Nomonanoto Show

Saturday, November 17, 2012



በዮናስ አብይ
በኢትዮጵያ የመጀመርያው ነው የተባለለትና ከ32 ሚሊዮን ብር በላይ በደቡብ ክልል በቦንጋ ከተማ በመገንባት ላይ የሚገኘው ብሔራዊ የቡና ሙዚየም በቅርቡ ተጠናቆ አገልግሎት መስጠት እንደሚጀምር የቦንጋ ዞን አስተዳደር አስታወቀ፡፡
ለ2000 ዓ.ም. የሚሊኒየም በዓል ተቋቁሞ የነበረው የበዓሉ አስተባባሪ ሴክሬተሪያት ሥራው ከመጠናቀቁ በፊት ካሳለፋቸው ውሳኔዎች አንዱ፣ የቡናን ባህላዊና ታሪካዊ አመጣጥ የሚያሳይ ሙዚየም ስለመገንባት ነበር፡፡

ምንም እንኳ የሙዚየሙ ግንባታ ከዕቅዱ ቢዘገይም በጥቂት ወራት ውስጥ ግንባታው ተጠናቆ አገልግሎት እንደሚጀምር የዞኑ አስተዳዳሪ አቶ ክፍሌ ገብረ ማርያም በተለይ ለሪፖርተር ገልጸዋል፡፡

እንደ አስተዳዳሪው ገለጻ፣ የሚሊኒየም አካባበር አስተባባሪ ኮሚቴው በወቅቱ ኃላፊነቱን ለደቡብ ክልል የሰጠ ቢሆንም፣ ክልሉ ደግሞ ግንባታውን የማስተባበርና የመከታተል ኃላፊነቱን ለዞኑ አስተዳደር ሰጥቷል፡፡

ሙዚየሙ ብሔራዊ እንዲሆን በመወሰኑ በጀቱን የፌዴራል መንግሥት እንዲመድብ በቅድሚያ ተወስኖ የነበረ ቢሆንም፣ በኋላ ግን ክልሉና ዞኑ እንዲሸፍኑ መደረጉን አክለው ገልጸዋል፡፡

ግንባታው ለምን እንደዘገየ ከሪፖርተር ለቀረበላቸው ጥያቄ አቶ ክፍሌ በሰጡት ምላሽ፣ ‹‹በወቅቱ የሚያስፈልገንን ያህል በጀት ማግኘት ባለመቻላችንና የግንባታ ዕቃ ባለማሟላታችን ነበር፤›› በማለት አስረድተዋል፡፡

ሙዚየሙ ቋሚና ጊዜያዊ ኤግዚቢሽኖችን የሚያካትት ሲሆን፣ የዲዛይን ሥራው የገጠሪቱን ኢትዮጵያ ባህላዊ ቤቶችን እንዲያንፀባርቅ ተደርጐ የተሠራ ነው፡፡ በተጨማሪም ሙዚየሙ የአገሪቷን የቡና መገኛነት ከማንፀባረቁም ባሻገር የቡናን ባህላዊና ታሪካዊ ዳራና ሥነ ሥርዓት እንዲያሳይ ታስቦበት የተሠራ መሆኑን የዞኑ አስተዳዳሪ ያብራራሉ፡፡

ግንባታውን ታዬ አስፋው ሕንፃ ተቋራጭ የተባለ ድርጅት እያከናወነው መሆኑን፣ እስካሁንም ከ22 ሚሊዮን ብር በላይ እንደተከፈለው ከአቶ ክፍሌ ገለጻ ለመረዳት ተችሏል፡፡ ግንባታው ሙሉ ለሙሉ ሲጠናቀቅ ለባህልና ቱሪዝም ሚኒስቴር የሚተላለፍ መሆኑ ታውቋል፡፡

ከአምስት ዓመት በፊት የሙዚየሙ ግንባታ በፕሬዚዳንት ግርማ ወልደ ጊዮርጊስ የመሠረተ ድንጋይ ተጥሎ በይፋ መጀመሩ ይታወሳል፡፡

በተመሳሳይ የኦሮሚያ ክልልም የራሱን የቡና ሙዚየም በጅማ ከተማ በመገንባት ላይ እንደሚገኝ ለማወቅ ተችሏል፡፡    
http://www.ethiopianreporter.com/news/293-news/8553-2012-11-17-12-32-47.html


