Nomonanoto Show

Thursday, September 20, 2012


አቤ ቶኪቻው 


Image

ኃይለማርያም ደሳለኝ በጠቅላይ ሚኒስቴሩ ወንበር ላይ ለመቀመጥ ቤተመንግስቱ በራፍ ላይ ቆመዋል። ለነገሩ እንኳ ሰውየው ደጃፍ ላይ ከቆሙ ቆይተዋል። ነገር ግን የኢህአዴግ ሰዎች “አናስገባም ሰርገኛ እደጅ ይቆይ…” ብለው ደጅ ሲያስጠኗቸው ሰነባበቱ። ይገበሉ ተብሎ ሲጠበቅ የነበረው ቢያንስ ኢቲቪ እና የመንግስት “ባሉካዎች” የጠቅላይ ሚኒስሩን ሞት በሰሙ በሁለት እና ሶስት ቀናት ውስጥ ነበር። ነገር ግን ይኸው ዛሬም ገና ፓርላማው ጠቅላይነታቸውን እስኪያፀድቅላቸው እንደ ቆሎ ተማሪ ደጅ መቆም ግዴታቸው ሆኗል።

አቶ ሀይለማሪያም የኢህአዴግ ሊቀመንበርነትን ስልጣን ከያዙ በኋላ ለመጀመሪያ ጊዜ “ሲሲቲቪ” ለተበለ ቴሌቪዥን ጣቢያ በሰጡት ቃል “የእኔ አመራር የጋራ አመራር መርህን የተከተለ ነው” ካሉ በኋላ፤ “እንደሚታወቀው የመለስም አመራር ለግለሰብ የበላይነት ቦታ የማይሰጥ የቡድን ስራ የጎላበት አመራር ነበር” ብለው የማናውቀውን ነገር ነግረውናል። እውነቱን ለመናገር እኛ የምናውቀው አቶ መለስ “ሁሉን ቻይ” የነበሩና ሁልገዜም ብቻቸውን እንጂ በጋራ ሲሰሩ አላየንም። እርግጥ ደንብ ነውና ሙትን ሲያነሱ ደግ ደጉን ነው። ስለዚህ ስለ መለስ የሚያወሩት በሙሉ ፅቡቅ ፅቡቁን ቢሆን ግድ የለም…

መምህር ኃይለማሪያም ሆይ መለስን ለአሁኑ እንተዋቸው እና በእርስዎ ጉዳይ እናውጋ… እናልዎ… አሁን ሜዳው ሜዳውም ፈረሱም በእጅዎ ነው። እንግዲህ በቅጡ መጋለብ የእርስዎ ፈንታ ነው።

መምህር ሆይ ይቅርታ አንድ ጊዜ ወደ መለስ መለስ እንበልና አንድ ነገር ሹክ ልበልዎትማ ባለፈው ጊዜ የመለስ ለቅሶ ላይ ጥቁር በጥቁር ለብሶ “እንባ የተራጨው” ህዝቡ ሁላ ከኢህአዴግ ጎን ነው ስለዚህ እንዳሻኝ እሆናለሁ ብለው እንዳይሸወዱ… ልብ ያድርጉልኝ “እንባ የተራጨው” የምትለዋ ቃል ራሱ ያለችው በትምህርተ ጥቅስ ውስጥ ነው። ለምን ትምህርተ ጥቅስ ውስጥ እንደገባች በአዲስ መስመር ላይ ልንገርዎት…

