Nomonanoto Show

Saturday, October 13, 2012



•    አብዛኞቹ በምረቃው ዕለት አልተገኙም
በብርሃኑ ፈቃደ
ፕሮፌሰር ባደግ በቀለ በመሠረቱት ኢንተርናሽናል ሊደርሺፕ ኢንስቲትዩት ትምህርታቸውን ሲከታተሉ ቆይተው በትናንትናው ዕለት ከተመረቁት መካከል፣ በሚኒስትር ማዕረግ የመንግሥት ኮሙዩኒኬሽን ጉዳዮች ኃላፊ አቶ በረከት ስምኦንን ጨምሮ በርካታ ባለሥልጣናት በማስትሬት ዲግሪ ተመረቁ፡፡ የማስትሬት ዲግሪያቸውን በትራንስፎርሜሽናል ሊደርሺፕ ዘርፍ የሠሩት አቶ በረከት በምረቃው ሥነ ሥርዓት አልተገኙም፡፡ እንደ አቶ በረከት ሁሉ የሳይንስና ቴክኖሎጂ ሚኒስትሩ አቶ ደሴ ዳልኬ፣ የገንዘብና ኢኮኖሚ ልማት ሚኒስትር ዴኤታው ዶክተር አብርሃም ተከስተ መስቀልም ካልተገኙት መካከል ናቸው፡፡ የሶማሌ ክልል ፕሬዚዳንት አቶ አብዲ ሞሐመድ ኡመር፣ በመከላከያ ሚኒስቴር የምዕራብ ዕዝ ኰማንደር ብርሃኑ ጁላ ገላቻን ጨምሮ በርካታ የመንግሥት ሹማምንት ተመርቀዋል፡፡

አቶ በረከት ለመመረቂያ ያቀረቡት ጽሑፍ እያደጉ ባሉ ልማታዊ መንግሥታት ላይ ያነጣጠረ ሲሆን፣ ‹‹Emerging Developmental States: Transformational Leadership in Governemnt›› በሚል ርዕስ በጻፉት መመረቂያቸው ዲግሪያቸውን እንዳገኙ ከኢንስቲትዩቱ የተገኘው መረጃ ያመለክታል፡፡ 
http://www.ethiopianreporter.com/news/293-news/8093-2012-10-13-14-27-28.html
ከማህበራዊ መረብ ላይ የተገኘ ጽሁፍ
Giwoommo Gimbi ተጻፈ


!የሲዳማ ህዝብ ክልል የመሆን ጥያቄ በማይመለከታቸዉ ግለሰቦችና የዉሸት መረጃዎቻቸዉ አይቀለበስም

በቅርቡ የተካሄደዉ የሲዳማ ዞን አመራሮች ስብሰባ መላዉ የሲዳማ ህዝብ አቋሙን ለይቶ ከምን ጊዜዉም በተለየ መልኩ ራስን በራስ የማስተዳደር ወይም ክልል የመሆን ጥያቄዉን አጠናክሮ እንዲቀጥል የሚያደርገዉ ነዉ፡፡ ይህ ጉዳይ በሁለት መልኩ ሊታይ ይችላል፡፡ 
Requests

አንደኛዉ ሟቹ ጠቅላይ ሚንስቴር በህይወት በነበሩበት ወቅት ለሲዳማ ህዝብ ቃል የገቡት የክልል ጥያቄ መልስ ሳያገኝ ቢያልፉም የተኳቸዉ ጠቀላይ ሚንስቴር አዎንታዊ ምላሽ ይሰጣሉ ተብሎ የተጠበቀዉ ከንቱ መሆኑ ነዉ፡፡ በአቶ ሽፈራዉ ሽጉጤ የተመራዉ የሲዳማ አመራሮች ስድስት ቀናት የፈጀዉን ስብስባ ሲያጠናቅቁ የሲዳማ ህዝብ የክልል ጥያቄ አስፈላጊ ያልሆነና የህገወጦች እንደሆነ አስምረዉበታል፡፡ በተጨማሪም የሀዋሳ ከተማ አስተዳደርም በስብጥር እንዲሆን በሙሉ ድምጽ ተስማምተዋል፡፡