በዮሐንስ አንበርብር
ከተለያዩ የኅብረተሰብ ክፍሎች የተውጣጡ አባላትን ያካተተ የፐብሊክ ዲፕሎማሲ ቡድን የኢትዮጵያ ሕዝብና መንግሥትን በመወከል፣ ኢትዮጵያ የምትገነባው ታላቁ የህዳሴ ግድብ በዓባይ ወንዝ ላይ ምንም ጉዳት የሚያስከትል መሆኑን ለማስረዳት፣ የኢትዮጵያንና የግብፅን ዲፕሎማሲያዊ ግንኙነት ለማጠናከር የሚል ተልዕኮ ይዞ ወደ ግብፅ ሊያቀና ነው፡፡
የዲፕሎማሲ ቡድኑ አባላት ከዩኒቨርሲቲ ምሁራን፣ ከታዋቂ ሰዎች፣ ከመገናኛ ብዙኅን፣ ከሥነ ጥበብና ከእምነት መሪዎች የተውጣጡ ሲሆን፣ በትናንትናው ዕለትም በውጭ ጉዳይ ሚኒስቴር ተገኝተው በተጠባባቂ ማኒስትሩ አምባሳደር ብርሃነ ገብረ ክርስቶስ ገለጻ ተደርጐላቸዋል፡፡

ኢትዮጵያና ግብፅ የረዥም ዘመናት ግንኙነት ያላቸው አገሮች መሆናቸውን በመጥቀስ ገለጻቸውን የጀመሩት ተጠባባቂ ሚኒስትሩ፣ ይህ ግንኙነታቸው ከተፈጥሮና ከመንፈሳዊ እምነት ጋር የተዛመደ እንደሆነ አስታውሰዋል፡፡

በዚህ ረጅም ዘመን የሁለቱን አገሮች ግንኙነት የሚያስተሳስሩ በርካታ መልካም ነገሮች የመኖራቸውን ያህል፣ በተለያዩ ጊዜያት የተከሰቱ የፖለቲካ መሪዎችም ግንኙነታቸውን ሲያሻክሩና ጠባሳ ለመፍጠር ሲሞክሩ እንደነበር አስረድተዋል፡፡

ኢሕአዴግ ሥልጣን ከያዘ በኋላ ግን ሁለቱ አገሮች ከዚህ ቀደም የነበራቸውን አለመግባባት ለመቅረፍ ጥረት መደረጉን የገለጹት ተጠባባቂ ሚኒስትሩ አምባሳደር ብርሃነ፣ እ.ኤ.አ. በ1993 የቀድሞው ጠቅላይ ሚኒስትር መለስ ዜናዊ ወደ ግብፅ በመሄድ የሥራ ጉብኝት ያደረጉ መሆኑን አስታውሰዋል፡፡

በዚህ ወቅትም አቶ መለስ መንግሥታቸው በዓባይ ጉዳይ ላይ መወያየትን እንደሚፈልግ በመግለጻቸው፣ ከዚህ ጊዜ ጀምሮ የሁለቱ አገሮች ውይይት እንደተጀመረና በከፍተኛ ሁኔታ እንዳደገ ገልጸዋል፡፡

በመሆኑም ግብፆች ኢትዮጵያ በዓባይ ወንዝ ምክንያት ትጐዳናለች የሚል የቆየ እምነታቸው እየተሸረሸረ መምጣቱን፣ በቅርቡም የፕሬዚዳንት ሆስኒ ሙባረክን አገዛዝ ሕዝቡ በትግሉ ካስወገደ በኋላ የግብፅ ሕዝብን የሚወክሉ የፐብሊክ ዲፕሎማሲ አባላት በኢትዮጵያ ጉብኝት ማድረጋቸውን አስታውሰዋል፡፡

የግብፅን ሕዝብ የወከለው የፐብሊክ ዲፕሎማሲ ቡድን አባላትም በወቅቱ ከተለያዩ የመንግሥት ባለሥልጣናትና የኅብረተሰብ ክፍሎች ጋር የተገናኙ መሆናቸውን አውስተው፣ በወቅቱ የጠየቁት በዓባይ ላይ ለመገንባት የታሰበው የኤሌክትሪክ ኃይል ማመንጫ ግድብ ግብፅን ሊጎዳ ይችላል ወይ የሚል እንደነበር ገልጸዋል፡፡