በጉለሌ ክፍለከተማ በሆነው ቀበሌ ውስጥ የቀበሌው አስተዳደር ለመለስ ለቅሶ ድንኳን ደኩኖ ነበር። ታድያልዎ… አስለቃሹ የቀበሌ አስተዳደር በየቤቱ እየዞረ “በዛሬው ዕለት ጋዜጠኞች ስለሚመጡ ሁሉም ነዋሪ በነቂስ ወጥቶ በድንኳን ውስጥ እንዲያለቅስ” ሲል አዘዘልዎ። የቀበሌው ሰውም ታዛዥ ነውና እሺ ብሎ ጥቁር ልብስ ያለው ልብሱን ልብስ የሌለው ደግሞ ፊቱን አጥቁሮ ወደ ለቅሶው ድንኳን አመራልዎ። ምን ዋጋ አለው አንድ ሁለት ሶስት ተብሎ ለቅሶ ሲጀመርልዎ ከአስለቃሽ ኮሚቴ አባላት አንዱ “እባካችሁ አሁን ጋዜጠኞቹ ደውለው መምጣት አንችልም ስላሉ አታልቅሱ፤ ነገ ሲመጡ እናለቅሳለን አሁን ካሜራ በሌለበት ብናለቅስ ዋጋ የለውም” ብለው አስቆሙልዎ…! ለዚህ ነው “በእንባ ሲራጩ” የምትለዋን ቃል ለማንኛውም ብዬ ትምህርተ ጥቅስ ውስጥ ያስገባኋት። እናም አቶ ኃይለማሪያም ሆይ እንዳይሸወዱ…

የእርስዎ ነገር የሚወሰነው ድጋፍም ሆነ ተቃውሞ የሚያመጣብዎም ሆነ የሚያመጣልዎ ቀጥሎ በፈረስዎ እና በሜዳዎ ላይ በሚያሳዩት ትዕንት ነው።

ለምሳሌ ከመለስ በኋላ በነበረው “የአስከሬኑ” አስተዳደር ጊዜ ከማተሚያ ቤት ደጃፍ እንዲጠፉ የተደረጉት እና ድሮውንም ትንሽ ጭል ጭል ሲሉ የነበሩ ነፃ ፕሬሶች ቢያንስ ወደ ቀድሞ ይዞታቸው እንዲመለሱ ማድረግ አለብዎ…

ሌላ ደግሞ የታሰሩ ጋዜጠኞች እና ፖለቲከኞችን መፍታትም ምንም ሳይጨነቁ ሊያደርጉት የሚገባ ነገር ነው። ዳሩ ትዳርን መፍታት እንጂ ምስኪን እስረኛን ለመፍታት ምን ያስጨንቅዎታል? ዝም ብለው ዛሬ ነገ ብለው ቀጠሮ ሳይሰጡ፤ ሽማግሌ ገለመሌ ሳይሉ ይፍቱዋቸው።

በነገራችን ላይ የስዊድን ጋዜጠኞች ተፈቱ አሉ እሰይ እንዲህ ነው እንጂ… ግን ያኔ አቶ መለስ “የነጭ ደምም የጥቁር ደምም አንድ ነው” ብለው ደስኩረውልን አልነበር እንዴ..!? እንዴት ነው ነገሩ ለመታሰር ጊዜ ነው አንድ የምንሆነው?

ለማንኛውም ቢያንስ እነዚህን ሁለት ነገሮች ካደረጉ ሌላውን ደግሞ ቀስ ብለው ይሰሩታል። አደራ የኑሮ ውድነቱን ነገር ለመግታት የተቻሎትን ሁሉ ያድርጉ። ካልተቻሎት ደግሞ ተቃዋሚዎችም ሆኑ ገለልተኞች ብቻ ግን ለዚህ መፍትሄ ያላቸውን ባለሞያዎች እገዛ ይጠይቁ…!

