Nomonanoto Show

Sunday, September 9, 2012

ስማቸው እንዲገለጽ ካልፈለጉ የሲዳማ ታጋዮች የተላከ ጽሁፍ

የመላው ሲዳማ ሕዝብ ሕገ-መንግስታዊ ጥያቄ ምላሽ ሳያገኝ ትግሉ አይቆምም!!

ውድ የሲዳማ ሕዝብ ሆይ!
በቀደሙት ሳምንታት በሕዝባችን ላይ የተጫነውን የባርነት ቀንበር ለመታገል እንዲያስችሉ በማሰብ በርካታ መረጃ የሚያስጨብጡ ፅሑፎች ለንባብ መብቃታቸው ይታወሳል፡፡
ፅሑፎችም በይበልጥ ሕዝቡ ለነፃነቱ እንዴት መታገል እንዳለበት አቅጣጫ ከመጠቆም አልፎ የተለያዩ ወቅታዊ መረጃ የመስጠት ትልቅ ሚና ነበራቸው፡፡ የዚህ ፅሑፍ ዓላማም ከዚሁ የዘለለ አይሆንም፡፡ በዚህ መንግስት በሌለበት ሃገር ያለን ብቸኛ ሰላማዊ ትግል የማድረግ አማራጭ ስለሆነ!!
የሐዋሳን ከተማ ከሲዳማ ሕዝብ እጅ ለመቀማት (ወትሮስ የከተማዋን አብዛኛውን ክፍለ-ከተሞች ባለማወቅ ለአውሬዎች አሳልፈን ሰጥተን ነበር) የተደረገው እኩይና አስነዋሪ የደኢህዴኖች ሴራ በሲዳማና በሲዳማ ሕዝብ ወዳጆች ልብ ውስጥ ከሃምሳ በላይ ወንድሞቻችንን፣ እህቶቻችንን፣ አባቶቻችንን በጠራራ ፀሐይ ካጣንበት የዛሬ 10 ዓመት ዘግናኝ ትዕይንት በላይ የጎዳንና ዛሬም የማይቀዘቅዝ ቁጣው ነግሶ ሰንብቷል፡፡ ለነሱ ሕዝቡ ውስጥ ለውስጥ (ካድሬዎቻቸውም ጭምር) እየሰራ ያለውን ስራ እንደቀድሞው የሲዳማ ሕዝብ አንዴ ሞቅ ብሎ ከ3 ቀናት በኃላ ይቀዘቅዛል ከሚለው አዙሪታቸው ሳይወጡ አንድ ቀን በድንገት ፈንድቶ ታሪክ እንደሚለወጥና ውስጥ ለውስጥ እየሸረሸሩ የወሰዷቸውን በከተማም ሆነ ክልል ደረጃ የሚገኙ ቁልፍ ኃላፊነቶችን ተረክበንና ሕገ-መንግስታዊ መብታችንን አስከብረን በዓይናቸው የምናሳያቸው ቀን ቅርብ ነው፡፡
የጥፋት አጀንዳ አንግበው የመጡት ደኢህዴኖች ከጠበቁት በተቃራኒው የሲዳማ ሕዝብ ለነፃነቱ፣ ለአንድነቱና ለሕልውናው ታሪካዊ ትግል እንዲታገልና አንድነቱን እንዲያጠናክር ምክኒያት ሆነ፡፡ ይህም ያሰቡት የጥፋት ሴራ በብርቱ የሲዳማ ህዝብ ክንድ የከሸፈባቸው ፀረ-ሲዳማ ኃይሎች ወትሮም የለመዱትን ሲዳማን የመከፋፈል ስራ ላይ ሊጠመዱ ግድ ሆነባቸው፡፡ ከፍተኛ አመራር ከበታች አመራሮች ጋር ትንቅንቅ እንዲገጥሙ፣ ባለሃብቱን ከሕዝቡ ጋር ለማጋጨት፣ የበታች አመራሮችን ከሕዝቡ ጋር በማጋጨት፣ ምሁራንንና ተማሪዎችን ከሕዝቡ ጎን ቆሞ በአንድነት ለትግሉ እንዳይሰለፉ ያልቆፈሩት ጉድጓድ ያልፈነቀሉት ዲንጋይ የለም፡፡
ሕልውናውን ለማስከበርና ማንነቱን በንቃት ለመጠበቅ ቆርጦ የተነሳውን የሲዳማ ሕዝብ ትግል የብሔርና የዘር ግጭት ለማስመሰል ሙከራ ሲያደርጉ የከረሙ ደኢህዴኖች ይህም እንዳልተሳካላቸው ሲረዱ ሕዝቡን ለማታለል በተለያየ መንገድ ሙከራ ቢያደርጉም እንደአመጣጣቸው በብርቱ ክንድ ለሀፍረት ተዳርገዋል፡፡ ያለፈበትን ፖለቲካ ተሸክመው ለራሳቸው ተሞኝተው እኛን ለማሞኘት መቼም ወደኃላ የሚያይና የሚያስብ ጭንቅላት የተነፈጋቸው እነዚሁ የደኢህዴን ተላላኪዎች ሕዝባችንን ከፋፍለው ለማሳመንና የዘወትር የማታለል ስራቸውን ቢሞክሩም በየመድረኮቹ በሃፍረትና በውርደት ተባርረዋል፡፡ ያባረራቸው ስራቸው ነውና ሕዝቡ አይወቀስም፡፡