በወቅቱ ኢትዮጵያ የምትገነባው የህዳሴ ግድብ ወንድም የሆነውን የግብፅ ሕዝብ ፈጽሞ እንደማይጐዳ፣ ይህንንም ለማረጋገጥና ለማስተማመን ከኢትዮጵያ፣ ከሱዳን፣ ከግብፅና ከዓለም አቀፍ ተቋማት የተውጣጡ የኤክስፐርቶች ቡድን እንዲቋቋምና እንዲገመግመው ጠቅላይ ሚኒስትር መለስ ቃል ገብተው ነበር ብለዋል፡፡ በዚህም መሠረት የቴክኒክ ቡድኑ ተቋቁሞ በሥራ ላይ መሆኑን አስረድተዋል፡፡

‹‹እናንተም በዚሁ መሠረት ወደ ግብፅ ሄዳችሁ የኢትዮጵያ ሕዝብና መንግሥት ፍላጐት ምን እንደሆነ በትክክል እንድታስረዱ እንፈልጋለን፤›› በማለት ለኢትዮጵያ ፐብሊክ ዲፕሎማሲ ቡድን አባላት ገልጸዋል፡፡

‹‹ዓባይን ገድቦ የግብፅ ሕዝብን መጉዳት በሰው ልጅ ሰብዓዊነት ላይ ወንጀል መፈጸም ነው፡፡ የኢትዮጵያ መንግሥት በተለይም ተፈጥሮአዊ በሆነ መንገድ በተሳሰረው የግብፅ ሕዝብ ላይ ጉዳት ሊፈጽም ፈጽሞ እንደማይፈልግ እንድታስረዱ እንፈልጋለን፤›› ብለዋል፡፡

የፐብሊክ ዲፕሎማሲ ቡድን አባላቱ የተደረገላቸው ገለጻ በእጅጉ እንዳስደሰታቸው በመግለጽ፣ ከዚህ ቀደም ከግብፃውያን ጋር ሲገናኙ የነበራቸውን ተሞክሮ ለመድረኩ አስረድተዋል፡፡

በተለያዩ አጋጣሚዎች በኢትዮጵያም ይሁን በውጭ አገሮች ከሚያገኟቸው ግብፃውያን ጋር በሚገናኙበት ወቅት ከግብፃውያኑ የሚሰሙት ልማቱ ለሁሉም ሊጠቅም የሚችል መሆኑን ነው፡፡ ነገር ግን የውኃው መጠን ይቀንሳል የሚል ፍራቻ እንዳላቸው አስረድተው፣ በመሆኑም ይህንን ፍራቻ ለማስወገድ ራሳቸውን በመረጃ እንደሚያደራጁ አባላቱ ገልጸዋል፡፡

ከፐብሊክ ዲፕሎማሲ አባላቱ መካከል አቶ ብርሃነ ዴሬሳ፣ ፕሮፌሰር ባህሩ ዘውዴ፣ ዶ/ር ያዕቆብ አርሳኖ፣ የዓለም ሎሬት ጥበበ የማነ ብርሃን፣ አቶ ሀብተ ሥላሴ ታፈሰ፣ አምባሳደር ብርሃነ ገብራይ፣ ዶ/ር ኃይለ ሚካኤል አበራ፣ አቶ አማረ አረጋዊ፣ አቶ ውብሸት ወርቃለማሁ፣ ወ/ት ሀያት አህመድ፣ አቶ ሙሼ ሰሙ፣ ዶ/ር አሸብር ወልደ ጊዮርጊስ፣ ፕሮፌሰር ላጲሶ ጌ ዴሌቦ ይገኙበታል፡፡ የፐብሊክ ዲፕሎማሲ ቡድኑ በመጪው ታህሳስ ወር ውስጥ ወደ ግብፅ ያቀናል ተብሎ ይጠበቃል፡፡
http://www.ethiopianreporter.com/news/293-news/8562-2012-11-17-12-42-01.html


