POWr Social Media Icons

Friday, October 26, 2012




By Kinkino Kiya, October 25, 2012
According to the most recent World Bank’s report that analysis the World poverty index; Ethiopia by all measures remains one of the poorest countries of the world. The most critical challenge facing the Sidama authorities and the Ethiopian policy makers at large -today and for the years ahead is the urgent task of reducing absolute poverty from the Sidama region as well as for the federal authorities addressing the issues at a national level.
The basic objective of economic resources management and the fundamental goal of government anywhere, at all times must be working towards improving the standard of living of their respective people’s over time in the given periods of time. [...] The numerous Ethiopians including the Sidama nation were so optimistic trusting that the current might declare war on the greatest enemy of our people, the abject poverty that has incarcerated the nation of the country with varying degrees. Regardless of the aforementioned confidence entrusted on it,[..]
Paradoxically, the Sidama region remained working contrary to this when it dismantled the Sidama nations’ development projects supported by the international NGO’s whose objective was alleviating poverty.

At present time, no body can deny the fact that our society is a miserably poor in comparison with others within Ethiopian context itself. I’m however, not arguing that others Ethiopian have technologically advanced and economically developed. Besides, the issues in Sidama are much far worst than anywhere else in the country. This could be proven in any economic criterion and standard that is being adopted to measure social development index using the relevant tools.
Modern infrastructure, manufacturing industry and service sector lag behind the national standard. Ours is the society where a great portion of Sidama people eke out of miserable existence in a subsistence economy without many improvements on their daily lives. There isn’t a hope and aspiration for the nation’s sons and daughters unless the corrective actions and measures are taken with the right directions to develop the Sidama instead of targeting individuals and the nation as a whole for asking these rights. Otherwise, the future remains gloomy for the Sidama nation.
The Sidamaland became the land that is suffocated by man-made abject poverty and concomitant hopelessness despite the abundance of their immense resource that nature provided them. A wise utilization of available resource to improve the living standard of people is not sought.
Addressing these problems requires courageous leadership and wisdom, foresight, a coherent multidimensional strategy and ability or willingness to effectively implement these strategies from the part of our regional and federal authorities. An important element is that the one without genuine political will and determination the development plans remain so illusive. If there is no good will and a political commitment at the highest level for concept of equitable distribution of resources and dynamic production and inclusive growth; the development agendas remain simply mantra.
The above would require strategic thinking and planning on how best to use the nation’s scarce resource; and an understanding of the international economic environments. Above all, it requires a lot of hard work and dedication from all able-bodied and working citizens and the genuine political leadership. In other words, the task requires a multidimensional approach and needs an effective utilization of all the resources, particularly the human resources available to Sidamas![...]
Kinkino Kiya, October 25, 2012