ሁለተኛዉ ጉዳይ አቶ ሽፈራዉና ተከታዮቻቸው የሲዳማን ህዝብ እድገትም ሆነ ክልል መሆን የማይቻል እንደሆነ ለማስመሰል የዉሸት መረጃዎቻቸዉን አደራጅተዉ በሁሉም ሀይላቸዉ እንቅስቃሴ መጀመራቸዉ ነዉ፡፡ ለዚህም ባለፈዉ ስብሰባቸዉ ሲዳማ ክልል ከሆነ አሁን ያለዉ የበጀት ድጎማ ይቀንሳል፡ ልማት አይኖርም፡ የስራ አጥነት ይጨምራል ወዘተ በሬ ወለደ መረጃ እያቀረቡ ነበር፡፡
አቶ ሽፈራዉንና ተከታቻቸዉን ግን እረፉ! እዉነት ነጻ ስለምታወጣችሁ እዉነትን ያዙ እንላቸዋለን! ሁሌም የሚቀርቧቸዉ መረጃዎቸ ዉሸት ስለመሆናቸዉ መላዉ የሲዳማ ህዝብ የሚያዉቀዉ ስለሆነ የዚህ ጽሁፍ ዋና አላማ የበጀት ክፍፍሉን ብቻ በሚመለከት አንዳንድ መረጃዎችን ማቅረብ ነዉ፡፡ 
ወደ ዋናዉ ገዳይ ከመግባታችን በፊት አንዳንድ መንደርደሪያ ሐሳቦችን እናቅርብ፡፡ በአገራችን ክልሎች የተደራጁት ብሄር ብሄረሰቦችን መሰረት አድርገዉ (የኦሮሞ፣ የአማራ፣የትግራይ፣ የአፋር ወዘተ ክልል) መሆኑ ይታወቃል፡፡ ይህንን እዉነት ይዘን ብንነሳ…ዋናዉና ትልቁ መከራከሪያ ከሲዳማ ብሄር እዉቅና ዉጭ ተጨፍልቆ ደቡብ ተብሎ በአቅጣጫ ስም መጠራት በራሱ በህዝብ ላይ በሳለቅ/ስድብ ነዉ፡፡ የብሄርን ስብዕና ጨፍልቆ በአቅጣጫ ስም (ሰሜን፣ ደቡብ፣ ምስራቅ ምዕራብ) መጥራት/መሰየም አስፈላጊ ቢሆን ኖሮ ትግራይንና አማራን አንድ ላይ ሰሜን ክልል፣ ሶማሌንና ሐረሪን ምስራቅ ክልል፣ ጋምቤላና ቤንሻንጉልን ምዕራብ ክልል ወዘተ ማለት ይቻል ነበር፡፡ ለስያሜም የሚመቸዉ በምንም የማይገናኙትን ሲዳማ፣ ወላይታ፣ከፋ ወዘተ አንድ ላይ መጨፍለቅ ሳይሆን በዘር ሀረግ፣ በባህልና በሀይማኖት የሚቀራረቡትን ትግራይንና አማራዉን የሰሜን ክልል ብሎ መሰየም ነበር፡፡ ይህ በቀላሉ የሚያሳየዉ ደቡብ ተብለዉ የተደራጁ ብሄር ብሄረሰቦች ላይ ያላቸዉን ዝቅተኛ አመለካከት ነዉ፡፡ 
በአሁኑ ወቅት የሲዳማ ህዝብ ደቡብ ተብሎ በመደራጀቱ ብቻ በአገሪቱ ደረጃ ያለዉ እዉቅናም ሆነ ዉክልና በዞኑ ዉስጥ በሚገኙ ወረዳዎች የአንዱን ወረዳ ያክል የህዝብ ብዛት ያላቸዉ ነገር ግን ክልል ተብለዉ እራሳቸዉን በእራሳቸዉ ከሚያስተዳድሩ ክልሎች ያነሰ መሆኑ ገሀድ የወጣ ሀቅ ነዉ፡፡ የደቡብ ክልል አወቃቀር እኛ ሲዳማዎች የመጣንበትን አከባቢ ስንጠየቅ እንኳን ብለን እንድንመልስ የሚያስገድድ በመሆኑ ሲዳማነታችንን በአገር ደረጃም ሆነ በዉጭዉ አለም እንዳናስታዉቅ የሚያደርግ ነዉ፡፡ ባህልን ከማሳደግና ማስተዋወቅ አንጻር የሚዲያ አጠቃቀም ሊጠቀስ ይችላል [ሁሉም ክልሎች በመንግስት ሚዲያ በራሳቸዉ ቋንቋ የአየር ሰዓት አላቸዉ]፡፡ በፌደራል መስሪያ ቤቶች፣ በአዲስ አበባ መስተዳድር እንዲሁም በኤምባስዎች ለሲዳማ የተሰጠዉ ዉክልና አለ የማይባል መሆኑም ለአብነት የሚጠቀስ ነዉ፡፡ ይሄስ ክልል የመሆንን ጥያቄ ለማቅረብ ማስረጃ አይሆንም? 
Requests


የበጀት ድልድሉን በሚመለከት አቶ ሸፈራዉና ተከታዮቻቸዉ የሚነግሩን የሲዳማ ህዝብ አሁን እያገኘ ያለዉ በጀት ክልል ቢሆን ከሚያገኘዉ የተሻለ እንደሆነ ነዉ፡፡ አቤት ዉሸት! መዋሸትን ለምደዉት እንጂ የኃጥአቶች ሁሉ ቁንጮ ኃጥአት መሆኑን ማን በነገራቸዉ!!

ክልል ባለመሆናችን ያጣንዉ ነግር የለም ለሚሉት ለነሽፈራዉና ጓዶቹ፤ ሌሎች ማህበራዊ፣ ኢኮኖሚያዊና ፖለቲካዊ ምክንያቶች ባሉበት ሆነዉ በጀት ክፍፍሉን በሚመለከት ትንሽ አብነት ማቅረብ አስፈላጊ ሆኗል፡፡ (ሰንጠረዠ 1 ይመልከቱ)
ሰንጠረዠ 1 የ2005 የክልሎች በጀት ድጋፍ