By Tibebeselassie Tigabu
For many fans of Teddy Afro, traveling 277 km to Hawassa (Awassa) was not too much. Rather, it is a distance that they can travel easily to see and support the artist they love.
It is not only from Addis Ababa that the fans of Teddy Afro went to Awassa. Folks from Moyale and Dilla were also at the concert. There are fans who drove their own cars but there are also those who travelled miles by using public transport to hear him live and to see their beloved artist on stage.
On November 3, Awassa was different, bedecked with many posters and fliers of the concert. Especially at the gate of Haile Resort, a humongous poster of Teddy Afro in a white suit was posted. The whole town felt the vibe of the concert.
Since it is the second concert after the release of the album, many were still waiting eagerly to see him live. The concert was held in the stadium and even before reaching the stadium the music welcomed people and attracted passersby. Around the stadium there was a spacious spot that was left vacant for parking.
At a 50-meter distance from the main entrance of the concert, armed federal police officers were lined up.
There were two doors for the concert goers – one for those who have the regular ticket and the other for the VIP ticket holders. Even though there were many people at the main gate, the process was very smooth and the people were queuing up and showing their tickets.
The concert started with the musical selection of DJ Wishs and still the people were waiting eagerly for Teddy. When Teddy came, the people were out of control.
After that dancing, cheering, clapping and shouting filled the air.
At the concert, many believed that Teddy staged a very unique performance where he managed to control the stage. Many admired and appreciated his full control. Running on the stage, dancing, jumping, jamming with the guitar player were some of the moves he did. In some instances, he also got into the music where he closed his eyes and a. The harmony between Teddy and the band was also one of the things people enjoyed.
The audience featured his songs by singing along and cheering him. Some of his songs included Tsebaye Senay, Fiorina, Sile Feker and Abebayehoy.
In the middle of his songs, he made short speeches as a way of interaction that was taken as an entertaining act from the audience’s side. After singing Fiorina, he said that his wife is Eritrean and added how people are people whereever they are from.
The other song, Chemin de fer, narrates a story of a Muslim man who fell in love with a Christian woman. After singing the song he asked if there were Christians in the audience. They answered by raising their hands. He again asked if there were Muslims. The Muslims also responded in the same manner. After that, Teddy said,“Despite the differences we are one.”
The ecstatic Teddy who continued with the song Haile said, “Do you think Haile Gebreselassie will beat me in a race?” and started circling the stadium that brought smiles to the audience.
Apart from that, when he was singing Girmawinetwo he came out wearing a T-shirt that has the picture of the late Emperor Haile-Selassie.
Apart from his old songs, he also sang a new single. One verse in this song was catchy and Teddy repeated this verse together with the audience “Olan Yizo Wode feker Guzo” and the audience also featured him.
Whenever the audience cooled down, he pleaded by saying, “In the name of Mary,” and again tried to maintain the hype. In this concert, he also played Mahmoud Ahmed’s song: Enchi Libe Eko New.’
At the end of the concert the rain started falling down but the audience did not move and Teddy asked the audience if they were scared of the rain and continued his singing. The audience also continued dancing in the rain
Finally, when the rain got heavier, the concert wrapped up with the song, his new album’s title song Tikur Sew, and Teddy left the stage without saying goodbye.
Around 15,000 people attended the concert. Many of the attendants expressed their appreciation on how things went smoothly. There were many drinking booths that avoided the queuing and also the waiting. Different from previous concerts, drinks were sold in plastic cups.
This concert was a great opportunity for Henock Ayele who spends his weekends out of town. Even after the concert he could not let go of the excitement. He felt that was the best concert he attended so far. Especially Teddy’s stage performance swept him away.
“It is amazing how he was able to control the audience’s feeling the whole time. He only took two small breaks and did many songs with the same energy and this shows his ability to perform. The sounds that come out from the stage were also similar with the CD which is very refreshing,” Henok says.
When it comes to the organization of the concert, he was impressed on how they handled the security issues. He did not face any problems when it came to getting his drinks. But he had his own reservation when it cames to the stage; which was not rain proof. He did not also enjoy the sound system.
The organizer of the concert, Belema Entertainment, believes that the concert was a success.
According to the organizers, they had a major pre-planning when it comes to security and service and they believe they were able to fulfill the demand of the customers.
Even though there was an interruption of power, the generator they brought was able to continue the concert. There was also an ambulance and firetruck.
The mobile toilets they ordered did not come on time. So they posted many signs to direct people to the stadium’s toilet so that the audience can use that. In general, they believed they did what they planned.
Source Reporter



