POWr Social Media Icons

Saturday, October 27, 2012




ከኣጸ ሚኒልክ ዘመን በፊት ጀምሮ ያለውን የሲዳማ እና ወላይታ ባህላዊ ኣስተዳደር ስርኣት ብሎም ኣወቃቀር የምገመግመውን ይህን መጽሀፍ ለማንበብ ከታች ያለውን ሊንክ ይጫኑ፦
The Politics of Ethnicity in Ethiopia: Actors, Power and ...


በሰለሞን ጎሹ
አዲሱን ጠቅላይ ሚኒስትር ኃይለ ማርያም ደሳለኝን በራሳቸው ልዩ ባህሪያትና እንቅስቃሴዎች ላይ ተመሥርቶ ከመፈረጅ ይልቅ ከቀድሞው ጠቅላይ ሚኒስትር ጋር ማነፃፀር እየተዘወተረ ነው፡፡
ለዚህ አንዱ ምክንያት ራሳቸው ኃይለ ማርያም መለስን ከአንደበታቸው አለማራቃቸው ነው፡፡ በኢኮኖሚ ዕውቀታቸው ዓለም አቀፍ አድናቆት የተቸራቸው የቀድሞው ጠቅላይ ሚኒስትር ሰፋ ያለ የኢኮኖሚ ትንታኔ የመስጠት ልማድ የነበራቸው ሲሆን፣ ለፓርላማ በሰጡት ማብራሪያና ከንግዱ ማኅበረሰብ ጋር ባደረጉት ውይይት አዲሱ ጠቅላይ ሚኒስትር ወደ ዝርዝር የኢኮኖሚ ትንታኔ ውስጥ ከመግባት ይልቅ አንኳር ጉዳዮች ላይ ብቻ ማተኮር መርጠዋል፡፡

የጠቅላይ ሚኒስትር ኃይለ ማርያም አካሄድ የኢትዮጵያን ልማታዊ መንግሥት ርዕዮተ ዓለም ከዲሞክራሲ ጋር ካለው ግንኙነት አንፃር የሚነሱትን የተለያዩ ጥያቄዎች እንዴት አድርጎ ያስተናግዳል የሚል ጥያቄም መነሳቱ አልቀረም፡፡

ዲሞክራሲያዊ ልማት

ኢትዮጵያ የልማታዊ መንግሥት ጽንሰ ሐሳብን ከምሥራቅ እስያ አገሮች ከመገልበጥ ይልቅ በሒደት ልታረጋግጠው የተነሳችበትን ዲሞክራሲ በመጨመር ‘ዲሞክራሲያዊ ልማታዊ መንግሥት’ ለመመሥረት መወሰኗ በይፋ የተገለጸው የሚሊኒየምን በዓል ባከበረችበት የ2000 ዓ.ም. መባቻ ላይ ነበር፡፡

ልማታዊ መንግሥታት በመንግሥት ጣልቃ ገብነት፣ ሰፊ ቁጥጥርና ዕቅዶች እየታገዙ የሚጓዙ ሲሆን ነፃ ገበያ፣ ብሔራዊ ስሜት፣ የውጭ የቴክኖሎጂ ሽግግር፣ ሰፊ የመንግሥት ቢሮክራሲ፣ የኢኮኖሚ ዕድገት፣ የሕዝብ ተቀባይነት፣ ከልሂቃን ጋር አብሮ የመሥራት ባህል፣ ከግል ዘርፉ ጋር ተባብሮ ማደግ፣ ማኅበራዊ ፍትሕ፣ የሕግ የበላይነት፣ የሚዲያና የሲቪል ማኅበራት ተሳትፎና የሙያና የብዙኅን ማኅበራት እንቅስቃሴ ቅድመ ሁኔታዎች ናቸው፡፡ እነዚህን ሁኔታዎች አስማምቶ የሚያስቀጥል ጠንካራ አመራር ደግሞ የነገሮች ሁሉ መቋጫ ነው፡፡ ውጤታማና አስተማማኝ ልማታዊ መንግሥት ሌላው መለያው የመሠረተ ልማት ግንባታ ነው፡፡

ይሁንና ከ1960ዎቹ ጀምሮ የሚታወቀው የልማታዊ መንግሥት ጽንሰ ሐሳብ በፀረ ዲሞክራሲያዊነቱና ለሙስናና ለኪራይ ሰብሳቢነት መስፋፋት ካለው አስተዋጽኦ ጋር ተያይዞም አብሮ ስሙ ይነሳል፡፡ ልማታዊ መንግሥታት ሁሉ ፀረ ዲሞክራሲ ሊሆኑ እንደማይችሉ፣ ሙስናና ኪራይ ሰብሳቢነትም ከልማታዊ መንግሥታት ጋር ቀጥተኛ ቁርኝት እንደሌላቸው ሟቹ አቶ መለስ በቃልም ይሁን በጽሑፍ፣ በፖለቲካ መድረኮችም ይሁን በአካዳሚክ መጽሐፎች ላይ ወይም ኮንፈረንሶች ላይ በመገኘት ይሟገቱ ነበር፡፡ በርዕዮተ ዓለም ደረጃ ዋነኛው ግብ የተቀባይነት ምንጭ የተፋጠነ ልማት እንደሆነ የሚገልጹት አቶ መለስ፣ በቅርፅ ደረጃ ኢትዮጵያ ለዲሞክራሲያዊ ልማታዊ መንግሥት የተመቸ የፖለቲካ ኃይሎች፣ የተለያዩ ተቋማትና ነፃ መንግሥት እንዳላት ይከራከሩ ነበር፡፡

ኢሕአዴግ እንደ ገዥ ፓርቲ (ግንባር) በአብዮታዊ ዲሞክራሲም ሆነ በዲሞክራሲያዊ ልማታዊ መንግሥት ርዕዮተ ዓለሙ ለዲሞክራሲ መረጋገጥ ሁሌም ቦታ ይሰጣል፡፡ ፓርቲው አብዮታዊ ዲሞክራሲን ትቶ ነው ወይስ በተጨማሪነት ዲሞክራሲያዊ ልማታዊ መንግሥትን የያዘው የሚለው ክርክር እንዳለ ሆኖ፣ ቢያንስ በዲሞክራሲያዊ ልማታዊ መንግሥት ጽንሰ ሐሳብ ይበልጥ ለዲሞክራሲ ቦታ ለመስጠት ዝግጁ መሆኑ ከ2000 ዓ.ም. በኋላ የተጠበቀ ቢሆንም፣ በቀጣዮቹ ዓመታት በሕግ ማውጣት፣ በፍትሐ አስተዳደርና ከሌሎች የሙያና የብዙኅን ማኅበራት ጋር ፓርቲው የነበረው ግንኙነት ዲሞክራሲን ወደ ኋላ የጎተተ መሆኑን በመጥቀስ የሚተቹት አሉ፡፡