እንደ እርሳቸው ሁሉን ነገር እኔ ብቻ እና እኛ ብቻ አይበሉ። ሁሉም ኢትዮጵያዊ በሀገሩ ጉዳይ ላይ እንዲሳተፍ ይጥሩ ይጣሩም።

አለበለዛ ሀበሻ ይተርትብዎታል “ጉልቻ ቢቀያየር ወጥ አያጣፍጥም” ይሎታል። እውነት እውነት እልዎታለሁ ተርቶ ብቻ የሚተዎት አይመስለኝም። ወጡን ለማጣፈጥ የራሳቸውን ቅመም ማበጀት የጀመሩ ብዙ ጎበዛዞች አሉ (ይሄ ሚስጥር ነው።) አራዳ ከሆኑ ግን የቀማሚዎችንም ድጋፍ ማግኘት ይችላሉ።

እንግዲህ ይበርቱ! እንጂ ሌላ ምን እላለሁ…!




With less than a month before the new season’s kick-off, Sidama Coffee does not have a coach. Three coaches are said to be on the short list  at Sidama Cofee. After finishing 8th last season, former head coach Zelalem Shiferaw left Sidama Coffee to join National League side Sebeta Town. Now while many teams have already started practicing Sidama must still find a coach.  

Meanwhile, Berhane Gebregzabher is back in the picture as head coach of Ethiopian Water Sport club after years of absence from the Ethiopian Premier League The former Rental Houses, Insurance and Ethiopian Coffee clubs’ head coach Berhane G/Egziabher had been out in the woods for years going down to National League sides notably Burayu town and Chefe Donsa. Following Mekonen’s walk out from the club newly promoted to the upper tier Water Sport was looking for an ideal replacement they could afford. 

 Thus, Berhane landed the job to everyone’s surprise. Known for relying on finesse rather than strength, Berhane’s priority with Water Sport is to build a side strong enough to stay at the Premier League in its debut season. Sources said the new head coach has already started negotiating with some players despite rumors of financial constraints. The former coach who helped promote Water Works, Mekonen joined Dashen Brewery FC for a lavish signing fee.
New

በየማነ ናግሽ
የኢሕአዴግ ምክር ቤት ባለፈው ቅዳሜ ስብሰባውን አጠናቆ አዲሱን ሊቀመንበርና ምክትል ሊቀመንበር ከመረጠ በኋላ፣ የሥራ አስፈጻሚ ኮሚቴው ባወጣው መግለጫ በሰላማዊ መንገድ ከሚንቀሳቀሱ ተቃዋሚዎች ጋር መተባበር እንደሚፈልግ ጥሪ አቅርቧል፡፡
ጥሪውን በበጎ ጎኑ የተመለከቱ ተቃዋሚዎች ለተግባራዊነቱ ኢሕአዴግ ቁርጠኛ እንዲሆንና “የጋራ ምክር ቤት” በሚል ብቻ የተወሰነ እንዳይሆን አሳሰቡ፡፡

ተቃዋሚዎች በታላቁ መሪ ጠቅላይ ሚኒስትር መለስ ዜናዊ ሕልፈት አብረው ማዘናቸውን የገለጸው የኢሕአዴግ ሥራ አስፈጻሚ ኮሚቴ፣ የአገሪቱን የመድብለ ፓርቲ ሥርዓት ለማጠናከር በሚያግባቡ የተለያዩ አገራዊ ጉዳዮች ላይ በጋራ ለመሥራት ጥሪ አቅርቧል፡፡

በተለይ ደግሞ መጪውን የአካባቢና የአዲስ አበባ ከተማ ምርጫ በተመለከተ ሒደቱ ነፃና ፍትሐዊ ይሆን ዘንድ ከተቃዋሚዎች ጋር ለመመካከር ዝግጁ መሆኑን ኢሕአዴግ የገለጸ ሲሆን፣ “በጋራ ምክር ቤቱ” አማካይነት ማለቱ ግን ተቃዋሚዎችን አላስደሰተም፡፡ በጉዳዩ ላይ ያነጋገርናቸው የኢዴፓ ሊቀመንበር አቶ ሙሼ ሰሙ፣ ኢሕአዴግ ያቀረበውን የመነጋገርና የመተባበር ጥሪ በተለይ ተነሳሽነት መውሰዱን አድንቀው፣ ላለፉት 21 ዓመታት ሲታገሉለት የነበረና የሚጠብቁት መሆኑን ተናግረዋል፡፡ ጉዳዩ ሕገ መንግሥታዊ መብታቸውም ጭምር መሆኑን ገልጸው፣ ኢሕአዴግ እንደተለመደው ሰጪና ከልካይ የሚያደርጉ ቅድመ ሁኔታዎችን እንዳያስቀምጥ ግን ይጠይቃሉ፡፡