ከተሞች ተሞክሯቸውን እየተለዋወጡ ናቸው 
ዜና ሐተታ

አዳማ እንግዶቿን ማስተናገድ ከጀመረች ቀናትን አስቆጥራለች። ማዕዷን እያቋደሰች የምትገኘዋ አዳማ ገፅታዋን ለማስተዋወቅ የአራተኛው የከተሞች ሣምንት ኤግዚቢሽን ተሣታፊ ነች።
ለሰባት ተከታታይ ቀናት ለሕዝብ ክፍት ሆኖ የቆየው ኤግዚቢሽን 136 ያህል ከተሞች ወደ አዳማ ያመጣቸውን መገለጫዎቻቸውን በድንኳን በድንኳን ሆነው ራሳቸውን እያስተዋወቁ ናቸው።
የአዳማና ዙሪያዋ ከተሞች በርካታ ነዋሪዎች ኢግዜቢሽኑን ይጐበኛሉ። ነዋሪዎቹ አዳማ በዘንድሮው የከተሞች ውድድር አንደኛ እንደምትወጣ ይገልፃሉ። የከተማዋን ገፅታ በኤግዚቢሽኑ እያስጎበኙ የሚገኙ አካላትም ይህንኑ ያጠናክራሉ።
አቶ ዘላለም አስራት የአዳማ ከተማን ገፅታ ለማሳየት በተዘጋጀው ድንኳን ውስጥ ስለቀረቡት የተለያዩ ዝግጅቶች ሲያብራሩ «የአዳማ ከተማን ማስተዋወቅ ያስፈለገው ከከተሞች ሁሉ በመሪነት ቦታ ላይ እንድትቀመጥ ታስቦ ነው» ይላሉ።
እንደ አቶ ዘላለም ማብራሪያ፤ የአዳማ ከተማ ከ63 ሺ በላይ አባላትን ያቀፉ ከ4ሺ 73 በላይ ጥቃቅንና አነስተኛ ኢንተርፕራይዞች አሏት። ከ280 ኪሎ ሜትር በላይ መንገዷ በአስፋልትና በኮብልስቶን ተሸፍኗል። ከ10 ቢሊዮን ብር በላይ ካፒታል የሚያንቀሳቀሱ ከ700 በላይ ባለሀብቶች ይገኙባታል።
አዳማ በቀን 45 ሺ የሚሆኑ ሕዝብ ገብቶ የሚወጣበት 7ሺ ያህል ሰዎች ደግሞ የሚያድሩባት ናት። 8ሺና ከዛ በላይ እንግዶችን ሊያስተናግዱ የሚችሉ የተለያዩ የስብሰባ ማዕከላት ያሏት ስትሆን። ይህም ከተማዋን የኮንፈረንስ ከተማ አሰኝቷታል። ለኢንዱስትሪ፣ ለአግሮ ፕሮሰሲንግ፣ ለሪልስቴት፣ ለጤና፣ ለትምህርትና ለተለያዩ ዘርፎች የሚውል 128ነጥብ 70 ሔክታር መሬት ለልማት ማዘጋጀቷንም አቶ ዘላለም ይጠቁማሉ። 
የሀዋሳ ከተማን ወደሚያስተዋውቀው ድንኳን ዘለቅን። «እኛ በአዳማ የተገኘነው ሕብረ ብሔራዊቷንና የደኖች ከተማ የሆነችውን አዋሳን ለማስተዋወቅ ነው» ያሉት የከተማዋ ማዘጋጃ ቤት ሥራ አስኪያጅ አቶ ብሩ ወልዴ፤ ለማስተዋወቅ ብቻ ሳይሆን ባለሀብቶች ወደ ከተማዋ መጥተው መዋዕለ ነዋያቸውን ሥራ ላይ እንዲያውሉ ለመጋበዝም መሆኑን ነው የሚገልጹት።
የሀዋሳ ከተማን በዘጋቢ ፊልም፣ በቻርት፣ የተለያዩ ሲዲዎችን በማቅረብ እንዲሁም በመቅረፀ ድምፅ የማስተዋወቁ ሥራ ተካሂዷል።
ከሐይቁ ማዶ አዲስ ከተማ ለመመሥረትም እቅድ እንዳለ የተናገሩት አቶ ብሩ፤ የዚህንም መዋቅራዊ ፕላን እያሳዩ ከተማዋን ያስተዋውቃሉ።
የተለያዩ ዘመናዊ ሆቴሎችና ሪዞርቶች በከተማዋ እንዳሉም ነው የሚገልጹት።
እንደ አቶ ብሩ ገለፃ፤ የሐዋሳ ከተማ መሠረተ ልማት የተሟላላት ናት። ወደ 324ኪሎ ሜትር የሚጠጋ የአስፓልት፣ የኮብልስቶንና የጠጠር መንገድ አላት። የንፁህ መጠጥ ውሃ ሽፋኗም ወደ 75 በመቶ ደርሷል።
የከተማዋ የጥቃቅንና አነስተኛ ኢንተርፕራይዞች፣ የኢንቨስትመንት፣ የቱሪዝምና የሆቴል፣ የኢንዱስትሪ፣ የመኖሪያ ቤቶችና ሌሎች ልማቶችን በማሳያነት ቀርበዋል።