የመረጃዉ ምንጭ፡ http://www.csa.gov.et/ እና http://www.mofed.gov.et/

በአገሪቱ ደረጃ የፌደራል በጀት በቀጥታ ድጎማ የሚደረግላቸዉ አዲሰ አበባንና የደሬዳዋን ከተሞች ጨምሮ 11 ክልሎች አሉ፡፡ ከላይ በሠንጠረዠ 1 እንደተመለከተዉ በህዝብ ብዛት በኢትዮጵያ ስታቲስቲክስ ባለስልጣን መረጃ መሠረት አሮሚያ፣ አማራ፣ ሶማሌ እና ትግራይ ከ1ኛ እስከ 4ኛ [5ኛዉ ሲዳማ ነዉ] ያለዉን ደረጃ ሲይዙ፤ በመሬት ስፋት ደግሞ አሮሚያ፣ አማራ፣ ቤንሻንጉል እና ትግራይ ከ1ኛ እስከ 4ኛ ያለዉን ደረጃ ይይዛሉ፡፡ በህዝብ ጥግግት (population Density) አማራ፣ ትግራይ፣ ኦሮሚያ እና አፋር ከፍተኛዉ 164 ሰዉ በካሬ ኪ. ሜ አነስተኛዉ 22 ሰዉ በካሬ ኪ. ሜ በመሆን እስከ አራተኛ ያለዉን ደረጃ ይይዛሉ፡፡ የበጀት ክፍፍሉ ሲታይ አሮሚያ (18,320,035,577) ፣ አማራ (13,060,776,134) ፣ ደቡብ (11,330,237,388) ፣ ሶማሌ (4,588,464,296) እና ትግራይ (4,047,318,629) ከ1ኛ እስከ 5ኛ ያለዉን ደረጃ በመያዝ የአንበሳዉን ድርሻ ይይዛሉ፡፡ 
ከላይ የተዘረዘረዉ መረጃ መንግስት በይፋ ያወጣዉ/ያሳተመዉ መረጃ ነዉ፡፡ በዚሁ መሰረት ምንም እንኳን የሲዳማ ህዝብ ብዛት ከ5ሚሊዮን በላይ እንደሚሆን ቢታወቅም መንግስት ባወጣዉ መረጃ መሰረት ከትግራይ ቀጥሎ በ4ኛ ደረጃ ላይ ይገኛል፡፡ የ ካሬ ኪ.ሜ የሰፈር ሰዉ ብዛት ሲታይ 521 ሰዉ በአንድ ካሬ ኪ.ሜትር በማስፈር ከሁሉም ክልሎች አንደኛ ደረጃ ሲይዝ ይህም ህዝብ ተጠጋግቶ ኖረ ማለት ብዛት ያለዉ መሰረተ ልማት ይፈልጋል ማለት ነዉ፡፡ ሌላኛዉና ዋነኛዉ የበጀት ክፍፍል ፍትሀዊነት አመልካች የነፍስ ወከፍ በጀት ወይም በጀት ለህዝብ ብዛት ተካፍሎ የሚገኘዉ ዉጤት ነዉ፡፡ በዚሁ ዉጤት መሰረት እነ ሐረሪ፣ ጋምቤላ፣ ድሬዳዋ፣ ቤንሻንጉል ጉሙዝ እና አፋር ከ 1100 ብር በግለስብ/በነፍስ ወከፍ የሚደርሳቸዉ ሲሆን ሶማሌ፣ ትግራይ፣ አማራ፣ ከኦሮሚያ (585) በስተቀር እያንዳንዱ ሰዉ በነፍስ ወከፍ ከ600 ብር በላይ ይደርሰዋል፡፡ የሲዳማ ህዝብ ግን በነፍስ ወከፍ የሚደርሰዉ ብር 345 ብቻ ነዉ፡፡ ይህ ጉዳት አይደለም?
በሌላ በኩል የሲዳማ ዞን በ2005 ዓ.ም የደረሰዉ በጀት ብር 1,174,548,789 ሲሆን ከሲዳማ ዞን በህዝብ ብዛትም ሆነ በሌሎች አመልካቾች ብዙም ልዩነት የሌላቸዉ፤ ነገር ግን ክልል በመሆናቸዉ ብቻ የሲዳማን ሦስትና አራት እጥፍ በጀት እንደተመደበላቸዉ ከሰንጠረዠ 1 መመልከት ይቻላል፡፡ ይሄስ ጉዳት አይደለም? በቀላል አገላለጽ፡- እራሳቸዉን በራሳቸዉ በማስተዳደር ለፌደራል መንግስት ተጠሪ የሆኑት ክልሎች ከዋናዉ ኬክ/ዳቦ ድርሻቸዉን የሚያገኙ ሲሆን ሲዳማዎች ግን ከቁራሹ እንደገና ተቆራርሶ የሚሰጣቸዉ መሆኑ በራሱ ፍትሃዊነት የሌለዉ ከመሆኑም ባሻገር ድርሻችንንም ዝቅተኛ አድረጎታል፡፡
ከፌደራል መንግስት ከሚገኘዉ በጀት ሌላ የሲዳማ ህዝብ ባለቤትነት ያላቸዉ የልማት ድርጅቶች (ኤስ ዲ ፒ፣ ኤስ ዲ ሲ፣ ፉራ ኮሌጅ፣የሲዳማ ልማት ማህበርና ማይክሮ ፋይናንስ) ተሽመድምደዉ እንዲወድቁ በማድረግ ህዝቡ በራሱ ተማምኖ አካባቢዉን እንዳያለማ አድርገዋል፡፡ በቅርብ ጊዜ የሲዳማ ቡና በአገር አቀፍ ገበያ እንዲወድቅ የተደረገዉም የሲዳማ ነጋደዎችን የገንዘብ አቅም በማዳከም በባንኮች ዕዳ ተይዘዉ የመብት ጥያቄ እንዳያነሱ ለማድረግ ነዉ፡፡ 
የበጀቱን በዚሁ እናብቃና በህዝባችን ላይ እየደረሰ ያለዉ እስራትና እንገልትስ? በተለይም በክልልም ሆነ በፌደራል የሉት ‹የደቡብ ክልል› ተወካዮች በሲዳማ ህዝብ የዉስጥ ጉዳይ ላይ እየወሰኑ ህዝብ ወደ ልማት እንዳይገባ በየወቅቱ ሰይጣናዊ አጀንዳ እየፈበረኩ ህዝብ በስጋት ውስጥ እንዲኖር እደረጉ አይደለምን?


የተከበርከዉ የሲዳማ ሕዝብ፡- እኛ የተሻለ ነገር ስንጠብቅ እነ ሽፈራዉ አቋማቸዉን ለይተዉ ክልል መሆን እንደማንችል እንዲሁም የሀዋሳ ከተማ አስተዳደር በስብጥር እንዲሆን ወስነዉ በመንግስት ሬዲዮና ቴሌቪዥን ነግረዉናል፡፡ በነገራችን ላይ ይህንን ዉሳኔ ያስተላለፉ እንጂ በተጠቀሱት ጉዳዮች ላይ የሲዳማን ህዝብ ወክለዉ የመወሰን ስልጣን የሌላቸዉ መሆናቸዉን ልናዉቅ ይገባል፡፡ 

እኛ ግን በሁሉም መስፈርት እራሳችንን በራሳችን የማስተዳደር ወይም ክልል የመሆን መብታችንን ለማስከበር ከምን ጊዜዉም በበለጠ መነሳት ይኖርብናል፡፡ ስለዚህም በየደረጃዉ የዉሸት አጀንዳቸዉን ይዘዉ ለሚመጡ የሽፈራዉ ተላላኪዎች እዉነቱን አስረግጠን ልንነግራቸዉ ይገባል፡፡ እዉነት የሆነዉና እዉነትንም የሚወድ አምላክ መከናወን ይሰጠናል፡፡
http://www.facebook.com/groups/289317227830513/permalink/339853706110198/



አዲስ አበባ፤ ጥቅምት 2/2005/ዋኢማ/ - የኢትዮጵያ ሰብዓዊ መብት ኮሚሽን በተባበሩት መንግስታት ያቀረበው የእውቀና ጥያቄ በመጪው ህዳር ወር ምላሽ ሊያገኝ እንደሚችል ኮሚሽኑ አስታወቀ።

ኮሚሽነር አምባሳደር ጥሩነህ ዜና በተለይ ለዋልታ ኢንፎርሜሽን ማዕከል እንደገለፁት፤ ኮሚሽኑ በመጪው ህዳር ወር ውሳኔ ከሚያገኙ ሀገራዊ የሰብዓዊ መብት ተቋማት ዝርዝር ውስጥ ይገኛል። 

ጥያቄው ተቀባይነት ካገኘ በ2000 ዓ.ም የተቋቋመው የኢትዮጵያ ሰብዓዊ መብት ኮሚሽን የአለም አቀፉ የብሔራዊ የሰብዓዊ መብት ተቋማት መረብ አባል ይሆናል። 