ሥልጣን ከሕዝብ የሚመነጭ መሆኑን የሚያምኑት አቶ ሙሼ፣ ከኢሕአዴግ ጋር መነጋገር የሚፈልጉት ሥልጣን ለመጋራት ሳይሆን በሕገ መንግሥቱ የተቀመጡ ዲሞክራሲያዊና ሰብዓዊ መብቶች እንዲከበሩ መሆኑን በዋናነት ይገልጻሉ፡፡ ነፃና ገለልተኛ ተቋማት የሚፈጠሩበት ሁኔታ ማመቻቸት፣ ፖለቲካዊ ምኅዳሩ የሚሰፋበት፣ የዜጎች ሰብዓዊ መብቶች ሳይሸራረፉ የሚከበሩበትና ሕዝቡ ያለምንም ተፅዕኖ ፖለቲካዊ ተሳትፎ የሚያደርግበት ምርጫ እንዲካሄድ አስፈላጊ ቅድመ ሁኔታዎች በሚመቻችበት ሁኔታ ላይ ለመነጋገር ፓርቲያቸው ይፈልጋል፡፡

ተመሳሳይ አቋም ያላቸው የኢትዮጵያ ራዕይ ፓርቲ (ኢራፓ) ፕሬዚዳንት አቶ ተሻለ ሰብሮ በበኩላቸው፣ ከኢሕአዴግ ጋር መነጋገርና መደራደር በአገሪቱ ውስጥ አለ የሚሉት ቂምና ቁርሾ ቀርቶ ብሔራዊ መግባባት የሚፈጠርበት ሁኔታ ለማመቻቸት ይረዳል ይላሉ፡፡

የመድረክ የሥራ አስፈጻሚ ኮሚቴ አባል የሆኑት ዶክተር ነጋሶ ጊዳዳ ግን፣ ኢሕአዴግ ያደረገው ጥሪ “በጋራ ምክር ቤት” አማካይነት በመሆኑ፣ ከበፊቱ ያልተለየና ምንም አዲስ ነገር አለመሆኑን ይናገራሉ፡፡ በምርጫ 2002 ዋዜማ የምርጫ ሥነ ምግባር ሰነድን በመፈረምና ባለመፈረም ከኢሕአዴግ ጋር አተካራ ውስጥ መገባቱን ያስታውሳሉ፡፡ በወቅቱ የተመሠረተው የጋራ ምክር ቤት አባል ያልሆነው መድረክ፣ ሰነዱ ሕግ ሆኖ በመውጣቱ መፈረምና አለመፈረም ምንም ትርጉም ያልነበረው መሆኑን ዶክተር ነጋሶ ያስረዳሉ፡፡ አሁንም በጋራ ምክር ቤት የሚቀርበው ጥሪ ፓርቲያቸውን እንደማይመለከትና ለዓለም አቀፍ ማኀበረሰቡ ለማስመሰያ ያህል መሆኑን ይናገራሉ፡፡ “በመግለጫው ኢሕአዴግ ገደብ ጥሏል፤ በእኛ በኩል ተቀባይነት የለውም፤ አስመሳይ መግለጫ ነው፤” ብለዋል፡፡ ፓርቲያቸው ባለፉት ሦስት ዓመታት ያቀረበው የእንነጋገር ጥያቄ ምላሽ አለማግኘቱን በመጠቆም፡፡