ልማታዊ መንግሥት ዲሞክራሲያዊ ሊሆን አይችልም በማለት የሚሞግቱ አካላት ኢሕአዴግ በልማት ስም ጥቂት ኃይሎችን ብቻ ተጠቃሚ በማድረግ አብዛኛውን ዜጋ ግን ከድኅነት ሊያላቅቅ የማይችል ርዕዮተ ዓለም በመከተል፣ የወሳኝ የአማራጭ የፖለቲካ ኃይላትን ተሳትፎ ገድቦት መቆየቱን ይጠቁማሉ፡፡

አቶ አብርሃም ከበደ የኢኮኖሚ ባለሙያ ሲሆኑ፣ ኢሕአዴግ ዲሞክራሲያዊ ልማታዊ መንግሥት ለመገንባት ያለው ዕቅድ የሚበረታታ ቢሆንም ዲሞክራሲን ለማረጋገጥ የተጓዘበት መንገድ ብዙ እንደሚቀረው ይገልጻሉ፡፡ ‹‹አቶ መለስ ምንጊዜም የሚያፈልቁት ሐሳብ ከተለያዩ አገሮች ተጨባጭ እውነታ ቢቀዳም፣ ከኢትዮጵያ ሁኔታ ጋር ለማጣጣም ከፍተኛ ጥረት ያደርጉ ነበር፡፡ ከተለመዱ አማራጮች ወጣ በማለት ሦስተኛ የራሳቸውን አማራጭ ይፈጥራሉ፡፡ በአብዮታዊ ዲሞክራሲ ሁለት የተለያዩ ዓለሞችን አቀላቅለዋል፡፡ በዲሞክራሲያዊ ልማታዊ መንግሥትም እንዲሁ ሁለት የተለያዩ ነገሮችን ለማጣመር ሞክረዋል፡፡ ሁሌም ግን ግራ ዘመም አመለካከታቸው በተግባር ላይ ሲታይ ያመዝናል፤›› ይላሉ፡፡

አቶ አብርሃም በቅርቡ የወጣው የዓለም ባንክ ሪፖርት ማኅበራዊ ፍትሕ በማስፈን ኢትዮጵያ ለውጥ ማምጣቷን ቢጠቁምም፣ በተቃራኒ የአይኤምኤፍ ሪፖርት አብዛኛው ሕዝብ እየተጎዳ በመሆኑ ኢትዮጵያ የኢኮኖሚ ዕድገቱን እንድታቀዛቅዝ መጠቆሙ ከዲሞክራሲ ጋር ግንኙነት እንዳለው ያስረዳሉ፡፡ ‹‹በዲሞክራሲ ልማት፣ በልማትም ዲሞክራሲ ይመጣል፡፡ እንደ ኢትዮጵያ ባሉ አገሮች በተለያዩ ምክንያቶች ብዙኅነት አለ፡፡ ንቃተ ህሊናው እየጨመረ በመጣ ቁጥር ሕዝቡ ዲሞክራሲያዊ ባህል እየተላበሰ ይመጣል፡፡ ሕዝቡ ኢሕአዴግን እየደገፈ የሚቀጥለው በሐሳቡ ሳይሆን በውጤቱ ነው፡፡ ከላይ እንደገለጽኩት ማኅበራዊ ፍትሕ ከሌለና አብዛኛው ሕዝብ በድህነት እስካለ ድረስ በዲሞክራሲያዊ ሥርዓት መንግሥትን አይመርጥም፤›› በማለት ያስረዳሉ፡፡

ገበሬው ከኢሕአዴግ በሚያገኛቸው አንዳንድ ጥቅማ ጥቅሞች ምክንያት ተቃውሞውን ባያሰማም፣ የሠራተኛ ማኅበሩና ሌሎች የብዙኅን ማኅበራት ነፃነቱ ቢሰጣቸው ተቃውሞ የማሰማት ዕድላቸው ሰፊ መሆኑንም ይጠቁማሉ፡፡ በአቶ መለስ መሪነት የተቀረፁት የኢኮኖሚ ሕጎችና ፖሊሲዎች በወረቀት ደረጃ ለዕርዳታ ሰጪ ተቋማትና አገሮች አማላይ መሆናቸውን፣ እንዲሁም ሰነዶቹ ያቋቋሙዋቸው ተቋማት በወረቀት ላይ ነፃና ዲሞክራሲያዊነታቸው የተረጋገጠ በመሆኑ አንድ ዕርምጃ ቢሆንም፣ ጠንካራ ከሆኑ ጫና ይፈጥርብኛል ያላቸውን እንደ ፍርድ ቤቶች ያሉ ወሳኝ ተቋማትን መንግሥት ማዳከሙን ግን አቶ አብርሃም ይተቻሉ፡፡

በአዲስ አበባ በሚገኘው የተባበሩት መንግሥታት ድርጅት የልማት ፕሮግራም ቢሮ የኢኮኖሚ ባለሙያ የሆኑት ቻርልስ አቡግሬ ከአቶ አብርሃም የተለየ አቋም ነው ያለቸው፡፡ በዚህ ወር የ’ኒው አፍሪካን’ መጽሔት ላይ ‹‹Who was the real Meles Zenawi?›› በሚል ርዕስ በጻፉት ጽሑፍ፣ ‹‹አብዛኛው ሰው ከሚያምነው በተቃራኒ መለስ ከልቡ በዲሞክራሲና በሰብዓዊ መብት መከበር ያምን ነበር፤›› ብለዋል፡፡ ቻርልስ አቡግሬ አቶ መለስ ዲሞክራሲና ልማታዊ መንግሥት አብረው ይሄዳሉ ብለው ያምኑ እንደነበርም መስክረዋል፡፡ ‹‹ዲሞክራሲም ሆነ ልማት በራሳቸው ብቻቸውን መሄድ እንደማይችሉ ያላቸውን እምነት እጋራለሁ፡፡ ሁለቱም እርስ በርስ የሚደጋገፉ ናቸው፡፡ የልማት ሒደቱ ዲሞክራሲያዊነት የሚረጋገጠው የብዙኅኑን ተሳትፎ ሲያረጋግጥ፣ ተለዋዋጭና ፍትሐዊ ሲሆን ነው፡፡ ዲሞክራሲያዊ ሒደቱ ልማታዊ የሚሆነው ደግሞ የተገለሉ አካላት የኢኮኖሚና የማኅበራዊ አገልግሎቶች ተጠቃሚ በመሆን በንቃት ፖለቲካውን ቅርፅ የማስያዝ ሚና ሲጫወቱ ነው፡፡ መለስ ይህን ‘ዲሞክራሲያዊ ልማት’ ይሉት ነበር፤›› ብለዋል፡፡