ማስታወሻ: ጽሁፉ በቢሎጉ ኢዲቶራል ፖሊስ መሰረት ማስተካከያ ተደርጎባታል።


ተስፋዬ ለማ

ከዛሬ አራት ቀን በፊት ማለትም ጥቅምት 2/2005 ዓ.ም በአዲስ ዘመን ጋዜጣ አጀንዳ አምድ በዚሁ ርዕስ ከታላላቅ የሀገራችን ልማት ሥራዎች የስኳር ልማት ፕሮጀክት እንቅስቃሴ ላይ ያተኮረ ጽሑፍ ማቅረባችን ይታወሳል። በጽሑፉ በአገራችን በመስፋፋትና በመገንባት ላይ ያሉ ነባርና አዳዲስ የስኳር ልማት ፕሮጀክቶች ኢትዮጵያ የምትመራ በትን የግብርና መር ኢኮኖሚ ወደ ኢንዱስትሪ መር ኢኮኖሚ ለማሸጋገር የሚያስችል መሠረት ለመጣል ከተያዙ ታላላቅ ሀገራዊ የኢንዱስትሪ ልማቶች በዋናነት የሚጠቀሱ መሆኑን ዳስሰናል። 
በአምስት ዓመቱ የዕድገትና ትራንስፎርሜሽን እቅድ መሠረት ነባሮቹን የማስፋፋትና አዳዲሶች የመገንባት አቅጣጫ ተይዞ እየተሠራ መሆኑን ለማየትም ተሞክሯል። ከእዚሁ ጋር ተያይዞ የአገሪቱ የስኳር ፍላጎት ከሚመረተው ምርት ጋር ባለመጣጣሙ መንግሥት ከተለያዩ አገራት በከፍተኛ የውጭ ምንዛሪ ስኳር እያስገባ መሆኑን ጠቁመን ከሦስት ዓመታት በኋላ ግን አገሪቱ የሕዝቧን የስኳር ፍላጎት አሟልታ የተረፈውን ለውጭ ገበያ በማቅረብ የተሻለ የውጭ ምንዛሪ የምታስገባበት ሁኔታ እንደሚፈጠር አይተናል። 
ከስኳር ልማት ፕሮጀክቶቹ ጋር ተያይዞ በተለያዩ ወገኖች የሚነሱ መሠረት የለሽ አሉታዊ ዘገባዎች የአገራችንን የልማት አቅጣጫ ለማስቀየስ እንጂ መሠረታዊ ጠቀሜታ ኖሯቸው እንዳልሆነና በአሁኑ ወቅት ልማታችንን ለማደናቀፍ የሚሰነዘሩ አሉባልታዎችን የሚሰማ ጆሮ ያለው ኢትዮጵያዊ አለመኖሩንም ለማስገንዘብ ተሞክሯል። የኢትዮ ጵያ ሕዝብ ዋነኛ ጠላት ድህነት መሆኑን መግባ ባት ላይ መደረሱንም ነው በመጀመሪያው ጽሑፍ የቃኘነው። 
በዛሬው ጽሑፍ በሀገራችን እየተገነቡ ካሉ አዳዲስ የስኳር ልማት ፕሮጀክቶች የወልቃይት ስኳር ልማት ፕሮጀክትን እንመለከታለን። 
የወልቃይት የስኳር ልማት ፕሮጀክት ከ8 ቢሊዮን ብር በላይ በሆነ ወጪ የሚገነባ ነው። አካባቢው ለሸንኮራ አገዳ ተስማሚ መሆኑ በጥናት በመረጋገጡ በአገሪቱ የተለያዩ አካባቢዎች ለመገንባት ከታቀዱት አስር አዳዲስ የስኳር ፋብሪካዎች አንዱ በወልቃይት እንዲሆን ተደርጓል፤ ከእዚህም አኳያ ከግድቡ ጋር ተያያዥነት ያላቸው መሠረተ ልማቶች እየተገነቡ ሲሆን፤ በተለይም የፕሮጀክቱ አካል የሆነው የሜይዴይ ግድብ ግንባታ በመከናወን ላይ ይገኛል። ከአካባቢው የተገኘ መረጃ እንደሚያሳ የው እስከአሁን ባለው ሁኔታ የግድቡ 10 በመቶ ያህል ሥራ ተከናውኗል። 
የሜይዴይ ግድብ የዛሬማ ወንዝን መሠረት አድርጎ እየተገነባ ነው። የግድቡ አፈር ቁፋሮ ሥራ ከ90 በመቶ በላይ ተጠናቅቋል፤ ከእዚሁ ጎን ለጎን ወንዙን የመጥለፉና የመቀየስ ሥራም ከ70 በመቶ በላይ መጠናቀቁን መረጃው ያሳያል።