መግለጫው “የጋራ ምክር ቤት” በሚል  እንዳይወሰን የሚጠይቀው ግን የምክር ቤቴ አባል ያልሆነው መድረክ ብቻ አይደለም፡፡ ኢዴፓና ኢራፓም መድረኩ ሁሉም በሰላማዊ መንገድ የሚንቀሳቀሱ ተቃዋሚ የፖለቲካ ፓርቲዎች የሚካተቱበት እንዲሆን ይጠይቃሉ፡፡ በተጨማሪም ሁለቱም የተቃዋሚ ፓርቲ መሪዎች ከዚህ በፊት በምርጫ 2002 ማንግሥት ጠቅላይ ሚኒስትር መለስ ተመሳሳይ ይዘት ያለው ንግግር ማድረጋቸውን አስታውሰው፣ እስካሁን ተግባራዊ አለመሆኑ እንዳሳዘናቸው ይናገራሉ፡፡ “ቃልና ተግባር ምን ያህል ይጣጣማሉ?” ሲሉም ይጠይቃሉ፡፡ ፓርቲዎቹ የተደረገው ጥሪ በተግባር የሚታይ እንዲሆንም ይጠይቃሉ፡፡
New

•    አቶ ኃይለ ማርያም ዓርብ በፓርላማ ሹመታቸው ይፀድቃል
በዘካሪያስ ስንታየሁ
በኢሕአዴግ በወጣው የመተካካት ፖሊሲ መሠረት የመንግሥት ኃላፊዎች የሥልጣን ዘመን በአሥር ዓመት መገደቡ ተገለጸ፡፡
በመሆኑም ኢሕአዴግ ከሁለት ዓመት በፊት ይፋ ባደረገው የመተካካት ፖሊሲው የጠቅላይ ሚኒስትሩና የሚኒስትሮች የሥልጣን ዘመን ሁለት የምርጫ ዘመን መሆኑ ታውቋል፡፡

ባለፈው ቅዳሜ ምሽት የኢሕአዴግ ምክር ቤት መደበኛ ስብሰባን አስመልክቶ መግለጫ የሰጡት የመንግሥት ኮሙዩኒኬሽን ጉዳዮች ጽሕፈት ቤት ኃላፊ አቶ በረከት ስምኦን እንዳስታወቁት፣ የመተካካቱን መርሆች መነሻ በማድረግ በኢሕአዴግ የተወሰኑ ውሳኔዎች አሉ፡፡ ‹‹የፓርቲ አመራር ሆኖ ለመቀጠል ዕድሜ ነው ከፍተኛ ጣሪያ የተደረገው፡፡ በፓርቲው ፖሊሲ መሠረት አንድ ሰው እስከ 65 ዓመት ድረስ ቢሠራ ብዙ ችግር የለም ብለን እንስማማለን፤›› ብለዋል፡፡

አንድ የመንግሥት ኃላፊ ሁለት የምርጫ ዘመን የማገልገል ዕድል ቢያገኝ ይጠቅማል ብለን እናምናለን ያሉት አቶ በረከት፣ በሕዝብ ቢመረጥም እንኳን ከሁለት የምርጫ ዘመን በላይ በሥልጣን ላይ መቆየት የለበትም የሚል የፓርቲ ውሳኔ መኖሩን አስታውቀዋል፡፡

በሕገ መንግሥቱ ላይ የጠቅላይ ሚኒስትሩ የሥልጣን ዘመን ገደብ ባይመቀጥለትም፣ ኢሕአዴግ በመተካካት ፖሊሲው መሠረት ለመንግሥት የሥልጣን ኃላፊነቶች የሥልጣን ዘመን አስቀምጧል፡፡ በተለይም የጠቅላይ ሚኒስትሩ የሥልጣን ዘመን ከአሥር ዓመት በላይ እንዳይዘል ኢሕአዴግ መስማማቱን አስታውቋል፡፡ ሆኖም ግን ስምምነቱ ወደፊት በሕግ ደረጃ ስለመውጣቱ የሚታወቅ ነገር የለም፡፡ አቶ በረከት ከጠቅላይ ሚኒስትሩ የሥልጣን ዘመን በተጨማሪ የሌሎች ሚኒስትሮች የሥልጣን ዘመን በተመሳሳይ በአሥር ዓመት እንዲገደብ ኢሕአዴግ መስማማቱን ገልጸዋል፡፡