ጸሐፊው ሌላው የሚያነሱት ነጥብ አቶ መለስ በፓርቲያቸው በኢሕአዴግ ልማታዊ መንግሥት ርዕዮተ ዓለምን ወደ ኅብረተሰቡ በትምህርት፣ በፖሊሲና በአደረጃጀት ለማድረስ ባለው ቁርጠኝነት ይተማመኑ እንደነበርም ገልጸዋል፡፡ ከአቶ መለስ ጋር በሥራ አጋጣሚ ቅርርብ የነበራቸው ቻርልስ አቶ መለስ እሴት የማይጨምሩ የኪራይ ሰብሳቢነት እንቅስቃሴዎችን ለማስወገድ ጠንክረው ይሠሩ እንደነበር መስክረዋል፡፡ አቶ መለስ ፓርቲያቸው ራሱን ለማጠናከር የመንግሥትን ሀብት ይጠቀማል በሚል የሚቀርብባቸውን ክስ ከማስተባበል ይልቅ አስፈላጊ መሆኑን ብቻ ይከራከሩ እንደነበር ቻርልስ ያስገነዝባሉ፡፡

የአቶ መለስ የዲሞክራሲያዊ ልማት ጽንሰ ሐሳብ በአፍሪካ ባሉ አገሮች ሊተገበር እንደሚገባ የሚመክሩት ቻርልስ አመፅን ለመቆጣጠር ቢሆንም እንኳን ሰዎች ላይ መተኮስ፣ በርካታ ጋዜጠኞችን ማሰርና የመሳሰሉ ፖለቲካዊ ዕርምጃዎች ግን ከአቶ መለስ ጋር እንደሚያለያዩዋቸው ይጠቁማሉ፡፡

የፖለቲካ ተንታኙ ዶ/ር መድኅኔ ታደሰ ‹‹Meles Zenawi and the Ethiopian State›› በተሰኘ የቅርብ ጊዜ ጽሑፋቸው፣ አቶ መለስ ኢትዮጵያን ልማታዊ መንግሥት ለማድረግ በርካታ ሌሎች ጉዳዮችን መጨፍለቃቸውን ያስረዳሉ፡፡ አቶ መለስ በመንግሥት ቁጥጥር ሥር የዋለ ኢንቨስትመንት፣ ፖለቲካዊ ቁጥጥር፣ ገበሬውን የኢኮኖሚ ተጠቃሚ ማድረግ፣ የመሠረተ ልማት ግንባታ፣ የሀብት ቁጥጥር ላይ ትኩረት ያደርጉ እንደነበር የሚገልጹት ዶ/ር መድኅኔ፣ ለኢኮኖሚው ሽግግር ሰላምና መረጋጋት፣ ብሔር ተኮር አደረጃጀት፣ ማኅበራዊ ዝውውር፣ ጠንካራ መንግሥት፣ ዓለም አቀፍ የገንዘብ ዝውውርን እንደ ቅድመ ሁኔታ ይወስዱ እንደነበርም ይገልጻሉ፡፡ አቶ መለስ ሁሉንም ቅድመ ሁኔታዎች መፍጠራቸውን ዶ/ር መድኅኔ ያስገነዝባሉ፡፡

አቶ መለስ የልማታዊ መንግሥት መሠረት እንዲይዝ ለማድረግ ሲሉ የዲሞክራሲ ሒደቱን ማዘግየታቸውን አልያም ጨርሰው መርሳታቸውን ዶ/ር መድኅኔ ይገልጻሉ፡፡ ሰብዓዊ መብት፣ ነፃ ፕሬስ፣ ጠንካራ ፓርላማ፣ በጨቅላ ዕድሜ ላይ የሚገኘውን የኢትዮጵያ ልማታዊ መንግሥት አጀንዳ ያጨናግፋል የሚል እምነት አቶ መለስ እንደነበራቸው ይተነትናሉ፡፡

አቶ እንዳልካቸው ገረመው የሕገ መንግሥት ኤክስፐርት ሲሆኑ፣ በጎንደር ዩኒቨርሲቲ የሕገ መንግሥት መምህር ናቸው፡፡ አቶ እንዳልካቸው ከ1997 ዓ.ም. በኋላ ኢሕአዴግ በቁጥጥር፣ በተሳትፎ፣ በሕግ ማውጣት ሒደቱና በተቋማት ግንባታ ዙርያ ልማታዊ መንግሥትን ለማረጋገጥ ሕግን እንደ መሣርያ መጠቀሙን ያስረዳሉ፡፡ ‹‹ይህ የማሻሻያ ፕሮጀክት አሁን ተጠናቋል፡፡ የመንግሥት ጣልቃ ገብነትና የቁጥጥር አድማስ በሕጋዊ መልኩ አሁን በጣም ጨምሯል፡፡ አሁን ያለው ሒደት ጥቂቶችን ብቻ ተጠቃሚ የሚያደርግና የሲቪልና የፖለቲካ መብቶችን ዝቅተኛ ቦታ እንዲኖራቸው የሚያደርግ ነው፤›› በማለት ያስረዳሉ፡፡

የኢፌዲሪ ሕገ መንግሥት ለልማታዊ መንግሥት ርዕዮተ ዓለም የተመቸ አለመሆኑን አቶ እንዳልክ ይገልጻሉ፡፡ ‹‹የሕገ መንግሥቱ አንቀጾች 51 እና 55 በምዕራፍ 2 ላይ ካሉት መሠረታዊ መርሆዎችና እሴቶች እንዲሁም በምዕራፍ 3 ላይ ካሉት መሠረታዊ መብቶች፣ ነፃነቶችና ከፖሊሲ መርሆዎች አንፃር አብሮ የሚሄድ አይደለም፡፡ ልማታዊ መንግሥት መተግበር ካለበት የተወሰኑት የሕገ መንግሥቱ አንቀጾች ለጊዜው መታገድ አለባቸው፤›› ይላሉ፡፡

ፋንቱ ፋሪስ የዓለም አቀፍ ንግድና ዓለም አቀፍ የልማት ፖሊሲ ኤክስፐርት ስትሆን በጅማ ዩኒቨርሲቲ መምህርት ነች፡፡ ልማታዊ መንግሥትን ለመመሥረት ከሚያስፈልጉ ቅድመ ሁኔታዎች መሟላትና መጓደል አንፃር አንድ ልማታዊ መንግሥት ዲሞክራሲያዊ ነው አይደለም የሚለው ነጥብ በጣም አከራካሪ መሆኑን ትጠቁማለች፡፡ ፋንቱ በተለይ ፍትሐዊ የሀብት ክፍፍልና በሕግ የበላይነት ላይ የአብዛኛው ዜጋ ስምምነት፣ ከተፅዕኖ ነፃ የሆነ መንግሥት ምሥረታ፣ የልሂቃኑና የመንግሥት ግንኙነት፣ የሲቪል ማኅበረሰቡና የሚዲያው ሚና፣ እንዲሁም በመንግሥት ሠራተኞች ነፃነት ላይ የሚነሱ ጥያቄዎች በአንድ ልማታዊ መንግሥት ዲሞክራሲያዊነት ላይ ከፍተኛ ተፅዕኖ እንደሚፈጥሩ ፋንቱ ትገልጻለች፡፡