የሜይዴይ ግድብ የሚያርፈው 36 ሄክታር መሬት ላይ ሲሆን፤ በግድቡ ምክንያት በውሃ የሚሸፈነው መሬት ደግሞ 9 ሺ 6 መቶ 50 ሔክታር ነው። 1 መቶ 43 ሜትር ከፍታና 7 መቶ 20 ሜትር ርዝመትም ይኖረዋል። የግድቡ ግንባታ ሙሉ በሙሉ ሲጠናቀቅ 3 ነጥብ 5 ቢሊዮን ክዩቢክ ሜትር ውሃ የመያዝ አቅም እንደሚኖረው ይገመታል። 
ግድቡ በወልቃይት የስኳር ልማት ፕሮጀክት ከሚሠሩ ግድቦች ትልቁና ወሳኙ ነው። ከእዚሁ ጎንለጎን የቃሌማ ወንዝን መሠረት አድርጎ የሚሰራ የውሃ መቀልበሻ ውቅር አለ። መቀልበሻ ውቅሩ የሜይዴይን ያህል ግዝፈት ባይኖረውም የጎላ ድርሻ እንደሚኖረው ይታመናል። መቅልበሻ ውቅሩ 15 ሜትር ከፍታ ሲኖረው ግንባታው ሲጠናቀቅ 12 ሚሊዮን ኪዩቢክ ሜትር ውሃ የማቆር አቅም ይኖረዋል ተብሎ ይታመናል። ይህ ግድብ ለእርሻ ልማት እንደሚውልና ከ3 ሺ 3 መቶ ሔክታር መሬት በላይ የማልማት አቅም እንዳለው ለማወቅ ተችሏል። 
በአምስት ዓመቱ የዕድገትና ትራንስፎርሜሽን እቅድ በተቀመጠው አቅጣጫ መሠረት ባለፉት ሁለት ዓመታት በወልቃይት የስኳር ልማት ፕሮጀክት ለማከናወን በተያዘው ፕሮግራም መሠረት መፈጸሙ ከአካባቢው የተገኘ መረጃ ያሳያል። በሚቀሩት ሦስት ዓመታት ደግሞ አጠቃላይ የፕሮጀክቱ ግንባታ ይጠናቀቃል። ይኸው ለአገሪቱ ኢኮኖሚ ዕድገት ከሚኖረው አስተዋጽኦ ባሻገር ለአካባቢው ነዋሪዎች ፈርጀ ብዙ ጠቀሜታ ይሰጣል። የአካባቢው ነዋሪዎች የሚናገሩትም ይሄንኑ ነው። 
አቶ ታደለ ይልማ እና አቶ ተጠምቀ ገ/መድን ነዋሪነታቸው በወልቃይት ወረዳ ቃሌማ ገጠር ቀበሌ ገበሬ ማኅበር ነው። ነዋሪዎቹ በአካባቢው እየተካሄደ ያለውን የስኳር ልማት ፕሮጀክት በሚመለከት ተጠይቀው እንደገለጹት ልማቱ ከመጀመሩ በፊት መንግሥት ከሕዝቡ ጋር ተከታታይ ውይይቶችን አድርጓል። ከተደረገው ውይይት በኋላ ኅብረተሰቡ ከልማቱ ተጠቃሚ እንደሚሆን መገንዘብ በመቻሉ ከመንግሥት ጋር እጅና ጓንት ሆኖ በመሥራት ላይ ይገኛል። 
ልማቱ ለሌላው የኢትዮጵያ ሕዝብ ከሚሰ ጠው ጠቀሜታ ባሻገር ለአካባቢው ኅብረተሰብ የሚሰጠው የተለየ ጥቅም ምንድን ነው? ከእዚህ ልማት ጋር ተያይዞ እየተነሳ ያለው አሉባልታ መሠረቱ ምንድን ነው? የሕዝቡ ምላሽስ ምን ይመስላል? ለሚሉት ጥያቄዎች ምላሽ ማግኘት በልማቱ አጠቃላይ ገጽታ ላይ ግንዛቤ ለመያዝ ያግዛል። 
የወልቃይት የስኳር ልማት ፋብሪካ ተጠናቅቆ ማምረት ሲጀምር አገሪቱ ያላትን የስኳር ፍላጎት ለማሟላት ከፍተኛ አቅም ያለው ነው። ሀገራችን ከተለያዩ አገራት ወደ አገር ውስጥ ለሚገባው ስኳር የምታወጣውን ከፍተኛ የውጭ ምንዛሪ ከማዳኑም ባሻገር ለውጭ ገበያ ለማቅረብ ያቀደችውን የስኳር ምርት ለማሟላት የሚኖረው ድርሻ የጎላ ይሆናል። ለአካባቢው ነዋሪዎች የሚሰጠው ጠቀሜታ ደግሞ ከእዚህም በላቀ ደረጃ ሊገለጽ ይችላል። 
የአካባቢው ነዋሪዎች ከልማት ፕሮጀክቱ ከሚያገኙት ጥቅም አንዱ ሰፊ የሥራ ዕድል ነው። የወልቃይት የስኳር ፕሮጀክት ከ46 ሺ ለሚልቁ ዜጎች የሥራ ዕድልን ይፈጥራል። የስኳር ልማት ፕሮጀክቱ ሌሎች የመሠረተ ልማትና የአገልግሎት ተቋማት ግንባታ ሥራዎችን የሚያካትት በመሆኑ ከቀን ሠራተኛ እስከ ከፍተኛ መሐንዲስ ድረስ የማሳተፍ አቅም ይኖረዋል። 