የሀዋሳ ሐይቅ በገንዳ ተመስሎ የቀረበ ሲሆን፤ ከተማዋ የቱሪስት መዳረሻ እንደሆነችም የሚያመላክቱ ማሳያዎች ቀርበዋል። ምንም እንኳን ከተማዋ ባለፈው ዓመት ሦስተኛ ብትወጣም በውጤቱ ደስተኛ እንዳልነበሩ ያስታወሱት አቶ ብሩ፤ ዘንድሮ የማስተዋወቅ ስልቷን ቀይሳ ከተማዋ ከአምናው ይልቅ በርካታ ማሳያዎችን ይዛ መቅረቧን ነው የተናገሩት። ይህም የአንደኝነት ደረጃዋን ለማግኘት እንደሚያስችላት ሙሉ እምነት እንዳለቸው ነው ያመለከቱት።
«'ትንሿ ኢትዮጵያ' አዋሳ ተመራጭ ነች» ያሉት ሥራ አስኪያጁ፤ ይህንን ለማለት ያስደፈራቸው ከጎብኚዎቹ ያገኙት መረጃም ጭምር እንደሆነ ይጠቅሳሉ።
አርባ ምንጮች አዞና አሳ ከነህይወታቸው ይዘው በኤግዚቢሽኑ ላይ ቀርበዋል። ዓሳ ልክ ከአባያ ወይም ከጫሞ ወጥቶ እንደሚፈራገጥ አይነት ከሰሩት ከገንዳ በማውጣት እየጠበሱ ታዳሚዎቻቸውን ያቀምሳሉ።
የአርባ ምንጭ የነጋዴ ሴቶች ማህበር ምክትል ሊቀመንበር ወይዘሮ አለም አሉላና የከተማው ማዘጋጃ ቤት ሠራተኛ አቶ ዘውዴ ገረሱ ከተማዋ አንደኛ እንድትወጣ የሚያስችላትንና እንታወቅበታለን ያሉትን ሁሉ ይዘው በኢግዚቢሽኑ ላይ መገኘታቸውን ይገልጻሉ።
በምሥራቅ አፍሪካ ስምጥ ሸለቆ ውስጥ የምትገኘው አርባ ምንጭ በአባያና በጫሞ ሀይቅ አጠገብ እንደምትገኝ ይናገራሉ። አቅራቢያዋ ያለው የነጭ ሣር ፓርክም ብርቅዬና ድንቅዬ የዱር እንስሳትና አእዋፍ አቅፎ ይዟል። እነዚህም የብዙ ቱሪስቶች መዳረሻ እንድትሆን እንዳስቻላት ነው የገለጹት።
እድሜ ጠገብ ከሆኑ ደኖቿና ከአርባ በላይ ምንጮቿ የሚፈልቀው ውሃም ለውበቷ ትልቁን ድርሻ እንደሚያበረክትላትና ለጎብኚዎቿ ደረጃቸውን የጠበቁ ሆቴሎችና ሪዞርቶች እንዳሉም ያመለክታሉ።
ከተማዋን የኢንዱስትሪ ማዕከል ለማድረግ እየሠራን ነው ሲሉ ጠቁመው፤ ትኩረት የተደረገው በጥቃቅንና አነስተኛ ተቋማት ላይ መሆኑን ያብራራሉ። ለዚህም በርካታ የከተማዋ ወጣቶች በተለያዩ የስራ ዘርፎች መሰማራታቸውን ጠቁመው፤ በተለይም ሴቶች በማህበር ተደራጅተው የሚያመርቷቸውን የባህል አልባሳት ይጠቅሳሉ።
የነገሌ ቦረና ከተማ በኤግዝቢሽኑ ከተሳተፉት አንዷ ናት፤ ከተማዋ በኤግዚቢሽኑ ይዛ ስለቀረበችው ያብራሩት አቶ ደያን አብዱ፤ «ከተማዋ ውሃ ለጠማው ወተት የምታቀርብ ናት» ይላሉ። እርጎ በጮጮ ለማሳያነት አስቀምጠዋል።
በከተማዋ መሰረተ ልማት እየተመቻቸ መሆኑን ተናግረው፤ በጤና፣ በትምህርት፣ በመንገድና በሌሎችም የተሻሉ ለውጦች አሉ ይላሉ።
ነገሌ ቦረና ተፈጥሮ ያደላት ምቹ ሀገር መሆኗን የሚናገሩት አቶ ደያን፤ ለኮብል ስቶን ያለምንም ልፋት አገልግሎት ላይ ሊውል የሚችል ድንጋይ ሀብት ያላት መሆኑን ይገልጻሉ። ለኮንስትራክሽን ግብአት የሚሆነው አሸዋ እንዳላትና በቀላሉ ወደ ሥራ ለመግባት ምቹ ሁኔታን የፈጠረ መሆኑንም ይናገራሉ። 
http://www.ethpress.gov.et/ethpress/main/news.php?newsLocation=home&newsInstruction=headline&newsId=10111