የልሂቃኑ ውክልና ለመንግሥት ነው ወይስ ለሕዝቡ? የመንግሥት ሠራተኛ የሚሰጠው የኢኮኖሚና የማኅበራዊ አገልግሎት ተቀባይነት የሚያገኘው በሕዝባዊ ምርጫ ነው ወይስ ለመንግሥት በሚሰጠው ውጤት? መሠረታዊ ሕጎች የአብዛኛው ሕዝብ ስምምነት ይንፀባረቅባቸዋል ወይ? ሚዲያውና የሲቪል ማኅበረሰቡ ተጠሪነት ለሕዝቡ ወይስ ለልማታዊ መንግሥቱ? ለሚሉት ጥያቄዎች የሚሰጥ መልስ የአንድን አገር ዲሞክራሲያዊነት የመወሰን ኃይል እንዳላቸው ፋንቱ ታስረዳለች፡፡

አቶ እያሱ መኮንን የኢዴፓ የማዕከላዊ ኮሚቴ አባል ናቸው፡፡ አቶ እያሱ በልማት አስፈላጊነትና ልማት ከዲሞክራሲ ጋር ባለው ትስስር እምነት እንዳላቸው ቢገልጹም፣ ኢሕአዴግ ዲሞክራሲያዊ ልማታዊ መንግሥት ስለመመሥረቱ ግን አይስማሙም፡፡ ‹‹መንግሥት አድራጊ ፈጣሪ ሆኗል፡፡ የፈለገውን ሴክተር ያስፋፋል፤ ያልፈለገውን ይተዋል፡፡ የሚፈልገውን ብቻ ነው እየደገፈ ያለው፡፡ አስተሳሰቡ ከዲሞክራሲ አንፃር እንቅፋት ነው፤›› ነው በማለት ያስረዳሉ፡፡

ዲሞክራሲያዊ ልማት ለኃይለ ማርያም

አቶ መለስ የዲሞክራሲያዊ ልማታዊ መንግሥት አፍላቂና ተከላካይ ነበሩ፡፡ በሒደቱ ጥልቅ የሆነውን የኢኮኖሚ አስተሳሰባቸውን ተጠቅመዋል፡፡ አሁን ኢትዮጵያን የሚመሩት አቶ ኃይለ ማርያም ፈጣን ተማሪነታቸው ጥያቄ ውስጥ ገብቶ አያውቅም፡፡ በሰነድ ከወረሱት የዲሞክራሲያዊ ልማታዊ መንግሥት የመለስ ትንታኔዎች ባሻገር በቅርበት አብረው በመሥራት ያከማቹት ልምድ ጠቃሚ ነው፡፡ በተጨማሪም የአቶ መለስ የኢኮኖሚ አማካሪዎች አስፈላጊነት አሁን መጨመሩም አያጠራጥርም፡፡

ነገር ግን ከላይ ከተገለጹት መጠነ ሰፊ ጥያቄዎችና መከራከርያ ነጥቦች አኳያ ይህ ርዕዮተ ዓለም ፈተናዎች ያጋጥሙታል፡፡ በተለይ ዲሞክራሲን ያረጋገጠ ልማት ለመቀጠል ከአፋዊና ሰነዳዊ መከራከሪያዎች ይልቅ ተግባራዊ ምላሽ ይፈለጋል፡፡

አቶ አብርሃም ከበደ የኢትዮጵያ ልማታዊ መንግሥት ዲሞክራሲያዊነት ጥያቄ የፖሊሲ ወይም የሕግ ሳይሆን የተግባራዊነት በመሆኑ አቶ ኃይለ ማርያም ተግባራዊ እንዲያደርጉት ጫና እንደሚበረታባቸው ይገልጻሉ፡፡ ቻርልስ አቡግሬ አቶ ኃይለ ማርያም የዲሞክራሲያዊ ልማታዊ መንግሥትን ርዕየተ ዓለም መተግባር አለመተግባራቸው በጊዜ ሒደት እንደሚታወቅ ይገልጻሉ፡፡ ዶ/ር መድኅኔ ታደሰ አቶ መለስ የልማታዊ መንግሥትን መሠረት ቢጥሉም በእሳቸው ጊዜ ቦታ ያልነበረው ዲሞክራሲ በአቶ ኃይለ ማርያም በአስቸኳይ ቦታው እንዲቀየር ይጠይቃሉ፡፡ አቶ እንዳልካቸው ገረመው ያለ መለስ ልማታዊ መንግሥትን መግፋት አስቸጋሪ መሆኑን ያስረዳሉ፡፡ በተለይ አፈጻጸሙ ላይ እንዲሁም የሐሳቡን አፍላቂ ሐሳብ ለመጠበቅ የሚደረገው ጥረት አለመግባባት እንደሚፈጥር ያላቸውን ግምት ይሰጣሉ፡፡ አቶ ኃይለ ማርያም የሐሳቡን አመንጪ የአቶ መለስን ሐሳብ ለመረዳት የተሻለ ዕድል ቢኖራቸውም፣ ከንባብና ከመለስ ጋር ካደረጉት ውይይት በዘለለ የሚመጡ የመርህና የአፈጻጸም ልዩነቶችን ለማስታረቅ መቸገራቸው እንደማይቀር የሚገልጹት አቶ እያሱ መኮንን ደግሞ ዲሞክራሲን ባረጋገጠ ሁኔታ ለውጥ ያደርጋሉ ብለው እንደማይጠብቁ ግን ይገልጻሉ፡፡    
http://www.ethiopianreporter.com/politics/295-politics/8247-2012-10-27-08-49-55.html


By Bridget Boynton

This past week, I took a  four-day trip to the southern city of Hawassa. Going by bus, the journey took about 5 and a half hours each way. Before leaving, I can't say I knew much about the city or its environs. To be more precise, I had heard from friends that it offers beautiful countryside scenery, there is a lake, and lots of animals. Sounds nice, but not very telling of the deeper culture that defines the city.

I also knew from doing some rudimentary research that the city is part of the homeland of the Sidama people, an indigenous culture of the region. But that pretty much summarizes my knowledge of Hawassa prior to embarking on my journey. Scarce at best; I was in for many surprises.