በአገራችን ከሚታዩ ችግሮች መካከል አንዱ ሥራ አጥነት ነው። ሥራ አጥነትን ለመቅረፍ የተለያዩ ጥረቶች እየተደረጉ ባሉበት በአሁኑ ወቅት ይህን ያህል የሰው ኃይል ሊያሰማራ የሚችል ፕሮጀክት በአካባቢው መገንባቱ ለነዋሪዎቹ የበለጠ ጠቀሜታ እንደሚኖረው አያጠራጥርም። 
እናም የወልቃይትና አካባቢው ሕዝብ በሚፈጠረው የሥራ ዕድል ይበልጥ ተጠቃሚ ይሆናሉ። ምናልባትም ከፕሮጀክቱ ማዕድ ተቋዳሽ ይሆናሉ ተብለው ከሚገመቱ 50 ሺ ሰዎች መካከል አብዛኛዎቹ የአካባቢው ነዋሪዎች እንደሚሆኑ አያጠያይቅም። በየደረጃው በሚመጥናቸው የሥራ መስክ በመሰማራት የተሻለ ተጠቃሚ ለመሆን ምቹ ሁኔታ ይፈጠር ላቸዋል። 
የአካባቢው ነዋሪዎች ከፕሮጀክቱ መመሥረት ጋር በተያያዘ የሚያገኙት ሌላው ጥቅም የመስኖ ገብ እርሻን ማልማት መቻላቸው ነው። መስኖ ገብ ልማት በአገራችን ከቅርብ ዓመታት ወዲህ እየተለመደ የመጣና ምርትና ምርታማነትን ለማሳደግ የሚያግዝ የግብርና ልማት አማራጭ ነው። 
ቀደም ሲል በነበረው ኋላቀር ግብርና እና ዝናብን ማዕከል ያደረገ የእርሻ ልማት ክንውን አርሶ አደሩ የተሻለ ምርት ተጠቃሚ ከመሆን ይልቅ ከእጅ ወደ አፍ በሆኑ ኑሮ ሕይወቱን ለመምራት የተገደደበት ሁኔታ መፈጠሩ ይታወሳል። 
ይሁንና ካለፉት 20 ዓመታት ወዲህ አርሶ አደሩ ውሃን የማቆር ተሞክሮን እየቀሰመ መምጣቱ ተስተውሏል። የወልቃይት የስኳር ልማት ፕሮጀክትም ይህንኑ ተሞክሮ በማጠናከር ነዋሪዎች በዓመት ሦስት ጊዜ የሚያመርቱበትን ሁኔታ መፍጠር የሚያስችል ዕድል ይከፍታል። 
ለሸንኮራ አገዳ ልማት የሚገደበው ግድብ የታቀደለትን ዓላማ ከመፈጸሙም ባሻገር በዙሪያው የሚገኙ አርሶ አደሮች የእርሻ ማሳን ጭምር ያለማል። በእዚህ መልክ የአካባቢው አርሶ አደር የዝናብ ውሃ ላይ ጥገኛ ከመሆን ይድናል። ዝናብ በጠፋ ቁጥር ለድርቅ መጋለጡም አብሮ ያከትማል። 
በእዚህ መልክ የአካባቢውን አርሶ አደሮች ለዘመናት ለችግር ሲዳርግ የነበረውን ዋነኛ ችግር ማቃለል ይቻላል። የአርሶ አደሩን ምርትና ምርታማነት ለማሳደግና የገቢ አቅማቸውን ለማጠናከር ሂደቱ የጎላ ድርሻ ይኖረዋል። 
የስኳር ልማት ፕሮጀክቱ ለአካባቢው ነዋሪዎች የሚኖረው ሌላው ጠቀሜታ እንስሳትን ለማርባትና ለማድለብ አመች ሁኔታ መፍጠሩ ነው። የፋብሪካውን ተረፈ ምርት በመጠቀም የአካባቢው ነዋሪዎች እንስሳትን በማርባትና በማድለብ በከፍተኛ ደረጃ ተጠቃሚ መሆን ይችላሉ። በግድቡ ምክንያት በሚፈጠረው ሐይቅም ዓሣን በማምረት ተጨማሪ ጥቅም ያገኛሉ። 
በአብዛኛው የአገራችን ክፍል ዓሣን አምርቶ መጠቀም የተለመደ አይደለም። ይህ እየሆነ ያለው ከሁለት መነሻ ነው። አንደኛው ምክንያት ሐይቆችና ትላልቅ ወንዞች ያሉባቸው አካባቢዎች ውስን ናቸው። በሌላ በኩል የግንዛቤ ችግር አለ። ሐይቆች ባሉባቸው አካባቢዎች ያለው የዓሣ ምርትም ቢሆን አገሪቱ ማግኘት የሚገባትን ያህል ጥቅም እየሰጠ እንዳልሆነ ይታወቃል። 