መቼስ ደኢህዴን በሲዳማ ሕዝብ ላይ የተለየ የጥፋት ፖሊሲ ነድፎ እንደሚንቀሳቀስ ለኢትዮጵያ ሕዝብ በአጠቃላይና በቅርበት ለምንከታተል ለኛ ለሲዳማዎች ግልፅ ነው፡፡ የሕዝቡን ቁጣ ለማብረድና ሕገ-መንግስታዊ የክልል ጥያቄ በሕግ አግባብ መመለስ እንዳይችል አሻፈረኝ ያለው ሰይጣናዊው ደኢህዴን "አይደለም ክልል መሆን የከተማውን አጀንዳ አላቆምንም፣ ተጠናከሮ ይቀጥላል፣ ቋቅ ቢላቸውም ሳይወዱ በግዳቸው ይውጡታል" አለ፡፡ ከፍተኛ አመራሮችን ካስፈራራና ካሳመነ በኃላ አጀንዳውን ማስፈፀም የግዴታ ግዴታ ነው በማለት ሕዝቡ ወደደም ጠላም ሐዋሳን የመቀማቱ አጀንዳ መፈፀም እንዳለበት አጥብቆ ትዕዛዝ ሰጥቷል፡፡
ወትሮም ሕዝባዊ መሠረት የሌለው ደኢህዴን/ኢህአዴግ የምርጫ ወረቀት ኮሮጆ ይዞ በመሮጥና እስከ አፍንጫ በተሞላ ኮሮጆ ሕዝቡን በጥቂት ተላላኪዎቹ በአፈሙዝ በማስፈራራትና በእንጀራው በመዛት የገዛውን ድምፅ እፍረት የሌለው እንሰሳ ለዚሁ ሕዝብ መልሶ አይኑን በጨው አጥቦ "በዝረራ አሸነፍን" ብሎ ያላመነበትን ሊያሳምን ይሞክራል፡፡ ይህም አላንስ ብሎ "የሲዳማ ሕዝብ በዚህ አጀንዳ ላይ ወሳኝ አይደለም፣ ውሳኔውን ያኔ በድምፅ ሰጥቶናል፣ አሁን የሚወስነው ድርጅቱ በአባላቱ በኩል ብቻ ነው፣ ድርጅቱ በሕዝቡ እስከተመረጠ ድረስ ከተማውን በስብጥር ብቻ ሳይሆን በውጭ ዜጎችም ተክቶ ሊያሰራ ይችላል፣ ሕዝቡ በዚህ ምንም አያገባውም" ሲሉ ከትልቁ ጅብ ሽፈራው ሽጉጤ ጀምሮ እስከ ትንሹ አውሬ አለማየሁ ድረስ በዚሁ ባሳለፍነው ሳምንት አስረግጠው ተናግረዋል፡፡
ሰሞኑን በሐዋሳ ከተማ በተደረጉ ስብሰባዎች ከየወረዳና ከተማ አስተዳደሮች የተውጣጡ ባለስልጣናት ላይ የወረደው የስድብ ናዳ (ሕዝበኞች፣ የመስመሩን አጀንዳ ለማሳካት አቅም የሌላችሁ፣ ወዘተ)፣ ማስፈራራትና ስብዕናቸውን የሚነካ ድርጊት በመፈፀም ድርጅቱ ምን ያህል ፀረ-ሕዝብ፣ ኢ-ዴሞክራሲያዊና ሕዝባዊ መሠረት ያጣ መሆኑን ያሳያል፡፡
በሰሞኑን ውሎው ድርጅቱ የመከረባቸው አንኳር አንኳር ፀረ-ሕዝብ አጀንዳዎች መካከል፡
  1. በየደረጃው የሚገኙ የመንግስት ባለስልጣናት ከሕዝብ ጎን መሰለፋቸውና አፋኙን የድርጅት ተልዕኮ አለመደገፋቸውና አለማስፈፀማቸው ከፍተኛ ጥፋት እንደሆነና ድርጅቱ አስፈላጊውን እርምጃ አጀንዳውን ባልደገፉ የሲዳማ ባለስልጣናት ላይ ለመውሰድ መዘጋጀቱን አስታውቋል፡፡