When I reflect at the image I formulated in my head of Hawassa before arriving in the city, I see a picturesque postcard image of a vast lake, sprawling hills, and an abundance of flora and fauna. I also envisioned circular huts, dusty roads, and marketplaces showcasing local culture and crowded with villagers dressed in traditional clothing styles. Looking back at this image, I see a plethora of foreign perceptions of the African countryside. It pretty much confers to the images many foreigners hold of Africa: rural villages, wildlife everywhere, and ancient cultures living in isolation from the rest of the world. This is the image we see portrayed frequently in the media and the inheritance of millenia long misunderstandings and misrepresentations of Africa. It also comes from our ignorance of the multitude of cultures, landscapes, and lifestyles that bring life to the continent and contribute greatly to its status as one of the most diverse continents on earth. Though Africa has  plenty of rural villages, unique wildlife, and centuries-old cultures—all of which are part of the beauty and charm of the continent—there is a growing and ever-changing urban world that is contending for a place in media representations and broader perspectives of Africa.

Hawassa is a perfect example of the amalgam of urbania and rural space that is increasingly defining African cities. Upon entering the city at night, I was quickly confronted with the fallacies and limitations of my preconceptions. Nowhere did I see endless expanses of nature and huts construed of raw materials, though I had seen a few such images scattered along the journey to the city center of Hawassa. I was also surprised to find that the lake, from which the city takes its name, is not visible from every corner of the city and that the actual downtown area resembles the capital city of Addis Ababa more closely than a scene from The Lion King.

My second day and the following days I spent in Hawassa, I was able to enjoy the sight of Lake Hawassa and the natural beauty surrounding the city. Though these areas of pristine nature compete with the expanding business district and urban sprawl of the city they still remain. A visit to the lake reveals its ongoing importance to the people who live in Hawassa. The fishing industry is a livelihood for many and seafood from the lake features heavily in the local cuisine of the Sidama people. The lake is also the habitat of an array of bird species which dot the local landscape with their variety of size and color. Situated about 1700 meters above sea level, like the capital city, it is ensconced by rolling hills and valleys. With the rainy season over, the terrain is a fertile green color speckled here and there with bright yellow Meskel flowers. 

This is the untampered vision of Hawassa, and more broadly Africa. While it is certainly accurate of many areas, it represents only one side of the city and continent at large. According to a 2007 Census conducted by the Central Statistical Agency of Ethiopia, 61 percent of Hawassa's roughly 258,808 inhabitants are urban dwellers while around 0.24 percent remain pastoralists. The other 38 percent presumably work and live in a world where clear-cut definitions between rural and urban are harder to shape. These statistics are symbolic of many African communities whose lifestyles and living spaces are rapidly changing as the influx of foreign influence and the legacy of long-standing traditions seek to find harmony with each other.

In the midst of all this change, there is a growing interest in Africa, and Ethiopia in particular, as a travel destination. And yet,  a look at any number of travel brouchers and websites catering to  travellers in Ethiopia exposes the tendencies to market the country's historical circuits and natural landmarks while bypassing its lesser known cities and countryscapes. I suppose this is to be expected with any travel guide, but it seems to be prevalent in travel literature on Ethiopia to an alarming degree. Beyond the well-known historical circuits, too little seems to be written about Ethiopia's less-travelled paths. Though this is gradually changing as more people visit and are exposed to the country through media each year, there is still much to be explored of Ethiopia's cities in transition. Hawassa, and other cities like it, offer an interesting glimpse of human populations and environments striving to find a balance between the new and old. While they may not bestow a country's most heralded historic treasures, they certainly leave visitors with an image of Africa that is more complete, more complex, and more colorful.

In reading some of the most popular travel literature on Ethiopia I came across a quote from the well-respected Lonely Planet series, which is featured on their website, and which pleas for a more open-minded approach to experiencing Ethiopia's potential as a travel destination. The Lonely Planet guide exclaims to travellers to and throughout the country that “You don't explore Ethiopia for a relaxing getaway, you venture here to be moved. And moved you shall be.” As I sat on the bus ride back to Addis Ababa from Hawassa, staring out at vistas of countryside and city, I realized the truth in this statement. Hawassa has taught me the value in not allowing perconceptions and expectations to impose upon the opportunities of discovering something new. It is these moments of insight and new understanding that stick out in my mind as more memorable of my trip than any postcard-worthy image could capture of Hawassa.

http://www.thereporterethiopia.com/Society/hawassa-an-african-city.html


ስቴዲየሙ ለጨዋታ ተፈልጓል
በዛሬው ዕለት በሐዋሳ ከተማ ሊደረግ ታቅዶ የነበረው የአርቲስት ቴዎድሮስ ካሳሁን (ቴዲ አፍሮ) የሙዚቃ ኮንሰርት ስቴዲየሙ ለኳስ ጨዋታ በመፈለጉ ተሰርዞ ለሚቀጥለው ቅዳሜ ተላለፈ፡፡ የቤለማ ኢንተርቴይመንት የፕሮሞሽን እና ኢቬንት ሐላፊ አቶ ምኞት ኃይሉ (ዲጄ ዊሽ) ለአዲስ አድማስ እንደገለፀው፤ ቤለማ ኢንተርቴይመንት በዛሬው ዕለት በሐዋሳ ከተማ ትልቅ የሙዚቃ ዝግጅት ለማቅረብ አስቦ ዝግጅቱን ካጠናቀቀ በኋላ ኮንሰርቱ ሊደረግበት የታቀደው ስታዲየም ለኳስ ጨዋታ ይፈለጋል በመባሉ ዝግጅቱ ለጥቅምት 24 ቀን 2005 ዓ.ም ሊተላለፍ ችሏል፡፡
ዝግጅቱ በዕለቱ ሊደረግ ከታቀደ በኋላ ለፕሪሚየር ሊግ ዕጣ ሲወጣ የሐዋሳ ከነማ እና የመድሕን ጨዋታ ጥቅምት 17 ቀን 2004 ዓ.ም በሐዋሳ ስታዲየም ስለወጣላቸው ኮንሰርቱ ሊተላለፍ እንደቻለ ታውቋል፡፡
የዝግጅቱ ቀን በመተላለፉ ለማስታወቂያ ከወጣው 42 ሺህ ብር ውጭ ምንም ዓይነት ኪሣራ አለመድረሱን የገለፀው ዲጄ ዊሽ፤ በቀኑ መተላለፍ ምክንያት ተፈጥሮ የነበረው ትልቅ ስጋት የአርቲስት ቴዲ አፍሮን ፕሮግራም አለማወቃቸው መሆኑን ጠቁሞ፤ ሆኖም አርቲስቱ እና ዛየን ባንድ ትልቅ ትብብር እንዳደረጉላቸው ገልጿል፡፡

