እንደሚያደርጉት ጠይቄያቸው ነበር፡፡ በቀን እያንዳንዳቸው ከ10 እስከ 40 ብር እንደሚያገኙና ለእናታቸው እንደሚሰጡ ነገሩኝ፡፡ በዚህ የልጅነት እድሜ ወላጆቻቸውን ይደግፋሉ ማለት ነው፡፡ ከእኔ ጋር እያወራን ዕድሜዋ ገፋ ያለ አንዲት ፈረንጅ ስትመጣ አዩና እሷ ጋ ሄደው ለመደነስ ልባቸው ቆመ፡፡ 10 ብር ሰጥቼ ልሸኛቸው ስል የወደፊት ምኞታቸውን ጠየቅኋቸው፡፡ እንደ ሻኪራ ታዋቂ ዘፋኝና ዳንሰኛ መሆን እንደሚፈልጉ ነገሩኝ፡፡ በት/ቤታቸው እንዲህ አይነት እንቅስቃሴ ያደርጉ እንደሆነም ጠይቄያቸው ነበር፡፡ “ት/ቤት እኛ መደነስ እንፈልጋለን ስንል አይፈቀድልንም፤ እዚህ እየመጣን ነው የምንደንሰው” አሉኝና አመስግነውኝ ወደ ፈረንጇ በቀጫጭን እግሮቻቸው ተፈተለኩ፡፡ ፈረንጇም እግዜር ይስጣት ቆማ በተመስጦ ዳንሳቸውን እየተመለከተች፣ ፎቶግራፍ ስታነሳቸው ነበር፡፡ እቺ ፈረንጅ ከእኔ የተሻለ ጉርሻ እንደምትሸጉጥላቸው በልቤ ተስፋ አደረግሁኝ፡፡ ከሁሌም ያሳሰበኝ ግን የወደፊት ዕጣ ፈንታቸው ነው፡፡ እንደምኞታቸው ይሳካላቸው ይሆን? ብዙ ፈተና ይጠብቃቸዋል፡፡ አንድዬ ይርዳቸው፡፡
ሃዋሳ ነሐሴ 15/2005 በሲዳማ ዞን በተጠናቀቀው የበጀት አመት ከ424 ሺህ ከሚበልጡ ህፃናት የተለያዩ በሽታዎች መከላከያ ክትባት መሰጠቱን የዞኑ ጤና መምሪያ አስታወቀ ። በመምሪያዉ የጤና ልማት እቅድ የስራ ሂደት ኦፊሰር አቶ አበበ በካዬ ሰሞኑን ለኢትዮጵያ ዜና አገልግሎት እንደገለጡት መንግሰት ለህፃናትና እናቶች ጤና መጠበቅ በሰጠው ትኩረት በሽታን አስቀድሞ የመከላከሉ ስራ ተጠናክሮ ቀጥሏል ። በዞኑ 19 ወረዳዎችና ሁለት የከተማ አስተዳደሮች እድሜያቸው ከአንድ አመት በታች ለሆናቸዉ 424 ሺህ 126 ህፃናት የፖሊዮ ፣ የቲቢ፣ የኩፍኝና የሳንባ ምች በሽታ መከላከያ ክትባት መሰጠቱን አስታዉቀዋል ። በዞኑ በመደበኛ የክትባት አገልግሎት በበጀት አመቱ 105 ሺህ 910 ህፃናት መከተባቸውንም አስረድተዋል። በተጨማሪ 15 ሺህ ለሚሆኑ ከፍተኛ ምግብ አጥረት ችግር ላለባቸው ነፍስጡር እናቶችና ህፃናት የተለያዩ አልሚ ምግቦች እንደተሰጣቸውና ከ 80 ሺህ ለሚበልጡ ህፃናት የቫይታሚን ኤ እደላ መደረጉንም አስረድተዋል።
http://www.ena.gov.et/Story.aspx?ID=11072&K=1