የዓለም ዓቀፉ መረብ አባል መሆን የሚያስገኘውን ጠቀሜታ አስመልክተው ኮሚሽነሩ ሲናገሩ የሰብዓዊ መብት ኮሚሽኑ እንደ የኢትዮጵያ ልዑክ ቡድን ሳይሆን እንደ ባለ ሙሉ መብት አባል በሀገሪቱ ውስጥ ስላለው የሰብዓዊ መብት አያያዝ ለዓለም አቀፉ ማህበረሰብ ለማቅረብ  እድሉን ይከፍትለታል። 

በተባበሩት መንግስታት መድረኮች ላይም ኮሚሽኑ መድረክ ተሰጥቶት አቋሙን ማንፀባረቅ እንዲችል ያደርጋል። ይህም የተቋሙን ተሰሚነት እንደሚያሳድገው ኮሚሽነሩ አክለው ገልፀዋል።

ብሄራዊ የሰብዓዊ መብት ተቋማት የአባልነት ጥያቄያቸው ተቀባይነት የሚያገኘው የፓሪስ መርሆዎች የሚያስቀምጠውን ትንሹን መስፈርት ማሟላት ከቻሉ ነው። በዚህም መሰረት የ’ኤ’ እና ‘ቢ’ ደረጃ ይሰጣቸዋል።

የአባልነት ጥያቄ ከማቅረብ በፊት የኮሚሽኑን ተቋማዊ ደረጃ የማሻሻል ስራዎች እንደተሰሩ የገለፁት ኮሚሽነር ጥሩነህ፤ በአሁኑ ወቅትም ኮሚሽኑ በሀገሪቱ ውስጥ ያለውን ተደራሽነት በማስፋት፣ አቅሙን በማሳደግና የምርምርና ሪፖርት ስራዎችን በማሳተም ረገድ ብዙ ስራዎች መከናወናቸውን ተናግረዋል።

የዛሬ አምስት አመት ስራውን በአዲስ አበባ ብቻ የጀመረው የኢትዮጵያ ሰብዓዊ መብት ኮሚሽን፤ በአሁኑ ወቅት በአዋሳ፣ ባህርዳር፣ መቀሌ፣ ጂማ፣ ጋምቤላና ጅጅጋ ቅርንጫፎችን ከፍቷል። የነበሩትንም ባለሙያዎች ከ20 ወደ 200 ማሳደግ ችሏል።

ከዩኒቨርስቲዎችና መንግስታዊ ካልሆኑ ድርጅቶች ጋር በመተባበርም ዝቅተኛ ገቢ ላላቸው የማህበረሰቡ ክፍሎች ነፃ የህግ አገልግሎት የሚሰጡ 112 የህግ አገልግሎት ማዕከላት በመላው ሀገሪቱ መከፈታቸውንም ኮሚሽነሩ ለዋልታ ገልፀዋል።

በቀጣይም ኮሚሽኑ ተደራሽነቱን የማስፋት ስራውን አጠናክሮ በመቀጠል በየወረዳው ስምንት የነፃ ህግ አገልግሎት መስጫ ማዕከላት ለመክፈት እንደሚፈለግና ሶስት አዲስ ቅርንጫፎችንም በሌሎች ክልሎች ለመክፈት እቅድ መያዙን አክለው ተናግረዋል።

በኮሚሽኑ አነሳሽነትም በፍትህ ሚኒስቴር የሚመራ የብሔራዊ ሰብዓዊ መብት የድርጊት መርሀ ግብር የማዘጋጀት ስራ እየተከናወነ ሲሆን፤ የብሔራዊ ሰብዓዊ መብት የድርጊት መርሀ ግብሩ ረቂቅ ዝግጅት መጠናቀቁን አምባሳደር ጥሩነህ ተናግረዋል። በአሁኑ ወቅት የሶስት ዓመት የድርጊት መርሀ ግብሩ ለፍትህ ሚኒስቴር መቅረቡንም አክለው ጠቁመዋል።

ፍትህ ሚኒስቴር ካየው በኋላ በሚኒስትሮች ምክር ቤት አማካኝነት ለህዝብ ተወካዮች ምክር ቤት ቀርቦ ከፀደቀ የህግ ሰነድ ሆኖ ያገለግላል።

የድርጊት መርሃ ግብሩ ፀድቆ መውጣት የኮሚሽኑ የሚያካሄዳቸውን በርካታ ስራዎች በማሟላት በኩል ከፍተኛ ጠቀሜታ እንደሚኖረው የተናገሩት ኮሚሽነር ጥሩነህ፤ ኮሚሽኑ ለተግባራዊነቱ ከመንግስት ጎን ሆኖ እንደሚሰራ ለዋልታ ኢንፎርሜሽን ማዕከል ገልፀዋል።


አዲስ አበባ፤ ጥቅምት 2/2005 (ዋኢማ) - የደቡብ ኢትዮጵያ ህዝቦች ዴሞክራሲያዊ ንቅናቄ (ደኢህዴን) ማዕከላዊ ኮሚቴ ሀገራዊ ግቦችን ለማሳካት ያመራር ሚናውን ከምንግዜውም በላቀ ቁርጠኝነት ለመወጣት መዘጋጀቱን አስታወቀ፡፡

ማዕከላዊ ኮሚቴው የእድገትና የትራንስፎርሜሸን እቅዱን የሁለተኛ አመት አፈጻጸም ግምገማውን ለታላቁ መሪ አቶ መለስ ዜናዊ የህሊና ጸሎት በማድረግ ጀምሯል፡፡

የደኢህዴን ማዕካላዊ ኮሚቴ በመደበኛ ስብሰባው በታላቁ መሪ የተቀየሱት፣ መላውን ህዝብ ተሳታፊና ተጠቃሚ እያደረጉ የሚገኙት ፖሊሲዎችና ስትራቴጂዎችን በላቀ ቁርጠኝነት በሚፈፀሙበት ሁኔታ ላይ በዝርዝር ተወያይቷል፡፡ 

በዚህም የጠቅላይ ሚኒስትር መለስ ዜናዊን ህልፈት ተከትሎ ህዝቡ ከጫፍ ጫፍ ያሳየውን ቁጭት በተደራጀ መንገድ ለመምራት፣ በየደረጃው የሚገኙ ድርጅታዊ፣ መንግስታዊና ህዝባዊ መዋቅሮችን ተቋማዊ በማድረግ የህዳሴውን ጉዞ ለማፋጠን የሚያስችሉ የአፈጻጻም ስልቶችን በመቀየስ ተግባራዊ እንዲሆኑ ወስኗል፡፡