በመጪው ሚያዚያ ወር በሚደረገው የአካባቢ ምርጫ አፈፃፀም የጊዜ ሰሌዳ ላይ ምርጫ ቦርድ ከ75 ፓርቲዎች ጋ ከትላንት በስቲያ የመከረ ሲሆን ተቃዋሚ ፓርቲዎች ከጊዜ ሰሌዳው በፊት መቅደም ያሉባቸው ጉዳዮች እንዳሉ ገለፁ፡፡የምርጫ አጃቢና አሯሯጭ መሆን ስለማንፈልግ የምርጫው ሜዳ መስተካከል አለበት ብለዋል - ተቃዋሚ ፓርቲዎች፡፡ሃያ አንድ ነጥቦችን ባካተተው የምርጫ አፈፃፀም የጊዜ ሰሌዳ ላይ አስተያየታቸውን የሰጡት የአንድነት ፓርቲ ሃላፊ አቶ አስራት ጣሴ፤ የፖለቲካ ምህዳሩ በተጣበበበትና የፕሬስ ነፃነት በሌለበት ሁኔታ ነፃ፣ ግልጽና ፍትሃዊ ምርጫ ማድረግ የማይታሰብ ነው ብለዋል፡፡ ወደ ጊዜ ሰሌዳ ውይይት ከመገባቱ በፊት የፖለቲካ ምህዳሩ መስፋት እንዳለበትም ገልፀዋል፡፡
ከህዳር 17 ጀምሮ የወረዳ የምርጫ ጽ/ቤቶች ተከፍተው ስራ እንደሚጀምሩና ሚያዚያ 17 ቀን 2005 ዓ.ም ምርጫው እንደሚደረግ የጠቀሱት አቶ አስራት፤ ከጊዜ ሰሌዳ በፊት መቅደም ያሉባቸው ጉዳዮች እንዳሉ ጠቁመው፤ አጃቢ እና አሯሯጭ ሳይሆን ነፃ፣ ፍትሃዊና ተዓማኒ ምርጫ ላይ መሳተፍ እንፈልጋለን ብለዋል፡፡ የፖለቲካ ምህዳሩ ከሰፋና ሌሎች ችግሮች ከተፈቱ አንድነትና መድረክ በአካባቢ ምርጫ እንደሚሳተፉ ገልፀዋል፡፡
የኢዴፓ የድርጅት ጉዳይ ሃላፊ አቶ ወንድወሰን ተሾመ በበኩላቸው፤ ከጊዜ ሰሌዳው በፊት የምርጫው ሜዳ መስተካከል አለበት ብለዋል - “የመራጮች ምዝገባ እና የፓርቲዎቹ የምርጫ ክርክር ጊዜ የተጣጣመ አይደለም” በማለት፡፡ ገዢው ፓርቲና ምርጫ ቦርድ ያሉትን ችግሮች አጽድቶ የተመቻቸ የምርጫ ሜዳ እንዲፈጠር ጠይቀዋል - አቶ ወንድወሰን፡፡
http://www.addisadmassnews.com/index.php?option=com_k2&view=item&id=3019:%E1%89%B0%E1%89%83%E1%8B%8B%E1%88%9A%E1%8B%8E%E1%89%BD-%E1%8B%A8%E1%88%9D%E1%88%AD%E1%8C%AB%E1%8B%8D-%E1%88%9C%E1%8B%B3-%E1%88%98%E1%88%B5%E1%89%B0%E1%8A%AB%E1%8A%A8%E1%88%8D-%E1%8A%A0%E1%88%88%E1%89%A0%E1%89%B5-%E1%8A%A0%E1%88%89&Itemid=20

አዲስ አበባ ጥቅምት 17/2005 ኢትዮጵያ ከእናት ወደ ልጅ የሚተላለፈውን የኤች.አይ.ቪ/ኤድስ ቫይረስ ስርጭት በመግታት ረገድ ብዙ መሥራት እንደሚጠበቅባት የአዲስ አበባ ከተማ አስተዳደር ጤና ቢሮ አስታወቀ፡፡ 
ቢሮውና ኢንትራ ሄልዝ ኢንተርናሽናል ኢትዮጵያ ከእናት ለእናት አመቻች ቡድን ጋር በመስራት ኤች.አይ.ቪ/ኤድስ ከእናት ወደ ልጅ /ጽንስ/ እንዳይተላለፍ በተሰጠው አገልግሎት ተጠቃሚ የሆኑ የ200 ሕጻናት እናቶች ዛሬ የምስክር ወረቀት ተቀብለዋል፡፡ 
የቢሮ ኃላፊዋ ወይዘሮ ፋንቱ ጸጋዬ በዚሁ ጊዜ እንደተናገሩት ኢትዮጵያ የኤች.አይ.ቪ/ኤድስ ስርጭትን በመከላከል ውጤታማ እየሆኑ ከመጡ ጥቂት አገሮች አንዷ ብትሆንም፤ ከእናት ወደ ልጅ የሚተላለፈውን ስርጭት ለመከላከል የተጠናከረ እንቅስቃሴ ማድረግ ያስፈልጋል። በአሁኑ ወቅት ቫይረሱ ከእናት ወደ ልጅ እንዳይተላለፍ በመግታት ረገድ ያለውን ክፍተት ለመድፈን በዓለም አቀፍ ደረጃ በሕጻናት ላይ የሚኖረውን የቫይረሱን አዲስ ስርጭት ሙሉ ለሙሉ ለማስቀረት የተያዘውን እቅድ በመቀበል ከፍተኛ ጥረት በማድረግ ላይ እንደምትገኝ ጠቁመዋል፡፡ 
የእቅዱ መተግበሪያ ዋነኛው መንገድም እናቶች በእርግዝና ወቅት ምርመራ እንዲያደርጉና ከቫይረሱ ጋር የሚኖሩ ከሆነም አስፈላጊውን ሕክምናና የምክር አገልግሎት አግኝተው መከላከያ በመውሰድ ከቫይረሱ ነፃ የሆነ ሕጻን እንዲወልዱ ማድረግ መሆኑን አስረድተዋል፡፡ ለዚህም የጤና ተቋማትን ማስፋፋትና በሁሉም ተቋማት አገልግሎቱ እንዲሰጥ ማድረግ ወሳኝነት እንዳለው ኃላፊው ተናግረዋል፡፡ በዚሁ መሠረት ከተማዋ የነበሯትን የጤና ጣቢያዎች ቁጥር በማሳደግና አገልግሎቱን በማጠናከር ሰፊ ሥራ መከናወኑንና በግል ጤና ተቋማት ጭምር አገልግሎቱ መስፋፋቱን አመልክተዋል፡፡ የጤና ተቋማቱን ቁጥር ወደ 111 መድረሱንም ወይዘሮ ፋንቱ አብራርተዋል፡፡ 
የኢንትራ ሄልዝ ኢንተርናሽናል የኢትዮጵያ ዳይሬክተር ወይዘሮ ምስራቅ መኮንን እንደገለጹት ፕሮጀክቱ እ.አ.አ ከ2009 ጀምሮ በአዲስ አበባ፣ በኦሮሚያ፣ በአማራ፣ በትግራይና በደቡብ ክልሎች እየተንቀሳቀሰ ነው፡፡ 
በአገር አቀፍ ደረጃም በ519 ጤና ጣቢያዎች ላይ ቫይረሱ ከእናት ወደ ልጅ እንዳይተላለፍ በመከላከል፣ በእናቶች ድጋፍ ፕሮግራምና በማህበረሰብ ቅስቀሳ ዙሪያ እየሰራ መሆኑን ገልጸዋል፡፡ በአዲስ አበባም በቦሌ፣ በአቃቂ ቃሊቲ፣ በንፋስ ስልክ ላፍቶ፣ በኮልፌ ቀራኒዮ፣ በጉለሌ፣ በቂርቆስና በየካ ክፍለ ከተሞች በ22 ጤና ጣቢያዎች ውስጥ ቫይረሱ ከእናት ወደ ልጅ እንዳይተላለፍ የመከላከል አገልግሎት በመስጠት ላይ እንደሚገኝ አስታውቀዋል፡፡ 
እንዲሁም በ47 ወረዳዎችና በ13 ጤና ጣቢያዎች የእናቶች ድጋፍ ቡድን፣ በ13 ወረዳዎች ደግሞ የፍላጎት ፈጠራና የማህበረሰብ ቅስቀሳ ስራ እያካሄደ መሆኑን ተናግረዋል፡፡ በዕለቱ የምስክር ወረቀት የተቀበሉትና ከቫይረሱ ጋር የሚኖሩት 200 እናቶችም ቫይረሱ ከእናት ወደ ልጅ /ጽንስ/ እንዳይተላለፍ በተሰጠው አገልግሎት ተጠቅመው ከቫይረሱ ነጻ የሆኑ ሕጻናትን የወለዱና ለአንድ ዓመት ተኩል የተሰጣቸውን ትምህርት ተከታትለዋል፡፡ 
ፕሮግራሙ እናቶቹ ከቫይረሱ ጋር የአኗኗር ልምዳቸውን በማሳደግ ለልጆቻቸውና ለቤተሰቦቻቸው በቂ እንክብካቤ የሚያደርጉበት አቅም እንዲኖራቸው እንዳስቻላቸው መግለጻቸውን የኢትዮጵያ ዜና አገልግሎት ዘግቧል፡፡
http://www.ena.gov.et/Story.aspx?ID=3003&K=1