አዲስ አበባ ነሐሴ 15/2005 የደቡብ ኢትዮጵያ ሕዝቦች ዴሞክራሲያዊ ኅብረትና የኢትዮጵያ ሶሻል ዴሞክራቲክ ፓርቲዎች ውህደት መፈጸማቸውን ትናንት አስታወቁ። የኢትዮጵያ ማሕበረ ዴሞክራሲ-ደቡብ ኅብረት አንድነት ፓርቲ (ኢማዴ-ደህአፓ) በሚል አዲስ ስያሜ ውህደቱን ይፋ ያደረገው ይኸው ፓርቲ የፀረ-ሽብር ሕጉን እንደሚቃወም አስታውቋል። የፓርቲው ምክትል ሊቀመንበር አቶ ጥላሁን እንደሻው ውህደቱን አስመልክቶ በተሰጠው ጋዜጣዊ መግለጫ ላይ እንዳሉት ሁለቱ ፓርቲዎች በአገሪቱ ፖለቲካዊ፣ ማህበራዊና ኢኮኖሚያዊ ጉዳዮች ዙሪያ በነበራቸው የጋራ አቋም ራዕያቸውን በጋራ ለማሳካት ጥረት ሲያደርጉ ቆይተዋል። የኢትዮጵያ ማሕበረ ዴሞክራሲ-ደቡብ ኅብረት አንድነት ፓርቲ (ኢማዴ-ደህአፓ) ሕጋዊ ሰውነት እንዲያገኝ ለኢትዮጵያ ብሔራዊ ምርጫ ቦርድ ጥያቄ በማቅረብ ቦርዱ ሰኔ 3 ቀን 2005 ዓ.ም የሕጋዊ ሰውነት ማረጋገጫ የምስክር ወረቀት መስጠቱን ገልጸዋል። ይህ በእንዲህ እንዳለ ውህደቱን በትናንትው ዕለት ይፋ ያደረገው ይኸው ፓርቲ በሕዝብ ተወካዮች ምክር ቤት ፀድቆ በአገሪቱ ተግባራዊ የሆነውን የፀረ-ሽብር ሕግን እንደሚቃወም አስታውቋል። እንደ አቶ ጥላሁን ገለፃ የፀረ-ሽብር ሕጉ ሠላማዊ የሕዝቦች ተቃውሞን የማፈን ባህሪይ ስላለው ፓርቲያቸው እንደ ሌሎች የመድረክ አባላት ሁሉ ሕጉን ይቃወማል። ፓርቲው በማኒፌስቶው በግልጽ እንዳስቀመጠው የፀረ-ሽብር ሕጉ የዜጎችን ሰብዓዊና ዴሞክራሲያዊ መብቶችን የሚጋፋ በመሆኑ ሕጉን አጥብቆ እንደሚቃወም ገልጸዋል። በዚህም በኢትዮጵያ ሕገ-መንግሥታዊ ፍርድ ቤት እንዲቋቋም ፓርቲው ከመፈለግ ባሻገር ትግል እንደሚያደርግ አስረድተዋል። የኢትዮጵያ ማሕበረ ዴሞክራሲ-ደቡብ ኅብረት አንድነት ፓርቲ የኃይማኖት አክራሪነትን፣ የኃይማኖታዊ መንግሥት መቋቋምን እንዲሁም ኃይማኖትና መንግሥት አንዳቸው በሌላው ላይ የሚያደርጉትን ጣልቃ ገብነት እንደሚቃወም አስታውቋል። በአገሪቱ የፖለቲካ ምህዳሩ ጠባብ እንደሆነ አቶ ጥላሁን ገልጸው መንግሥት በፓርቲውና በአባላቱ ላይ አፈና እና ጫና እያደረሰ እንደሆነም አመልክተዋል። በፍትህ ሚኒስቴር የፌዴራል ዓቃቤ ሕግ አቶ ብርሃኑ ወንድማገኝ የፀረ-ሽብርተኝነት አዋጁን አስመልክቶ በሰጡት ማብራሪያ በሥራ ላይ ያሉት የአገሪቱ ሕጎች ሽብርተኝነትን በበቂ ሁኔታ ለመከላከልና ለመቆጣጠር የሚያስችሉ ባለመሆናቸው ጠንካራ የሕግ አቅም መፍጠር አስፈልጓል። ሽብርተኝነት ለኢትዮጵያ ሠላም፣ ደህንነትና እድገት ፀር እንደሆነና ለአካባቢዋና ለዓለም ሠላምና ደህንነትም ከፍተኛ ስጋት መሆኑንም