ይሁንና በወልቃይት የስኳር ልማት ፕሮጀክት በሚገነቡ ሰው ሠራሽ ሐይቆች ዓሣን በሰፊው ለማምረት የሚያስችል ሁኔታ ይፈጠራል። የአካባቢው ሕዝብ ዓሣን ለምግብ አማራጭነት ከመጠቀም አልፎ ለገቢ ማስገኛ ሊጠቀምበት የሚያስችል ሁኔታ ይኖራል። 
በወልቃይት እየተካሄደ ያለው ልማት የዋልድባ ገዳምን ፍፁም የማይነካ ነው። ይልቁንም የገዳሙ ማኅበረሰብ እንደሌላው የአካባቢው ሕዝብ ተጠቃሚ ከመሆን ባሻገር በሚገነባው መሠረተ ልማት ምክንያት የገዳሙ ጎብኚዎች ቁጥር እያደገ ስለሚመጣ የአካባቢው ገቢ በእዚያው ልክ ስለሚጨምር መነኮሳቱ የበለጠ ተጠቃሚ ይሆናሉ። 
ከእዚህም በተጨማሪ የገዳሙ ማኅበረሰብ በመስኖ በመጠቀም የእርሻ ምርቱን በዓመት እስከ ሦስት ጊዜ ለማምረት ዕድል ይፈጠርለታል። ስለሆነም የዋልድባ ማኅበረሰብ ከልማቱ ተጠቃሚ እንጂ ተጎጂ የሚሆንበት ዕድል የለም። 
እስከአሁን ባለው መረጃ መንግሥት በስኳር ልማት ፕሮጀክቱ 3 ሺ 5መቶ ያህል የሠራተኞች መኖሪያና 82 የአገልግሎት መስጫ ይገነባል። በስኳር ልማት ምክንያት ለሚነሱ ነዋሪዎች ደግሞ ከ5 ሺ በላይ ቤቶች ይገነባሉ። የመንገድ፣ የመብራት፣ የስልክ እና የንጹሕ መጠጥ ውሃ አገልግሎቶችም ይዘረጋሉ፤ ግንባታው ትምህርት ቤቶችና ጤና ተቋማትንም ያካትታል። 
ከእዚህም አኳያ በአካባቢው አስራ አንድ የገጠር መንደሮችና አንድ ከተማ ይመሠረታል፤ አራት ትምህርት ቤቶች፣ አንድ ደረጃውን የጠበቀ ጤና ጣቢያ፣ አስራ ሁለት መካከለኛ ጥልቀት ያላቸው የመጠጥ ውሃ ጉድጓዶች እና አስራ ስድስት አገልግሎት ሰጪ ተቋማት ይገነባሉ። 
የስኳር ልማት ፕሮጀክቱ ከተጀመረ አንስቶ አንዳንዶች ብዥታ ለመፍጠር ቢሞክሩም ልማቱ የሕዝብ ድጋፍ አልተለየውም። በተለያዩ ጊዜያት በተካሄዱ የምክክር መድረኮች የልማቱ አስፈ ላጊነት በሕዝቡ ዘንድ በሰፈው ሰርጿል። ሕዝቡ ልማቱን ለማፋጠን ከመንግሥት ጋር ተባብሮ እየሠራም ይገኛል። 
እውነታው ይህ ሆኖ እያለ የዋልድባ ገዳምን አስታኮ እየተነሳ ያለው መሠረት የለሽ ወሬና አሉባልታ ሃይማኖትን ለፖለቲካ አጀንዳ ማስፈጸሚያ መሣሪያ አድርጎ የመጠቀም አባዜ ነው። 
በዋልድባ ገዳም ጉዳይ እየተነዛ ያለው ውዥንብር ከፖለቲካ ፍላጎት የመነጨ እንጂ በገዳሙ ላይ የደረሰ ተጨባጭ ችግር በመኖሩ እየተሰጠ ያለ አስተያየት አይደለም። ጉዳዩ የኢትዮጵያ ሕዝብ ለሃይማኖቱ ቀናኢ መሆኑን የተገነዘቡ፣ ነገር ግን ልማትና ብልጽግናችንን ማየት የሚያማቸው ብጥብጥ ናፋቂ ኃይሎች ልማታችንን ለማደናቀፍ እያቀነባበሩ የሚያቀር ቡት ዘመቻ ነው። 
ያም ሆኖ ልማቱን በማስተጓጎል ላይ ያነጣ ጠረው ዘመቻ በሀገራችን ሕዝብም ሆነ አጀንዳው በቀጥታ በተነጣጠረበት የወልቃይት ሕዝብ ዘንድ ተቀባይነት የለውም። እንዲያውም የአካባቢው ነዋሪዎች ሕዝቡ በፈጠራና በሐሰት ፕሮፓጋንዳ የማይወናበድ መሆኑን ጠንከር አድርገው ይገልጻሉ።