በገጠር ስራዎች በተለይም በአካባቢ ልማት አና ጥበቃ የተሻለ አፈጻጸም መመዝገቡን የገመገመው ማዕከላዊ ኮሚቴው በበልግ እና በመኸር የግል ማሳ ስራዎች ረገድም በአንዳንድ አካባቢዎች መልካም ውጤት መመዘግቡን አረጋግጧል፡፡

ምርታማነትን ለማሳደግ የቴክኖሎጂ ግብአቶችን በመጠቀም ረገድ የነበሩ ክፍተቶችንም ለይቷል፡፡

ኢሬቴድ እንደዘገበው ማዕከላዊ ኮሚቴው በከተሞች፣ በቤቶች ልማትና በመሰረተ ልማት የተሻሉ ተግባራት ቢከናወኑም በመልካም አስተዳደር ረገድ የሚስተዋሉ ጉደለቶችን ማረም እንደሚገባ ነው ያስገነዘበው፡፡

መስከረም 30/2005 የተጀመረው የማዕከላዊ ኮሚቴው መደበኛ ስብሰባ በ2005 በሁሉም መስኮች የነበሩ ጥንካሬዎችንና ጉድለቶችን በጥልቀት በመገምገም የ2005 እቅድ አቅጣጫዎችን ይወስናል ተብሎ እንደሚጠበቅ የደኢህዴን ጽ/ቤት የላከልን ዘገባ ያመለክታል፡፡




Sidama times የዜና መጽሔት የተገኘ
ህገ-መንግስቱ ያገሪቱ የበላይ ህግ ነው የተባለው ድንጋጌ ይከበር!!
ውድ አንባቢዮቻችን እንደ ምን ሰነበታችሁ? በባለፈው ፁሑፋችን የሲዳማ ህዝብ ክልል የመሆን ጥያቄ በህገ- መንግስቱ እይታ ሲፈተሸ ምን ገፅታ እንዳለው ባጭሩ ለማስቃኘት መመኮራችን ይታወሳል፡፡ በዛሬው አጭር ፁሑፋችን የሲዳማ ህዝብ ክልል ባለማግኘቱ የተጎዳባችሁን ሁኔታዎች እንቃኛለን፡፡ መልካም መቆይታ
በቀደመው ፁሑፋችን ለማንሳት እንደሞከርነው የሲዳማ ህዝብ ክልል የመሆን ጥያቄ በቅርብ ጊዜ የተጀመረ እንዳልሆነና ለዘመናት ይህንን ጥያቄ ህዝባች ሲያነሳ የቆየ፡ ነገር ግን ህጋዊ ምላሽ ተነፍጎን እንደኖረ አይተናል፡፡
አንባገነኑ የደርግ ስርዓት እንዲዳከምና በኃላም እንዲንኮታኮት ከፍተኛ የሆነ የትጥቅ ትግል በማድረግ ለሀገሪቱ ነፃነትና ለዲሞክራሲ ማደግ ከፍተኛ ሚና የተጫወት ህዝብ ነው የሲዳማ ህዝብ፡፡ የሀገሪቱ የፖለለቲካ ምህዳር ሲቀየርና የፌደራሊዝም ስርዓት እንደብቸኛ አማራጫ ተደርጎ ሲወሰድ የሀገራችን ለየት ብሎ የጎሳ ፌደራላዊ ስርዓት ሆኖ ተዋቅሯል፡፡
ይህ የፌደራል ስርዓት ለአብዛኞዎቹ ብ//ሕ በወቅቱ አንግቦት ለነበረው ጥያቄ ምላሽ ለመስጠት ታስቦ የተወሰደ እርምጃ ይመስላል፡፡ ይህ በጎሳ የመከፋፈል እርምጃ ከሀገሪቷ አንድነት እይታ ትክክለኛ ነው አይደለም የሚለውን አሁን አንመለከተውም፡፡ የብ//ሕ ጥያቄው ምላሽ ማግኘት አለበት ሲባልም የተለያየ እንድምታ ያለው ይሆናል፡፡ ግማሾቱ የመገንጠል ጥያቄ፣ ግማሾቹ እራስን በራስ የማስተዳደር ጥያቄ፣ ለሎቹ ደግሞ ለፖለቲካ መንበረ ስልጣን ወዘተ ጥያቄዎችን አንግበው የሚንቀሳቀሱ ነበሩ፡፡