ኢሕአዴግ የመተካካት ሐሳቡን ሲጀምረው ብዙ ጥናት ማካሄዱንና አገሮች እንዴት መሪዎቻቸውን ይተካሉ የሚለውን ማየቱን የገለጹት አቶ በረከት፣ ‹‹ከበርካታ አገሮች የወሰድናቸው በጐ ተሞክሮዎች ቢኖሩም፣ በራሳችን የነደፍናቸው መርሆችም አሉ፤›› ብለዋል፡፡ በዚህም መሠረት ሌሎች አገሮች የመሪዎቻቸውን ዕድሜ የማይገድቡ ሲሆን፣ ኢሕአዴግ ለመሪዎች የዕድሜ ገደብ ማስመቀጡን አስታውቀዋል፡፡ ‹‹የመሪዎች የዕድሜ ጣሪያ የሃምሳዎቹ መጨረሻ ወይም የስልሳዎቹ መጀመርያ መሆን አለበት የሚል ፅኑ አቋም አለን፡፡ አንድ ሰው እስኪደክም ድረስ መጠበቅ የለብንም፡፡ አቶ መለስ በሕይወት ቢኖሩ ኖሮ በስልሳ ዓመታቸው ሥልጣን ይለቁ ነበር፤›› ብለዋል፡፡

በተያያዘ ዜና ባለፈው ቅዳሜ የኢሕአዴግ ሊቀመንበር በመሆን በሟቹ አቶ መለስ ዜናዊ ምትክ የተመረጡት አቶ ኃይለ ማርያም ደሳለኝ፣ በመጪው ዓርብ በሕዝብ ተወካዮች ምክር ቤት የአገሪቱ ጠቅላይ ሚኒስትርነት ሥልጣናቸው በይፋ ይፀድቅላቸዋል፡፡ የሕዝብ ተወካዮች ምክር ቤት የጠቅላይ ሚኒስትር ኃይለ ማርያም ሥልጣንን ለማፅደቅ አስቸኳይ ስብሰባ መጥራቱን ለሪፖርተር የገለጹት፣ የመንግሥት ኮሙዩኒኬሽን ጉዳዮች ጽሕፈት ቤት ምክትል ኃላፊ አቶ ሽመልስ ከማል ናቸው፡፡

የአቶ መለስ ሕልፈትን ተከትሎ ምክር ቤቱ ነሐሴ 17 ቀን 2004 ዓ.ም. አስቸኳይ ስብሰባ ጠርቶ ላልተወሰነ ጊዜ መራዘሙን በድረ ገጻችን መዘገባችን ይታወሳል፡፡ በወቅቱ ለስብሰባው መራዘም ከመንግሥት የተሰጠው ምክንያት የአቡነ ጳውሎስ የቀብር ሥነ ሥርዓት መሆኑ ይታወሳል፡፡ በቅርቡ በተካሄደው የኢሕአዴግ ምክር ቤት መደበኛ ስብሰባ የግንባሩ ሊቀመንበር ሆነው የተመረጡት አቶ ኃይለ ማርያም፣ በድርጅቱ ልምድ መሠረት የአገሪቱ ጠቅላይ ሚኒስትር እንደሚሆኑ ተገልጾ ነበር፡፡ ሆኖም ሙሉ ሥልጣናቸውን ምክር ቤቱ በጠራው አስቸኳይ ስብሰባ ያፀድቅላቸዋል ተብሎ ይጠበቃል፡፡