አቶ ተጠምቀ ገ/መድን ይህንን አስመልክቶ ሲናገሩ፤ ልማቱ የራሳችን፣ ተጠቃሚዎችም እኛው መሆናችንን ያወቅነው አሁን ሳይሆን ገና ልማቱን ለመጀመር በታሰበበት ወቅት ባደረግነው ውይይት ነበር። ያኔ በልማቱ ዙሪያ ከመንግሥት አካላት ጋር ተከታታይ ውይይቶችን ባካሄድንበት ወቅት በቂ ግንዛቤ አግኝተናል ይላሉ። የስኳር ልማቱ በቀጥታ ከሚሰጠን ጥቅም ባሻገር ከእዚሁ ጋር ተያይዞ ከሚስፋፋው መሠረተ ልማትና ማኅበራዊ አገልግሎቶች ተጠቃሚዎች እንሆናለን ብለዋል።
እንደ ነዋሪዎቹ እምነት ከስኳር ፕሮጀክቱ ጋር የተያያዘው ልማት በመስኖ፣ በዓሣ ምርትና በእንስሳት ማድለብ ተግባራት በመሳተፍ ኑሯቸውን ለማሻሻል ያስችላቸዋል። ስለሆነም ልማቱን በሙሉ ልብ ይደግፋሉ። 
የወልቃይት ስኳር ልማት ከአምስት ዓመቱ የዕድገትና ትራንስፎርሜሽን እቅድ የቀጣይ ሦስት ዓመትን ትኩረት በተጠናከረ መልክ በመተግበር አገራችንን ከድህነት ለማላቀቅና መካከለኛ ገቢ ካላቸው አገራት ተርታ ለማሰለፍ የተጀመረውን የተቀናጀ ዘመቻ ያጠናክራል። በአካባቢው መሠረተ ልማት መሟላትና ሌሎች ተቋማት መገንባትም የሕዝቡ ኑሮና ዕድገት ይሻሻላል፤ ይቀየራልም። ስለሆነም ከስኳር ፕሮጀክቱ ስኬት አኳያ በቀጣይ ሦስት ዓመታት የተጀመረውን ልማት አጠናክሮ መቀጠል ያሻል። 
የሰሜኑ የአገራችን ክፍል ለበርካታ ዓመታት በድርቅ የተጎዳ ነው። ተፈጥሮ ያደለውን ጸጋ በሚገባ መጠቀም የሚያስችለው ዕድልም ጠባብ ነበር። በተለይ በቅድመ 1983 የወልቃይትና አካባቢው ሕዝብ ለከፍተኛ ረሃብ፣ ስደትና ስቃይ ይዳረግ እንደነበር የቅርብ ጊዜ ትዝታ ነው። አሁን ላይ ሆነን በቀደሙት ሥርዓታት የነበረውን ሕዝብ ሁኔታ ስናስታውስ በእዚያን ወቅት ኖረንና ዓይተነው ካልሆነ በስተቀር ለማመን እንቸገር ይሆናል። 
የአካባቢው ሕዝብ የዕለት ጉርሱን ለመሸፈን ተቸግሮ ይሰደድ ከነበረበት ዘመን ወጥቶ አሁን ውሃ የማቆርና የእርሻ ልማትን በማጧጧፍ ሥራ ተጠምዷል። ከእዚሁ ጎን ለጎን ዘመናዊ የእንስሳት እርባታን በማስፋፋት ተጠቃሚ እየሆነ ይገኛል። 
አሁን በአካባቢው እየተገነባ ያለው የስኳር ልማት ፕሮጀክት ሲጠናቀቅ ደግሞ የበለጠ ተጠቃሚ እንደሚሆን በቂ ግንዛቤ አግኝቷል። ለእዚህም ነው ሕዝቡ ልማቱን ለማፋጠን ከመንግሥት ጎን ተሰልፎ የበኩሉን ድርሻ እየተወጣ የሚገኘው። 
እስከአሁን ያለው የመንግሥትና የሕዝባችን የተቀናጀ ተሞክሮ በድህነት ላይ ያነጣጠረው የተቀናጀ የፀረ ድህነት ዘመቻ ያለምንም እንከን በውጤት የሚደመደም ለመሆኑ አመላካች ነው። ሕዝቡ በባለራዕዩ የሀገራችን መሪ ጠቅላይ ሚኒስትር መለስ ዜናዊ ቀያሽነት የተጀመሩና በስኬት እየቀጠሉ ያሉ ታላላቅ የመሠረተ ልማት አውታሮችን ለማስፈፀም ቁርጠኝነቱን ያረጋገጠ በመሆኑም መጪው ጊዜ የዘላቂና ፈጣን ዕድገታችን ዘመን ለመሆኑ ጥርጥር የለንም። እናም ሕዝባችን በመሠረተ ቢስ ፈጠራና አሉባልታ ሳይዘናጋ ለሀገሩና ለተጠቃሚነቱ ርብርቡን እያጠናከረ የማደግና የመለወጥ ትልሙን ያሳካል። 
http://www.ethpress.gov.et/ethpress/main/viewsOpinion.php