የጥፋት አጀንዳውን የሚያራምዱና የሚደግፉ ጥቂት ሆዳም ተላላኪዎችንና የሲዳማ ጠላቶች የመንግስት ወዳጆች እንደሆኑና ለመረጣቸው ሕዝብ ሕልውና የወገኑ ኃላፊነታቸውን ጠንቅቀው ያወቁና ቃላቸውን የጠበቁ የሲዳማ ባለስልጣናት በጥፋተኝነት መፈረጃቸው ሌላው የድርጅቱን መግማትና በሕዝቡ ወደተፈለገው እራሱን በልቶ የመጥፋት ስኬት የሚወስድ ነው፡፡
  1. በየአካባቢው የሚገኙትን የሲዳማ ሞዴል አርሶ-አደሮች ሰብስበው የሃሰትና ከእውነት የራቀ ስብከት ካጠመቋቸው በኃላ ያላቸውን ማህበራዊ ጫናና ተቀባይነት ተጠቅመው የመንግስትን አፍራሽ አጀንዳ እንዲደግፉ አስገድደዋቸዋል፡፡ ሞዴል አርሶ-አደሮቹ የመንግስትን የጥፋት ሴራ በሚገባ ያልተረዱና የዘመናዊውን አስተዳደር እርከን በተገቢው ሁኔታ ያልተረዱ ከመሆናቸው የተነሳ ለማታለል ቀላል ናቸው ተብሎ መመረጣቸው ሌላው የስርዓቱ እኩይ ሴራ ማሳያ ነው፡፡ ለሞዴል አርሶ-አደሮቹ የተለያዩ ጥቅማ-ጥቅሞች በመስጠት በየደረጃው የሚነሱ ሕዝባዊ እንቅስቃሴዎችን እንዲያፍኑ ለማድረግ በማሰብ የሕዝባችንን የእኩልነት ትግል የማክሸፍ ተግባር ላይ ነው ድርጅቱ የተጠመደው፡፡
ቅሉ ግን በዚህም ሆነ በዚያ በኩል የሚሰጣቸውን ምክኒያታዊ ስጦታዎችንና ጥቅማ-ጥቅሞች በማንኛውም ጊዜ ሊሰጣቸው የሚገባ መብታቸው መሆኑን የተገነዘቡ በመሆናቸው የተሰጣቸውን ተቀብለው ከነዚህ አውሬዎች ጋር የተስማሙ መስለው ቢወጡም በሕዝባዊ የሕልውና ጉዳይ ላይ ግን የማይደራደሩ መሆናቸውን እያስመሰከሩ ይገኛሉ፡፡
  1. ሰሞኑን በተደረጉ የካቢኔ ስብሰባዎች ላይ ሁለት የጥፋት ሴራ ያነገበው ሥርዓት ማሳያ የሆኑ ነጥቦች ትኩረት ተሰጥቶባቸው ነበር፡፡ የካቢኔ አባላት (ከሁሉም ወረዳዎች) ተጠርተው የሕዝቡን ህጋዊ ጥያቄ ማፈንና ማፍረስ አለመቻላቸው የአቅም ማነስ ችግር እንደሆነ ከተነገራቸው በኃላ ሁለት ምርጫ ቀርቦላቸዋል፡፡ ሁለቱም ፍፁም ጨቋኝ፣ የዴሞክራሲ መርሆዎችን ያላገናዘቡና የሲዳማ ልጆችን በሁሉም ረገድ ለማደህየት የታለመ ነው፡፡
የመጀመሪያው ምርጫ ያውን ሁኔታ ሁሉ ተጠቅሞ የክልሉን ጥያቄ ማፈንና የከተማውን የጥፋት አጀንዳ ማስፈፀም ሲሆን ሁለተኛውና ጠባቡ አማራጭ ደግሞ ይህንን ማሳካት ካልቻሉ የመንግስትን ስራ ለመልቀቅ በመስማማት በፊርማቸው እንዲያረጋግጡ የሚል ነው፡፡
ወገኖች! ይህ ምንን ያሳየናል? በዴሞክራሲያዊ አስተሳሰብ ሕዝብ የወከለውና የመረጠው መንግስት የሚያገለግለው የሕዝብን ስሜት እንጂ የግል ጥቅምና የጥቂቶች አጀንዳ አይደለም፡፡ ቅሉ ግን እንዴት እንደተመረጡ እራሳቸው ምስክር ናቸውና ብዙ ማለት አያስፈልግም፡፡ የጥቂት አሸባሪዎች ሴራ ቢከሽፍና የሰፊው ሕዝብ ፍላጎት ቢሟላ ምን ነውር አለው? በአንባገነኖች እንኳን እኮ ተደርጎ አልፏል!! የሕዝባችን አቋም የከተማው አጀንዳው መፈፀም አይደለም ለድርድር አይቀርብም! የሕዝቡ የክልል ጥያቄም አይከሽፍም! የህዝብ አገልጋዮችም ከስራቸው አይባረሩም! Noohura Maganu Noona!!!!