ኢሕአዴግ በሕዝብ ተከብሮና ተደግፎ ጠንካራ መሠረት ይዞ ለመቀጠል ከፈለገ ይችላል፡፡ የሚችለው ግን ራሱን ሲያጠናክር ነው፡፡

ራሱን ማጠናከር የሚችለው ደግሞ ውስጡን ሲያፀዳ ነው፡፡ ውስጡን ማፅዳት የሚችለው ደግሞ ቆራጥና ደፋር የውስጥ ትግል ሲያካሂድ ነው፡፡

ደፋርና ቆራጥ የውስጥ ትግል ካካሄደ ፀድቶና ተጠናክሮ ይወጣል፣ ይቀጥላል፣ ይጓዛል፡፡ የለም አላደርግም፣ አልታገልም፣ አልቆርጥም፣ አልደፍርም ካለ ደግሞ ውስጥ ለውስጥ እየተሰነጣጠቀ፣ እየበሰበሰና እየተደረመሰ ይሄዳል፡፡ ይደክማል ከሕዝብ ይርቃል፡፡ የነበረው እንዳልነበረ ይሆናል፡፡

ኢሕአዴግ ቆራጥና ደፋር የውስጥ ትግል የሚያስፈልገው ለምንድን ነው?
1.    ከላይ እስከታች በሙስና የተጨማለቁ በዝተዋል!
አዎን ንፁኃን የሕዝብ አገልጋይ፣ ለልማትና ለለውጥ የቆሙና የሚታገሉ አባላትም አመራርም በኢሕአዴግ ውስጥ አሉ፡፡ በዚያው አንፃር ደግሞ ከሕዝባዊ መስመር እየራቁና እየሸሹ ለግል ገንዘብ፣ ንብረት፣ ክብርና ኔትዎርክ የሚሯሯጡ፣ በጉቦ የተጨማለቁና በሙስና የተነከሩ አሉ፡፡ እነዚህ በውስጥ ትግል፣ በደፋርና በቆራጥ ትግል ካልተገለሉና ድርጅቱ ካልፀዳ ድርጅቱን እያበሰበሱ የሚገድሉት ናቸው፡፡

2.    አቅም አልባ… ምላስ  ብዙ በዙ!
በብቃት መመደብ እየቀረ ደጋፊ እስከሆነ ችግር የለም እየተባለ የተሾመው ሁሉ የድርጅቱን ዓላማ ማራመድ አልቻለም፡፡ ሕዝቡንም ማገልገል አልቻለም፡፡ ባለአቅም እየጠፋ ባለምላስ በዛ፡፡ ተንዛዛ በጣም በዙ፡፡ ሕዝብ ይህንን እያየና እያስተዋለ ምንድን ነው ነገሩ? እያለ ነው፡፡ አይወስኑም፣ ቢሮ አይገቡም፣ አያሳምኑም፡፡ አንዳንዶቹም ይህን እያወቁ ሀቅን ከመጋፈጥ ይልቅ ሽሽትና ድብብቆሽ እየመረጡ ናቸው፡፡ ሕዝብ በድርጅቱ ላይ አመኔታ እንዲያጣ እያደረጉ ናቸው፡፡

3.    ጠንካራ አንድነት በአባል ድርጅቶችና በአጠቃላይ በኢሕአዴግ ውስጥ በጠነከረ ሁኔታ አይታይም፡፡ 

ከተቃዋሚዎች ይልቅ የበለጠ አንድነት በኢሕአዴግ ውስጥ ይታያል፤ አለ፡፡ ይህ አንድነት ባይኖር ኖሮ በቅርቡ የታየው ተረጋግቶ የመሸጋገር ሁኔታ አይታይም ነበር፡፡