የሲዳማም ህዝብም ያለውን የቆየ የትግል ታሪክና እምቅ አቅሙን ተጠቅሞ ቢያንስ በክልል ደረጃ ሊዋቀር ይግባል የሚል እምነት የነበነረ ቢሆንም ሳይሆን ቀረ፡፡ ይህም በመሆኑ ለበርካታ ችግሮችና እንግልቶች ልንዳረግ የግድ ሆኖዋል፡፡ የምንከተለው የጎሳ የፌዴራሊዝም ስርዓት በቋንቀቋና በጎሳ አንድ/ ተመሳሳይ የሆኑትን ህዝቦች አንድ ላይ በማደራጅት ክልሎችን መመስረት የሚል ሲሆን መበተቃራኒው እኛ ደግሞ ለጭቆና አገዛዝ ለመዳረግ በቅተና፡፡ እስቲ የሚከተለውን በዝርዝር እንመልከት፡-
  1. በመጀመሪያ ደረጃ ያጣነው ነገር ቢኖር የማንነታችን አለመከበሩና ህልውናችን መነካቱ ነው፡፡ የሲዳማ ህዝብ በብዙ ሚሊዮኖች የሚቆጠር አንጋፋ ህዝብ ነው፡፡ በመልከዓ ምድር አቀማመጥም በጣም ስፋት ያለውን ደቡባዊ የሀገሪቱን ጂኦግራፊያዊ ክልልን ይሸፍናል፡፡ በሀብት ክምችትም በጣም የተደላደለ ሀገር ነው፡፡ ሰው ያጎደለብን እንጂ ተፈጥሮ ያጎደለብን ነገር የለም ይህ አንጋፋ ህዝብ ክልል መሆን ያንሰዋል እንጂ አይበዛበትም፡፡ ምክንያቱም አንድ ሉአላዊ ሀገር መሆን የሚችል ህዝብ ነውና፡፡ ይህ ህዝብ ለሌሎች አናሳ ብሔረሰቦች የተሰጠው ክልል ሳይሰጠው ቀርቶ በሀገሪቱ ውስጥ ዝቅተና ቦታና ግምት ተሰጥቶት ክብር ተነፍጎት ለመኖር ተገዷል፡፡ የሚገባንን ክብር አላገኘንም ክብር የሰው ልጅ መሰረታዊ ነገር ነው፡፡ ያለክብር መኖር አይቻልም !!
ክልል በመከልከል በሀገሪቱ ውስጥ ሊኖረን የሚችለውን የፖለቲካ ተፅኖና ቦታ በመንፈግ ክባራችንን ነክተውብናል መርዛማዎች ደህዴኖች፡፡ የሲዳማ ጠቅላይ ግዛት፡ በኃላም የሲዳማ ፣ክ/ሀገር የሚለውን ገናና ስማችንን አጥፍተው ደረጃችንና ክብራችንን በማዋረድ በህልውናች ላይ ተጫውተውብና
፡፡ ዝቅ አድርገውናል፤ አዋርደውናል፡፡ አንድ ህዝብ ክብሩንና ማንነቱን ሳያስከብር ስለሌላ ጥቅም መናገር ይከብዳል ክብር ቀዳሚ ነውና፡፡ ፈጣሪ ክቡር አድርጎ የፈጠረን ሲሆን ክልላችንን በመከልከል ክብራችንን ቀምተውናል፡፡ ነገር ግን እግዚአብሔር በቅርብ ቀን ክብራችንን ይመልሳል፡፡ አሜን!!
  1. በሁለተኛ ደረጃ ህገ- መንግስቱ ለብ// ያጎናፀፈው እራስን በራስ ለማስተዳደርና የራስን እድል በራስ የመወሰን መብት አጥተናል፡፡ የራሳችንን እድል በራስ የመወሰን እስከ መገንጠል የሚለውን የህገ-መንግስታዊ መብታችንን ተነፍገናል፡፡ ራሳችንን በራሳች መምራትና ማስተዳደር አልቻልንም፤ የኛን ጉዳይ የሚወስኑ ቁልፍና ወሳኝ ቦታዎችን የተቆጣተሩት የፀረ- ሲዳማ ህዝብ ሀይሎች በመሆናቸው ህዝባችን በባሰ ችግር ቀንበር ስር ለመውደቅ በቅቷል፡፡ በደልንና ጭቆናን በመቃወም የደም ዋጋ ከገበረ በኃላ ቀን ይወጣልኛል ብሎ ብሩህ ተስፋን ሰንቆ የታገለው ኩሩና ጀግና የሲዳማ ህዝብ ዳግመኛ በባሪያዎች ባርነት ቀንበር ስር ሊወድቅ ችሏል፡፡ ደኢህዴን የሚሊሉት ሰይጣናዊ ተልኮን ያነገበውን የፀረ-ሲዳማ ህዝብ ድርጅት የሚመሩትን የሲዳማ ጠላቶች በመሆናቸውና የሲዳማ ህዝብ ክብር እንዲነካ ሌት ተቀን የሚረባረቡ በመሆናቸው ይህንን እቅዳቸውን ለማሳካትም ያለእረፍት በመስራት ህዝባችንን በተደጋጋሚ ለታሪካዊ በደል ዳርገዋል፡፡