አዲስ አበባ ጥቅምት 16/2005 በቡና ንግድ ዘርፍ መላው ባለድርሻ አካላትን የሚያሳትፍ የመጀመሪያው ዓለም ዓቀፍ ጉባኤ በቅርቡ አዲስ አበባ ውስጥ እንደሚካሄድ የኢትዮጵያ ኮፊ ኤክስፖትርስ አሶሴሽን አስታወቀ፡፡
ኢትዮጵያ ዘንድሮ ለዓለም አቀፉ ገበያ ከምታቀርበው የቡና ምርት 1 ቢሊዮን የአሜሪካ ዶላር የውጭ ምንዛሪ ገቢ እንደምታገኝ ይጠበቃል፡፡
የአሶስዬሽኑ የሕዝብ ግንኙነት ኦፊሰር አቶ ጌታቸው አድማሱ ለኢትዮጵያ ዜና አገልግሎት እንደገለጸው ጉባኤው የቡና ምርቶች መገኛ የሆነችውን ኢትዮጵያን ገጽታን ከመገንባት ባሻገር የተለያዩ ምርቶቿን ለዓለም አቀፉ ገበያ ለማስተዋወቅ የሚረዳ ነው፡፡
አሶስዬሽኑ ጉባኤውን በሚቀጥለው ሳምንት በአዲስ አበባ ሒልተን ለማካሄድ ከንግድ ሚኒስቴርና ከሌሎች አጋር ድርጅቶች ጋር በትብብር እየሰራ መሆኑንና በአሁኑ ወቅትም አስፈላጊውን ቅድም ዝግጅት በማጠናቀቅ ላይ መሆኑን አስታውቀዋል፡፡
ለሁለት ተከታታይ ቀና በሚካሄደው ዓለም ዓቀፍ የቡና ጉባኤም 250 ሰዎች እንደሚሳተፉ ገልጸዋል፡፡
እንደ አቶ ጌታቸው ገለጻ ከአገር ውስጥ በቡና ንግድ የተሰማሩ ላኪዎችና አቅራቢዎች ድርጅቶች፣ የሕብረት ስራ ማህበራት ዩኒየኖችና የክልል ግብርና ቢሮ ተወካዮች፣ የኢትዮጵያ ምርት ገበያ ድርጅት ተጠሪዎችና የገንዘብ ተቋማት ይሳተፋሉ፡፡
በተጨማሪም ከውጭ ዓለም ዓቀፍ የቡና ገዢዎች፣ ቆይና ቸርቻሪዎች የጉባኤው እድምተኞች ይሆናሉ፡፡
በጉባኤውም በተለይ በቀጣዩ አውሮፓውያን ዓመት የኢትዮጵያ ቡና ምርት የውጭ ገበያ አቅርቦት በሚያድግበት እንዲሁም አገሪቱ ከዘርፉ የምታገኝው የውጭ ምንዛሪ ገቢም በዚያው ልክ የሚጨምርበት ሁኔታ በመምከር አዎታዊ አስተዋጽኦ ያበረክታል፡፡
በዓለም ዓቀፉ ገበያ የኢትዮጵያ የቡና ወጪ ንግድ አቅርቦት አሁን ካለበት መጠን በ25 በመቶ እንደሚያድግ ይጠበቃል፡፡ ከ200 ሺህ ቶን በላይ እንደሚሆንም ከወዲሁ ተተንብዩዋል፡፡
ኢትዮጵያ ይህን ያህል የቡና ምርት ለዓለም አቀፋ ገበያ በማቅረብ 1 ቢሊዮን የአሜሪካ ዶላር የውጭ ምንዛሪ ገቢ እንደሚያስገኝላትም ገልጸዋል፡፡
ይህ ገቢ በአገሪቱ አዲስ ሪከርድ መሆኑንና በታሪኳም ሰባት አሃዝ ያለው ገቢ ከነጠላ ሸቀጥ ሽያጭ በወጪ ንግድ ዘርፍ ስታገኝ ለመጀመሪያ ጊዜ እንደሚሆንም አስረድተዋል፡፡
http://www.ena.gov.et/Story.aspx?ID=2976&K=1