አመልክተዋል። በመሆኑም ይህንን ለመከላከል፣ ለመቆጣጠርና ለማምከን የሚያስችል የተጠናከረ የምርመራና የክስ አቀራረብ ስልትና ሥርዓት በሕግ ማቋቋም በማስፈለጉ አዋጁ በአገሪቱ ሕግ አውጪ አካል ፀድቆ ተግባራዊ ሆኗል። አዋጁ አንዳንድ የተቃዋሚ ፓርቲዎች እንደሚሉት ግለሰቦች ያለ በቂ ምክንያት የሚታሰሩበት ሳይሆን በሽብርተኛነት ሊያስጠረጥር የሚችል በቂ መረጃና ማስረጃ እንዲሰበሰብ የሚደነግግ መሆኑን ገልጸዋል። ተቃዋሚ ፓርቲዎች ስለ ሕጉ የሚያናፍሱት አሉባልታ ተገቢ ያልሆነ የፖለቲካ ትርፍ ለማግኘትና ለዜጎች ጥበቃ በሚያደርገው የደህንነት ሥራ ላይ ተጽእኖ ለማሳደር የሚደረግ ሕገ-ወጥ ተግባር መሆኑንም አመልክተዋል።
http://www.ena.gov.et/Story.aspx?ID=11076&K=1
መንግሥት መልካም አስተዳደር መኖር አለበት ይላል ወይ? አዎን! ኢሕአዴግም በጉባዔው ብሏል፣ በውሳኔም አሳልፏል፡፡ በየቀኑ መግለጫ ይሰጥበታል፡፡ መልካም አስተዳደር እውን የማታደርጉ ወዮላችሁ ብሏል፡፡ የመልካም አስተዳደር አለመኖር አደጋንም ገልጿል፡፡
መንግሥትም ብሏል፣ ኢሕአዴግም ብሏል፣ ሕዝብም ሰምቷል፣ አዳምጧል፡፡  ጥያቄው የተባለው፣ የተወሰነውና ቃል የተገባው መልካም አስተዳደር የት አለ የሚል ነው፡፡ የሕዝቡ ጥያቄ ‹‹መልካም አስተዳደር በተግባር!›› ነውና፡፡ በተግባር ያልታየ ነገር ‹‹ላም አለኝ በሰማይ ወተቷንም አላይ›› ነውና፡፡ መንግሥት በፌዴራል ደረጃም በክልል ደረጃም ወደ ተጨባጭና አሳማኝ ተግባር ይግባ፡፡ ይናገር ሳይሆን ያሳይ፡፡ 
በዚህ መሥሪያ ቤት ሕዝቡ መልካም አስተዳደር አላገኘም ከተባለ መንግሥት ያንን መሥሪያ ቤት ገባ ብሎ መመርመርና መፈተሽ አለበት፡፡ በመልካም አስተዳደር መጥፋት ምክንያት ያላግባብና ከሕግ ውጭ የተሰጠ ጥቅም ካለ ውሳኔው ትክክል አልነበረም በማለት፣ የወሰኑት ሰዎችም መጠየቅ አለባቸው ብሎ የማስተካከያና የእርምት ዕርምጃ መውሰድ አለበት፡፡ 
በመልካም አስተዳደር ምክንያት በደል የደረሰባቸው ዜጎች ካሉ ፈትሾ ያላግባብና ከሕግ ውጭ መብታቸው ተጥሷል፣ ተጎድተዋል በማለት የደረሰባቸው በደል እንዳይቀጥል አስተካክሎ፣ አርሞና ይቅርታ ጠይቆ ትክክለኛ ዕርምጃ ሊወስድ ይገባል፡፡ ያኔ ነው ሕዝብ እውነትም መልካም አስተዳደር አለ የሚለው፡፡ እውነትም ለመልካም አስተዳደር ከልብ ቆሟል ብሎ ሕዝብ የሚያምነውና ከጎኑ የሚቆመው፡፡ ስለዚህ ተግባር! ተግባር! አሁንም ተግባር!