“ከተሞች የኢንዱስትሪያሊስቶች መፍለቂያ ማዕከል በመሆን የመለስን ራዕይ ያሳካሉ” በሚል መርህ በአዳማ ሲካሄድ የቆየው 4ኛው የኢትዮጵያ ከተሞች ሳምንት ተጠናቋል፡፡
ምክትል ጠቅላይ ሚኒስትር እና የትምህርት ሚኒስትሩ አቶ ደመቀ መኮንን በዓሉ በከተሞች መካከል የልምድ ልውውጥ ለማድረግ የሚያስችል እና ጠንካሮችን በማበረታታት በዘርፉ የተያዘውን እቅድ ለማሳካት ንቅናቄ መፍጠር የሚያስችል ነው ብለዋል፡፡
የከተሞች የህዳሴ ጉዞ በትክክለኛ አቅጣጫ ላይ ይገኛል ያሉት አቶ ደመቀ በማደግ ላዩ ያሉ ከተሞችን ወደ ላቀ የልማት ደረጃ ለማሸጋገር ሁሉም ባለድርሻ አካላት ሊረባረቡ እንደሚገባ አሳስበዋል፡፡
በገጠር እየተመዘገበ ያለው የልማት ውጤት በከተሞች እየታየ ላለው መጠነ ሰፊ ለውጥ ከፍተኛ አስተዋፅኦ አበርክቷል ብለዋል፡፡ ከተሞችንና ገጠሮችን አስተሳስሮ መሄድ ቀጣይ የመንግስት አቅጣጫ መሆኑንም ነው አቶ ደመቀ የተናገሩት፡፡
በ4ኛው የከተሞች ሳምንት ለሰባት ቀናት በቆየው ኤግዚቢሽን ላይ በተለያዩ የከተማ ልማት መስኮች ያከናወኗቸውን ተግባራት እና እራሳቸውን በማስተዋወቅ ከየምድባቸው ላቅ ያለ አፈፃፃም ያስመዘገቡ ከተሞች ተሸልመዋል፡፡
በተለይም በስድስት ቁልፍ የከተማ ልማት ስራዎች የላቀ አፈፃፀም ያስመዘገቡ ክልሎችና ከተማ አስተዳደሮችም በ4ኛው የኢትዮጵያ ከተሞች ሳምንት ተሸላሚ ሆነዋል፡፡
በጥቃቅንና አነስተኛ ኢንተርፕራይዞች ልማት ስራዎች የኦሮሚያ ብሔራዊ ክልል፣ አዲስ አበባ ከተማ አስተዳደር እና የትግራይ ክልል ከአንድ እስከ ሶስተኛ ያለውን ደረጃ ሲይዙ በመሬት ልማትና ማኔጅመንት ስራዎች ደግሞ የትግራይ ክልል አንደኛ፣ የድሬዳዋ ከተማ አስተዳደር ሁለተኛ እና የደቡብ ብሔር ብሔረሰቦችና ህዝቦች ክልል ሶስተኛ ደረጃን በመያዝ አሸናፊ ሆነዋል፡፡
በመኖሪያ ቤቶች ልማትና በመንግስት ኮንስትራክሽን ስራዎች የትግራይ ክልል፣ የደቡብ ብሔር ብሔረሰቦችና ህዝቦች ክልል እና የአዲስ አበባ ከተማ አስተዳደር የላቀ አፈፃፀም በማሳየት ተሸልመዋል፡፡
በኮንስትራክሽን ኢንዱስትሪና ሬጉላቶሪ የደቡብ ብሔር ብሔረሰቦችና ህዝቦች ክልል፣ ትግራይ ክልል እና አዲስ አበባ ከ1ኛ እስከ 3ኛ ያለውን ደረጃ በመያዝ ተሸላሚ ሆነዋል፡፡