አዲስ አበባ፣ ጥቅምት 16፣ 2005 (ኤፍ ቢ ሲ) 1ሺህ 433 ኛው የኢድ አል አድሃ አረፋ በዓል በእስልምና እምነት ተከታዮች ዘንድ እየተከበረ ነው ።

ከስያሜው ጀምሮ ከነቢያት አባት ከኢብራሂም አሌሂሰላም ታሪክ ጋር ቀጥተኛ ተዛምዶ ያለው የአረፋ በዓል ፥ የእምነቱ ተከታዮች ዘንድ የእርሳቸውን ታሪክ በማስታወስ ለሰው ልጅ ደህንነት የከፈሉትን መስዋዕትነት በየዓመቱ የሚዘክሩበት በዓል ነው ።

በቅዱስ ቁርአን እንደመለከተው ነብዩ ኢብራሂም ልጃቸው እስማኤልን በአላህ ትእዛዝ ለመስዋት ሲያዘጋጁ ፤ በምትኩ ሙክት በግ መስዋት መቅረቡን ያሳያል በዚህም ኢድ አል አድሃ የመስዋት በዓል ተብሎ ይከበራል።

በዓሉ ኢድ አልአድሃ ተብሎ የሚከበረውም ኡዲሂያ ወይም መስዋዕት ስለሚታረድ መሆኑን ፥ የኢትዮጵያ እስልምና ጉዳዮች ጠቅላይ ምክር ቤት ፕሬዝዳንት ሼህ አህመዲን ሼህ አብዱላሂ ጨሎ ይናገራሉ።

በዚህ ታላቅ ሃይማኖታዊ ቀን እርስ በርስ መዘያየርና ደስታን መገላለጽ በፈጣሪ ዘንድ በእጅጉ የሚወደድ ተግባር ነውና ከሁሉም ይህ ይጠበቃል።

በአሉ ሲከበርም ሁሉም የእምነቱ ተከታይ በዓሉን በደስታ ያከብር ዘንድ ያለው ለሌለው መዘየር ዋነኛ ተግባር ይሆናል።

በኢድ ቀን ከሚፈጸሙት ኢባዳዎች አንዱ ኡዲሂያ ሲሆን ፥ ለኡሂዲያ ከሚታረደው ከብት መካከል ለጎረቤትና ለተቸገሩ ማጋራት የእምነቱ ስርዓት ያዛል።

የበአሉ አካል የሆነው የስግደት ስነ ስርዓት /ሶላት/ ማለዳ 1 ሰዓት ከ30 ላይ በጋራ በየአካባቢው እየተካሄደ  ሲሆን ፥ በመዲናችን አዲስ አበባም የሶላት ስነ ስርዓቱ በአዲስ አበባ ስታዲየም እየተፈጸመ ይገኛል ። 
የበአሉ አካል የሆነው የስግደት ስነስርዓት /ሶላት/ ማለዳ ላይ በጋራ በየአካባቢው የተካሄደ  ሲሆን ፥በመዲናችን አዲስ አበባም የሶላት ስነስርዓቱ በአዲስ አበባ ስታዲየም በሺዎች የሚቆጠሩ የእምነቱ ተከታዮች በተገኙበት ተከብሯል ።  

የዘንድሮው የኢትዮጵያ ብሔር ብሔረሰቦች ቀን ለቀድሞው ጠቅላይ ሚኒስትር መለስ ዜናዊ መታሰቢያነት በማዋል እንዲከበር መወሰኑን የፌዴሬሽን ምክር ቤት አስታወቀ፡፡ እንደ ዋልታ ዘገባ፣ ከመጪው ኅዳር ወር መጀመርያ አንስቶ ለአንድ ወር በልዩ ልዩ ዝግጅቶች በየደረጃው የሚከበረው የብሔር ብሔረሰቦችና ሕዝቦች ቀን ክብረ በዓል መታሰቢያነቱ በሞት ለተለዩት አቶ መለስ እንዲሆን የወሰነው ምክር ቤቱ ነው፡፡ ምክር ቤቱ ይህን የወሰነው ባለራዕዩ መሪ ለኢትዮጵያ ብሔር ብሔረሰቦች ሕዝቦች እኩልነት አብዛኛውን ዕድሜያቸውን በፅናት የታገሉለት ዓላማ ስለነበር ነው መባሉን ዘገባው አስረድቷል፡፡ የዘንድሮ ብሔር ብሔረሰቦች ቀን “ብዙም አንድም ሆነን የታላቁ መሪ ራዕይ በሕገ መንግሥታችን ለህዳሴያችን” በሚል መሪ ቃል እንደሚከበር ተጠቁሞ፣ ከመጪው ወር መጀመርያ ጀምሮ በአገሪቱ ሁሉም ቀበሌዎች ውይይት እንደሚካሄድ ታውቋል፡፡ በብሔራዊ ደረጃ ኅዳር 29 ቀን በባህር ዳር ከተማ በዓሉን በደማቅ ሁኔታ ለማክበር ከወዲሁ የቅድመ ዝግጅት ሥራዎች እየተከናወኑ እንደሚገኙ ዘገባው አመልክቷል፡፡