  1. ራሳችንን በራሳችን ብናስተዳድርና ክልል ብንሆን ኖሮ ለለሲዳማ ህዝብ ጠላት ተኩላዎች ተላልፈን አንሰጥም ነበር፡፡ የሲዳማ ህዝብ ለማዋረድ፣ ሁለመናው እንዲመናመን በመስራት ህዝባችንን የጥፋት ሴራ ቤተ-ሙከራ ያደረጉን እኮ የክልል ጥያቄያችን ባለመመለሱ ነው፡፡ እያንዳንዱ የፖሊሲ እስትራቴጂያዊ አቅጣጫ በሲዳማ ህዝብ ላይ ይሞከርና ውጤቱ ለሌሎች ይሆናል፡፡ ህዝባችንን ሌት ተቀን እያናጉ እረፍት የሚከለክሉንና እድገታችንን የሚያደናቅፉት ደኢህደኖች እኮ ክልል ባለመሆናችን ብቻ ነው፡፡ በሲዳማ ምድር ያነገሳቸውም ይህ ነውና፡፡ እኛ ክልል ብንሆን፡ እራሳችንን በራሳችን ብንመራ፡ ባህላዊ እሴቶቻችንን አካትተን ህዝባችንን የሲዳማን ንፁህ ወግና ባህል ባካተተ መልኩ ብናስተዳድር ኖሮ ሲዳማችን ከእኛም አልፎ ለሌሎች ጭምር ተስፋ መሆን ትችል ነበር፡፡
  2. በመገናኛ ብዙኸናቸው የስድብ ሰለባ ሆነናል፡፡ ደኢህደኖች መላውን የሲዳማ ህዝብ ሌቦች፣ ኪራይ ሰብሳቢዎች፣ ጠባቦች፣ ትምኪተኞች፣ ዘረኞች ወዘተ በማለት የህዝባችንን ክብርና ህልውና የሚነካ ስራ ይሰራሉ፡፡ አንድ ግለሰብ ባጠፋ ጥፋት መላውና ገናናው ህዝባችን ይሰደባል፡፡ ሲዳማን ማዋረድና ማንቋሸሽ የክልሉ ባለስልጣናት ሰይጣናዊ ቀዳማዊ ተልኮ በመሆኑ፡፡ በራሳችን ክልል ማን ይሰድበናል? የራሳችንን ድክመት አርመን ወግና መልካም ባህላችንን በመጠበቅ በክብር እንኖራለን፡፡ እነሱም የኦሮሞንና የትግራይ ክልል ህዝብ እንዳልሰደቡና እንዳልነኩ እኛም አንጀታቸው እያረረ ክልል ብንሆን ይህ ሁሉ ይቀራል፡፡
  3. ያለንን እምቅ የተፈጥሮና የሰው ሀብት በመበዝበዝ ለድህነት ዳርገውን አቅማችን በሁሉም ዘርፍ እንዲዳከም አድረገውናል፡፡ የሲዳማን ሀብት ሌሎች እንዲመዘብሩ በማድረግ ሌቦችን በመሾም፡ ለህዝብ የሚወግኑትን የሲዳማ ልጆች በማሰርና በማሳደድ እንድንደኸይ አደረጉን፡፡ ያለንን እምቅ ሀብት ተጠቅመን በእድገት ጎዳና ከመራመድ ፋንታ ሀብታችንን በመቀራመት የሲዳማን ልጆች ለረሀብ እንዲጋለጡ አድርገዋል፡፡ የሲዳማ ሀብት ተጠቃሚዎች የገዢው መደብ አባላትና ጥቂቶች ህዝብ የጣለበትን ኃላፊነት የካዱ ግለሰቦች ብቻ ናቸው፡፡ የእግዚአብሔር ፍርድ በቀረበ ጊዜ ግን ይህ ሁሉ መስመሩን ይይዛል፡፡ ጠላታችን ደኢህዴን የሚረባረበው ሲዳማን ለማደኸየት እንጂ ህዝብን በእድገት ጎዳና ለመምራት የሚያስብና የሚያስገድድ አዕምሮ የለውም እነሱም ለመጥቀም የቆሙላቸው የተለየ ወገን ያላቸው በመሆኑ!!
  4. ባለን ሀብትና የሰው ሀይል አቅም መሰረትም በክልልና በማዕከላዊ መዋቅር ውስጥ ሊኖረን የሚገባው የህዝባችን ተወካይ አለመኖር ሌላኛው የህዝባችን ችግር ነው፡፡ ከህዝብ ብዛት በጣት የሚቆጠሩ ጎሳዎች በህዝብ ተወካዮች ም/ቤት እስከ 6 የሚሆኑ ሚኒስትሮችና ተወካዮች ያሏቸው ሲሆን ከ 6 ሚሊዮን በላይ የሚሆነው የሲዳማ ህዝብ ግን አንድ ሚኒስተር ብቻ እንዲኖረው ተደርጓል፡፡ ክልላችንን በራሳችን ብናስተዳድር ይህ ሁሉ በደል ይቆምና ተመጣጣኝ የሆነ ውክልና በማግኘት የህዝባችንን ክብር፤ ጥቅምና መብት እናስከብራለን፡፡
  5. የህዝብን ብዛትና የክልልን መንግስት መሰረት በማድረግ የሚመደበው በጀት በመቅረቱ እጅግ በጣም ለጉዳት ተዳርገናል፡፡ በልማትም ወደ ኃላ ቀርተናል፡፡ ሌሎች ክልሎች በክልልነታቸው በጀት ሲመደብላቸው እኛ ግን ለአንድ ክልል የሚመደበውን በጀት ከ56 //ህዝብ ጋር ለመጋራት ተገደናል፡፡ ይህ ደግሞ ከቆዳ ስፋታችን፣ በመሰረተ ልማት ወደ ኃላ የቀረን በመሆናችን፣ ከህዝብ ቁጥር ብዛታችን… ወዘተ ሲታይ በጣም ዝቅተኛ ይሆናል፡፡ አምስቱ ክልሎች በአንድነት ተደምረው የሲዳማን ህዝብ ብዛት የማይደርሱ ሲሆን ነገር ግን እነዚህ ክልሎች በክልል ደረጃ በጀት ይመደብላቸዋል፤ እኛ ግን ይህ ሁሉ አቅምና ተዛማጅ ችግሮች ያሉብን ቢሆንም ምንም እየተጠቀምን አይደለንም፡፡
  6. በክልልና በሀገር አቀፍ ደረጃ የራሳችን መገናኛ ብዙሀን ቻናል ካለመኖሩ የተነሳ ህዝባችን ማንነቱን ባህሉንና ወጉን ለማሳደግና ለሌሎች እንዲታወቅ ማድረግ አልተቻለም፡፡ ሌሎች ክልሎች የራሳቸው የሆነ የሬዲዮና የቴሌብዥን ጣቢያ ያላቸው ሲሆን የሲዳማ ብሐር ማንነት በአመት አንዴ እንኳን በሚዲያ አይተላለፍም፡፡ በክልልና በሀገር አቀፍ ሚዲያም ቢሆን የሲዳምኛ ሙዚቃ በአመት አንዴም አይጋበዝም፡፡