በከተማ ፕላን ፅዳትና ውበት ስራዎች ደግሞ የድሬዳዋ ከተማ አስተዳደር የአንደኝነቱን ደረጃ በመያዝ አሸናፊ ሆኗል፡፡
በአጠቃላይ በስድስቱም የከተማ ቁልፍ ተግባራት አንድ ላይ ተደምረው ደቡብ ክልል 3ኛ፣ አዲስ አበባ 2ኛ፣ ትግራይ ክልል1ኛ በመሆን የከተማ ልማትና ኮንስትራክሽን ሚኒስቴር ያዘጋጀላቸውን የመኪና ሽልማት ከእለቱ የክብር እንግዳ ምክትል ጠቅላይ ሚኒስትር እና የትምህርት ሚኒስትር አቶ ደመቀ መኮንን እጅ ተቀብለዋል፡፡
ልዩ ድጋፍ ከሚሹ አምስቱ ክልሎች መካከል የሀረሪ ብሔራዊ ክልላዊ መንግስት፣የቤኒሻንጉል ጉሙዝ ክልል እና ሶማሌ ክልል ከአንደኛ እስከ ሶስተኛ ያለውን ደረጃ በመያዝ ተሸላሚ ሆነዋል፡፡
የከተማ ልማትና ኮንስትራክሽን ሚኒስትሩ አቶ መኩሪያ ኃይሌ በከተሞች ልማት ዘርፍ የእድገትና ትራንስፎረሜሽን እቅዱ አፈፃፀም እየተሳካ ነው ብለዋል፡፡
በያዝነው አመት በጥቃቅንና አነስተኛ ኢንተርፕራይዞች ልማት የጀመርናቸውን ስራዎች አጠናክሮ በመስራት ከ1.7 ሚሊዮን በላይ የስራ እድል እንፈጥራለን ያሉት አቶ መኩሪያ ኢንተርፕራይዞቹን ለመደገፍም 3.6 ቢሊዮን ብር የብድር አገልግሎት መጋጀቱን ጠቁመዋል፡፡
ሌላው የትኩረት አቅጣጫ ደግሞ የከተማ መሬት ልማትና አስተዳደር ስርዓቱን በማዘመንና በማሻሻል በዘርፉ ይታዩ የነበሩ ችግሮችን መፍታት ነው ብለዋል አቶ መኩሪያ፤”በአዲስ አበባ ተጀመረው የዘመናዊ የመሬት መረጃ ስርዓት አያያዝ ወደ ክልሎችም እንዲስፋፋ ይደረጋል፡፡”
እንደ አቶ መኩሪያ ገለፃ በከተሞች የቤት ችግርን ለመቅረፍ የ10/90፣ 20/80፣ 40/60 የመሳሰሉ የቤት ልማት ፕሮግራሞች በቅርቡ የሚጀመሩ ከመሆናቸውም ባሻገር አስቀድሞ የተጀመረው የጋራ መኖረያ ቤቶች ግንባታም ተጠናክሮ ይቀጥላል፡፡
በከተማ ፅዳትና ውበት ረገድ በሩዋንዳ የኪጋሊ፣ በአዲስ አበባ የጉለሌ ክፍለ ከተማ በቢሾፍቱ የአብነት መንደር ተሞክሮዎች ተቀምረው ወደ ሌሎች ክልሎችም እንዲሸጋገሩ ይደረጋል ነው ያሉት፡፡
http://www.ertagov.com/amerta/erta-news-archive/48-erta-tv-today-top-news-addis-ababa-ethiopia/2510-2012-11-17-10-08-53.html