መንግሥት ለመልካም አስተዳደር መስፈን እንቅስቃሴ ሲያደርግ ሥራው ቀላልና ፈጣን ይሆንለታል ማለት አይደለም፡፡ ሴረኛ ያደናቅፈዋል፡፡ ሙሰኛና ፀረ መልካም አስተዳደር በተቃራኒው ትግሉን ያፋፍማል፡፡ ኔትወርክ ይዘረጋል፡፡ ለማደናቀፍ የሚራወጠው ይበዛል፡፡ ዋጋ ያስከፍላል፡፡ 
ይህ ችግር ግን ለመንግሥት አዲስ ሊሆንበት አይገባም፡፡ የሚጠበቅ ነውና ጥቅሙ የሚነካበት ሁሉ መሯሯጡና መወራጨቱ አይቀርም፡፡ ይህ እንደሚኖር በማወቅ ነው በቂና ብቃት ያለው የሰው ኃይል ማሳለፍ ያለበት፡፡ 
መንግሥት ልማቱን ለማቀላጠፍ ‹‹የልማት ሠራዊት›› እንፍጠር እያለ ነው፡፡ እየተንቀሳቀሰም ነው፡፡ አገርን ከጠላት ለመከላከል ‹‹የመከላከያ ሠራዊት›› እንደሚያስፈልግ ሁሉ፣ ልማቱን ለማቀላጠፍ ‹‹የልማት ሠራዊት›› እንደሚያስፈልግ ይገልጻል፡፡ መንግሥት በነካ እጁ ‹‹የመልካም አስተዳደር ሠራዊት›› ይፈጠር ማለት አለበት፡፡ መፍጠርም አለበት፡፡ በአስቸኳይና በብዛት፡፡ 
መልካም አስተዳደርን የሚያበላሽና ዜጎችን የሚበድል በሥልጣን ወንበር ላይ ተቀምጦ እንዲቀጥል ሊፈቀድ አይገባም፡፡ በድሎ ከሆነም ከሥልጣን ማንሳት ብቻም በቂ አይደለም፡፡ ተጠያቂነት መኖሩ መልካም አስተዳደር እንዲሰፍን አንዱ ዋስትና ነው፡፡ መልካም አስተዳደርን የሚረግጡ፣ የዜጎችን መብት የሚጥሱ፣ ሕዝብን የሚያስለቅሱና የሚገፉ ካሉ መጠየቅ አለባቸው፡፡ ጥሩ ሲሠሩ መመስገንና ማደግ እንደሚገባቸው ሁሉ ሲያጠፉም መነሳትና መጠየቅ ይገባቸዋል፡፡ 
ለመልካም አስተዳደር ጉድለት ምክንያት ጉቦና ክፋት ብቻ ናቸው እያልን አይደለም፡፡ አንልምም፡፡ የአቅም ማነስ ተጠቃሽ ነው፡፡ ለሥራው ተመጣጣኝ የሆነ አመለካከትና አቅም አለመኖር መልካም አስተዳደርን ያበላሻል፡፡ በመሆኑም የአቅም ግንባታ ያስፈልጋል፡፡ የአቅም ግንባታ በኮንፈረንስና በስብሰባ ብቻ ይገኛል ብሎ መጠበቅ ግን የዋህነት ነው፡፡ 
ከመነሻው አቅም ያለው ያስፈልጋል፡፡ በዚያ ላይ ሥልጠና ያስፈልጋል፡፡ በሥራ ገበታ ላይ ክትትልና ቁጥጥር እያደረጉና ጉድለትን እያሳዩ ማሠልጠንም ያስፈልጋል፡፡ ይህ የማያቋርጥ ሒደት መሆን ይገባዋል፡፡ 