የተወደዳችሁ ወገኖቻችንን፡ በእኛ ላይ እየደረሰብን ያለውን በደልንና ጭቆናን በዚህ አጭር ፁሑፍ ዘርዝሮ መጨረስ እጅግ በጣም ይከብዳል፡፡ ከላይ ያነሳናቸውንና ሌሎችንም ጉዳዮችንም ብንመለከት በእውኑ አልተጎዳንም አልተረገጥንም ትላላችሁን??
እስቲ አሁን ደግሞ ክልል በመሆናችን የምንጎናፀፋቸውን ጥቅሞች በአጭሩ እንመለከታለን
  1. ከምንም ከምንም በላይ ስማችንንና ክብራችን እንዲጠበቅልን ይረዳናል፡፡ የሲዳማ ህዝብ ኩሩና ክብር ህዝብ እንደሆነ ዳግመኛ ማሳየት፡፡ራሳችንን በራሳችን አስተዳድረን የራስን ዕድል በራስ የመወሰን መብታችን ተጠቅመን የራሳችንን ክልል ሆነን በራሳችን ክልል ከብረን እንኖራለን፡፡ ጠላቶቻችን ያጎደፉትን ስማችንን አስከብረን ሌሎች ህዝቦች ያገኙትን ጥቅም እኛም በእኩልነት ተጠቃሚ እንሆናለን፡፡
  2. ከሁሉም በላይ ደግሞ የሲዳማን ህዝብን ህልውና ለመናድ ለዘመናት ሲሰሩ የቆዩትን የፀረ- ሲዳማ ህዝብ ተኩላዎችን ዓላማ በማክሸፍ ዳግመኛ ላያገኙን ከእጃቸው ነፃ እንወጣለን፤ በባርነት ለመግዛት የሚሯሯጡትን፤ ለዘመናት ደማችንን ሲያፈሱ ከኖሩት ደኢህዴን ተኩላዎች ነፃ ወጥተን የፌደራል መንግስት ጋር ቀጥተኛ ግንኙነት እናካሂዳለን፡፡ ያለ ደኢህዴን አማላጅነት፡፡
  3. ከሁሉም በላይ የሲዳማ ብሔራዊ ክልላዊ መንግስት (Sdama National Regional State ) የሚል አዲስ ክልል በኢትዮጵያ ፖለቲካ እንመሰርታለን፡፡ አካባቢያችንና ከተማችንን ያለምንም ግርግርና ትንኮሳ በሰላም በራሳችን እናስተዳድራለን፡፡ ድንበራችንንና መሬታችንን ከመቸርቸር ተቆጥበን የድሮ ክብራችንን መልሰን በክብር እንኖራለን፤ ጤነኛ የሆነ ማህበረሰብ በንፁህ የሲዳማ ልጆች አዲሲቷን ሲዳማ እንገነባለን፡፡
  4. ያለንን እምቅ የተፈጥሮና የሰው ሰራሽ ሀብት በአግባቡ በመጠቀም( mobilization of immense resource ) በማድረግ ድህነት ከሲዳማ ብሎም ከሀገራችን ኢትዮጵያ እንዲጠፋ በማድረግ ዜጎች የሚያድጉበትን ሁኔታ እንፈጥራለን ክልልም ብንሆን፡፡ ደኢህደኖች ሆነ ብለው አቅደው ሀብታችን እንዲመናመን በማድረግ ድህነት እንዲስፋፋ ያደረጉትን መልሰን እራሳችንን በማልማት ሲዳማችንን የልማት መንደር እናደርጋታለን፡፡
  5. የራሳችን የሆነ የክልል በጀት ይኖረናል፡፡ ከፌደራል መንግስት የሚሰጠንን ድጎማ በማከል ልማታችንን እናፋጥናለን በምፅዋት መልክ የሚሰጠን ስጦታ ይቆማል፡፡ በራሳችን በጀት አካባቢያችንን እናለማለን
  6. የሲዳማ ልጅ በመሆናችን ብቻ ደኢህዴን የሚያደርስብ የእስራት መከራ ይቀራል፡፡ የሲዳማ ልጆች ሙሁራን ኮርተዉና ከበሮ .በእናት ሲዳማ ጉያ ላይ መኖር ይጀምራል፡፡ ጥቂት ሆዳሞች ሳይሆኑ ሙሁራንና ለህዝቡ የሚወግኑ የሲዳማ ልጆች ህዝባችንን ሲዳማን ወደ ፊት ይመሯታል፡፡
  7. በፌደራል ደረጃ በተለያዩ መንግስት መዋቅሮች ተመጣጣኝ የሆነ ዉክልና .በማግኘት የህዝባችንን ጥቅምና ክብር እንጠይቃለን፡፡ የሲዳማ የሆነው ሁሉ የሲዳማ ህዝብ ብቻ እንደሆነ ማሳወቅ፡፡
  8. የሲዳማ ክልል ሬዲዮና ቴሌብቪን ድርጅት በማቋቋም በራሳችን ቋንቋ በመጠቀም ህዝባችንን እናስተምራለን፡፡ ባህልና ወጋችንን እንዲሁም ማንነታችንን ፤የተፈጥሮና ሰው ሰራሽ መሲቦቻችንን ላገር ውስጥና ለአለማ አቀፉ ማህበረሰብ እናሳያለን፡፡ ህዝባችን በባህሉ እንዲኮራ በማድረግ ትክክለኛውን ወቅታዊ መረጃ በቋንቋዉ እናስተላልፋለን፡፡ የሲዳማ ቋንቋ የሚዲያ(media) ቋንቋ ይሆናል፡፡ የሲዳምኛ ዘፈን በሚዲያ (media) መስማት ብርቅ እንደሆነብን አይኖርም ከደኢህደኖች የውሸት ሚዲያና ከስድባቸውም ነፃ እንወጣለን፡፡
  9. የራሳችን የሆነ ማንነታችንን የትግል ታሪካችንን የተፈጥሮ ሀብታችንን የሚያሳይ ሰንደ ቃለማ እናገኛለን(ይኖረናል)፡፡ የሲዳማ ክልል ሰንደ ቃለማ ብሩህ ተስፋችንን የሚያሳይ ይሆናል!!!
  10. የራሳችን የሆነ የክልል ምክር ቤት ህግ አውጪ ህግ፤ አስፈፃሚና የህግ ተርጓሚ አካል ይኖራል፡፡
  11. ህጎች በራሳችን ቋንቋ ይወጣሉ፤ ህዝባች በራሱ ቋንቋ ይዳኛል፤ ከመጀመሪያ ደረጃ እስከ ሰበር ነሰሚ ችሎት በሲዳምኛ ይዳኛሉ፡፡
  12. በመኪኖቻችን ላይ የሲዳማ ህዝብ የሚል ታርጋ ለጥፈን በማንነታችን የምናፍር ሳይሆን የምንኮራበት ሁኔታ ይፈጠራል፡፡ ጠላታችን ደኢህደን ያጨለመብን ተስፋችን እንደገና ፈንጥቆ ተከባብረን በእኩልነትና በነፃነት የምንኖርበት ክልል እንሆናለን፡፡
  • በምዕራብ አውሮፓና የቀድሞው ሶቬት ህብረት ….. ሲበታተን ነፃነታቸውን ያወጁት ሀገሮች በቆዳ ስፋትና በህዝብ ብዛት የሲዳማ ህዝብ በብዙ እጥፍ የማያንሱ ናቸው፡፡ እኛ ክልል መሆን አንችልም ከሚሉን የሟርተኞች ቀልድ አልፈን ሀገር መሆን የምንችል ህዝብ ነን፡፡
ይህ ደግሞ እውን መሆን የሚችለው እያንዳንዱ ተወላጅና ዜጋ የሚጠበቅበትን የዜግነት ግዴታ ሊወጣ ይገባል፡፡ ከላይ በዝርዝር የተገፁ እውነታዎች በምኞትና በህልም የሚሳኩ ሳይሆን በብርቱ ትግልና በቁርጠኝነት ራስን መስዋዕት በማድረግ ጭምር ነው፡፡ የጥንት የሲዳማ ዔጄቶዎች እነ አሊቶ ሄዋኖ ‘አይኔን አልጨፍንም ለመጪው ትውልድ እንዳጨልም ብለው ለእኛ ብርሃን አስረክበዋል፡፡ እነ ግራ አዝማች የተራ ቦሌ ሲገደሉ ‘ወደ ማዕከላዊ ሲዳማ ሀገር ሸሽቼ ከሞትኩ ለሲዳማ መሬት ይጠባል ’ በማለት ሩቅ ቦታ ተይዘው በመሄድ የሞት ፅዋ በመቅመስ ታላቋን የበረታች የዛሬይቱን ሲዳማ አስረክበዉናል፡፡
ውድ የትግል ጓደኞቻችን፤ ይህንን እውነታ ልብ በማለት በማስተዋል እስከመጨረሻው በመታገል የህዝብ ጥያቄ ምላሽ እንዲያገኝ መረባረብ ይኖርባችኃል፡፡ በሚቀጥለዉ እትማችን የሲዳማ ህዝብ ጠላት የሆነዉ ደኢሀወዴን የክልል ጥያቄያችንን ለማክሸፍ እያደረገ ስለሚገኘዉ መሰሪ ተግባር እንመለከታለን፡፡ ቸር እንሰንብት፡፡
ድልና ድምቀት ለተሰው ሰማዕታትና ለሰፊዉ ሲዳማ ህዝብ!!