ሆኖም ግን ራሳችንን አናታልል፤ ያለው የዓለም ሁኔታ ከሚጠይቀው አንድነትና መጠናከር ከሚጠይቀው መመዘኛ አንፃር ሲታይ ያለው አንድነት ጠንካራ አይደለም፡፡ ተደፋፍሮ መገማገም፣ ቆራጥና ደፋር ትግል አካሂዶ አንድነትን እውን የማድረግ ሁኔታ በአጠቃላይ በኢሕአዴግ፣ በተናጠልም በእያንዳንዱ ድርጅት እየታየ አይደለም፡፡

ጠንካራ አንድነት በሕወሓት ውስጥ አይታይም፣ ጠንካራ አንድነት በብአዴን ውስጥ አይታይም፣ ጠንካራ አንድነት በኦሕዴድ ውስጥ አይታይም፡፡ ጠንካራ አንድነት በደኢሕዴን ውስጥም አይታይም፡፡ እርስ በርስም ጠንካራ አንድነት እየታየ አይደለም፡፡ ጠንካራ አንድነት ግን የግድና የግድ ይላል፡፡

4.    ዕቅዶች በተፈለገው ብቃትና ፍጥነት ተግባር ላይ እየዋሉ አይደለም፡፡ 
የዕድገትና የትራንስፎርሜሽን ዕቅድ ተዘጋጅቶ ፀድቆ ሥራ ላይ እየዋለ ነው፡፡ ነገር ግን ፍጥነቱና ይዘቱ በተፈለገው ደረጃ አይደለም፡፡ በአንዳንድ ሥፍራ ልማት እየቆመ ነው፡፡ የፍትሕ ሥርዓት እየተደረመሰ ነው፡፡ መንግሥት በቂ ገንዘብ ማሰባሰብ እያቃተው ነው፡፡ በብዙ ቦታዎች ንብረትና ገንዘብ እየባከነ ነው፡፡ የመንግሥትም የሕዝብም ጉጉትና ምኞት በተፈለገው ፍጥነት እውን እየሆነ አይደለም፡፡ የፌደራልና የክልል መንግሥታት ቆራጥና ጠንካራ ርብርብ እያሳዩ አይደለም፡፡ ይህን ለማየትም ጠንካራ፣ ቆራጥና ደፋር የውስጥ ትግል ያስፈልጋል፡፡

5.    የኢሕአዴግ የሕዝብ ግንኙነት እየላላ ነው፡፡
ሕዝብ መንግሥትን ለመደገፍ ጨዋነቱንና ኢትዮጵያዊነቱን ለማሳየትና ለማረጋገጥ በእጅጉ ዝግጁ ነው፡፡ በሐዘን ጊዜም በጋራ እንደ አንድ ሰው አልቅሷል፤ አዝኗል፡፡ ጨዋነቱንና ኢትዮጵያዊነቱን በግልጽ ለዓለም አሳይቷል፡፡ በእግር ኳስ ደስታም ማንነቱን በየጎዳናው አሳይቷል፡፡ ያኮራል፣ እውነትም ወርቅ ሕዝብ፡፡

ግን… ነገር ግን እንደ ኢትዮጵያዊያን ተንቀሳቀሱና ማንነታቸውን አሳዩ ማለት ከመሪው ፓርቲ ጋር ያላቸውን ግንኙነት በአዎንታ አንፀባረቁ ማለት አይደለም፡፡

ፍትሕ ሲጠፋ አቤት የምንልበት ጠፋ፡፡ ወደ ሕዝብ ቀርቦ፣ ወደ ሕዝብ ወርዶ የሚያነጋግረን ሹም ጠፋ እያሉ ነው፡፡ ይህ ማለት ሕዝቡ የሚፈልገውን ግንኙነትና ትስስር እያገኘ አይደለም፡፡

በኦሮሚያ ሕዝቡ የበለጠ መቀራረብ ከኦሕዴድ እየጠበቀ ነው፡፡ በአማራም የበለጠ መቀራረብን ከብአዴን እየጠበቀ ነው፡፡ በደቡብም እንደዚሁ የቅርብ ትስስሩን እየጠበቀ እያጣው ነው፡፡ በትግራይም እንደዚሁ የለመደው ጠንካራ ትስስር ሲላላ እያስተዋለ ነው፡፡ እነዚህ እንደማሳያ ይበቁናል እንጂ ብዙ መዘርዘር ይቻላል፡፡ 

ይህ ችግር የሥልጣን ሽግግር ከመጣ በኋላ የተከሰተ አይደለም፤ የነበረ ችግር ነው፡፡ የቆየ ችግር ነው፡፡ እያልን ያለነው አዲሱ ጠቅላይ ሚኒስትርና አዲሱ የኢሕአዴግ ሊቀመንበር አቶ ኃይለ ማርያም ደሳለኝ ጠንካራ ኢሕአዴግና ጠንካራ መንግሥት ይዘው የላቀ ድል እንዲያስመዘግቡና ኢትዮጵያን በላቀ የዕድገት ደረጃ እንዲመሩ፣ የገዢው ፓርቲ የኢሕአዴግ መጠናከር የግድ ይላልና ኢሕአዴግን ያፅዱ ያጠናክሩ፡፡

ከጥቂት ወራት በኋላ የኢሕአዴግ አባል ድርጅቶች፣ ኢሕአዴግም እንደ ኢሕአዴግ ጉባዔዎች ያካሂዳሉ፡፡ ከጉባዔው በፊት ኢሕአዴግ ከአሁኑ ጀምሮ ለደፋርና ለጠንካራ የውስጥ ትግል ይዘጋጅ፣ ያቅድ ተግባሩን ይጀምር፡፡

ገዢው ፓርቲም ተቃዋሚ ፓርቲዎች ሲጠናከሩ እንጂ ሲዳከሙ የሚጠቀም ሕዝብና አገር የለም፡፡ በተለይም እስከ ቀጣዩ ምርጫ ሥልጣን የያዘው ኢሕአዴግ ካልተጠናከረ ሊደርስ የሚችለው አደጋ ቀላል አይደለም፡፡ ያለው ሁኔታ ከባድ ነው፡፡ በውስጥም በውጭም፡፡

ስለዚህ ጠንካራ ኢትዮጵያን እያጣን እንዳንቀጥልና ከፍተኛ ዕድገት እያየን አስተማማኝ የዴሞክራሲ ጉዞ እውን እንድናደርግ፣ አንዱ ተፈላጊ ጉዳይ ጠንካራ የሕዝብ አገልጋይ መንግሥት በአስተማማኝ ደረጃ እውን ማድረግ ነው፡፡

ስለሆነም ጠንካራና አስተማማኝ ጉዞ እውን እንዲሆን ኢሕአዴግ ደፋርና ቆራጥ የውስጥ ትግል የግድ ይለዋል! በአስቸኳይ!   
http://www.ethiopianreporter.com/editorial/294-editorial/8221-2012-10-24-06-31-40.html