ከመጀመሪያው የመሥሪያ ቤቶች አወቃቀርና የኃላፊነት ድልደላ ሲካሄድም ልዩ ጥንቃቄ ያስፈልጋል፡፡ ከመጀመሪያው ስላልታሰበበትና ጥናት ስላልተካሄደበት መሥሪያ ቤቶች የተሰጣቸውን ኃላፊነት ማከናወን አቅቶዋቸው ዜጎች ሲንገላቱ ማየት የተለመደ ነው፡፡
ለማሳያ ያህል አንድ ቀላልና አጭር ማሳያ እንጥቀስ፡፡ የኢትዮጵያ የጋዜጣና የመጽሔት አሳታሚዎች ማኅበር ለመመሥረት ስምምነት ተደርጎ አስፈላጊው ሰነድ ሁሉ ተዘጋጀ፡፡ ፈቃድ ይሰጣል ለተባለው ለማኅበራት ምዝገባ አካል ቀረበ፡፡ ዛሬ ነገ እየተባለ አምስት ወራት ካለፉ በኋላ፣ ይቅርታ እኛ አንመዘግብም ፈቃድ አንሰጥም ተብሎ ወደ ንግድ ማኅበራት ምዝገባ አካል ተመራ፡፡ ከአምስት ወራት በኋላ ወደ ንግድ ሚኒስቴር ሲኬድ ወደ ኢንዱስትሪ ሚኒስቴር ሂዱ ተባለ፡፡ ወደ ኢንዱስትሪ ሚኒስቴር ሲኬድ የለም ተነጋግረናል ወደ ኢንዱስትሪ ሚኒስቴር ተመለሱ ተባለ፡፡ ንግድ ሚኒስቴርም ተነጋግረናል ወደ ኢንዱስትሪ ሚኒስቴር ሂዱ አለ፡፡ ይኼው አንድ ዓመት ሞላው፡፡ ይህ ማኅበር የሚመዘግበውና የሚፈቅድለት አካል አጥቶ እስካሁን ተቀምጧል፡፡ ይኼ ቀላል ማሳያ ነው፡፡ ከዚህ የበለጡ ብዙ ችግሮች አሉ፡፡ ዜጎችን የሚያስመርሩ፡፡
መሥሪያ ቤቶች ትክክለኛ ሥራቸውና ኃላፊነታቸው በዝርዝርና በሕግ ሳይሰጣቸው ኃላፊነት ተሰጥቷችኋል ይባሉና በተግባር አያሳዩትም፡፡ በዚህ ምክንያት ዜጎች ይንከራተታሉ፡፡  የመልካም አስተዳደር ጉድለት በአገርና በሕዝብ ላይ ከፍተኛ ጉዳት እያስከተለ ነው፡፡ ሕዝባዊ አመኔታን ይሸረሽራል፡፡ ዜግነትን ጥርጣሬ ውስጥ ይከታል፡፡ ሙሰኞችን ይፈጥራል፣ ያጠናክራል፣ ኢንቨስትመንት ያዳክማል፣ የውጭ አገር ዜጎች ወደ አገራችን እንዳይመጡ ይገፋል፣ የመንግሥትን ገቢ ይቀንሳል፣ ልማትን ይገታል፡፡ ኧረ ስንቱ!
እናስ?
እናማ ብዙ ተነግሯል፣ ብዙ መግለጫ ወጥቷል፣ ብዙ ቃለ ምልልስ ተደምጧል፡፡ ቃላት በዙ ተግባር ጠፋ፡፡ 
ስለዚህ? 
መልካም አስተዳደር በተግባር!