  1. ሌላው ሰሞንኛ አጀንዳቸው በየአካባቢው ተሰማርተው ትግሉን በሰላማዊ መንገድ እያቀጣጠሉ ያሉ የሲዳማ ዩኒቨርሲቲ፣ የኮሌጅና በየደረጃው ያሉ ተማሪዎች እንቅስቃሴ እንዴት መግታት እንደሚቻል ማሴር ነው፡፡ በዚህም መሰረት ከዚህ በፊት የት ወደቀ ተብሎ የማይታወቅ ተማሪን ዛሬ ሕዝባዊ ጥያቄ ይዘው ስለተነሱ ብቻ በተለያዩ የስራ መስኮች በመመደብ በስርዓቱ ክንፍ ውስጥ በመያዝ በጥቅማ-ጥቅም እንደነሱ ህልውናቸውን እንዲክዱ ማድረግ ነው፡፡ የዩኒቨርሲቲ ተማሪማ ይህንን የሞኞችን ቀልድ ከነሱ ቀድሞ የነቃ ነው፡፡ ለክልሉ ጥያቄ የደም ዋጋ ያልገበረ፣ ወንድሙን እህቱን ወላጁን ያላጣ የሲዳማ ተማሪ ካለ ያግዛቸው እስቲ!!!! ተማሪው በዴሞክራሲ አስተሳሰብ የተካነ፣ በሕግ የበላይነት ያመነ፣ ለሕዝቡ ጭምር ለእኩልነት የሚታገል እንጂ ለጥቂት ደላሎች ሽንገላ የሚታለል ቅል አዕምሮ የለውም፡፡ የራሳቸውን የአዕምሮ ቅሌት በሰው አዕምሮ ውስጥ ለመትከል መጣራቸው አያስቅም???
በመጨረሻም የተከበራችሁ የሲዳማ ነፃነት፣ እኩልነትና የጥያቄዎቻችሁ ምላሽ ናፋቂዎች!!! ከላይ በአጭሩ ለማስቀመጥ እንደተሞከረው የሕዝቡን ህልውና ለመናድና ሠላማዊ ትግልን በማፈን እኩይ ሴራ ያነገበው ደኢህዴን በተላላኪዎቹ አማካይነት ከእኩይ ተግባሩ ሊቆጠብ ባለመቻሉና የቆመውንና ለድርድር የማይበቃውን የከተማውን አጀንዳ በስውር ለማስፈፀም መጣጣር የጀመረ በመሆኑ በየወረዳው የምትገኙ ታጋዮች ጠንክራችሁ እንድትታገሉ ጥሪ እናስተላልፋለን!!
ዛሬ ካላታገልን መቼ??? እንደ ከ10 ዓመት በፊቱ አሁንም ጊዜያችሁ አሁን አይደለም እንባል ይሆንን?? እድደ ከዚህ ቀደሙ ቢንጫጩ ለሶስት ቀን ነው የተባለውን ተቀብለን ወደየቤታችን እንገባ ይሆን???
"If not now, never!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!"



By William Davison
(Bloomberg) — Ethiopia’s ruling coalition will meet on Sept. 16 to select its chairman, who will replace the late Prime Minister, Meles Zenawi, as the party’s chief and probably succeed him as the Horn of Africa nation’s leader.
Addisu Legesse, Hailemariam Desalegn, Bereket simon with their late chairman Meles Zenawi
It’s “highly likely” the party chairman will become prime minister, State Minister for Communications Shimeles Kemal said by phone today from the capital, Addis Ababa. Meles, Ethiopia’s leader of 21 years who oversaw one of Africa’s fastest-growing
economies, died on Aug. 20 from an infection contracted while recuperating from an undisclosed illness. Hailemariam Desalegn, Meles’s deputy, took over in an acting capacity the next day.
“We are expecting the council meeting to be on the 16th,” Seikoture Getachew, the foreign relations head at the Ethiopian Peoples’ Revolutionary Democratic Front’s secretariat, said by telephone. “There will be the assignment of chairperson and deputy chairperson.”
Ethiopia, the continent’s second-most populous nation, is a major U.S. ally in its battle against al-Qaeda in the region. In December, Ethiopian troops invaded Somalia for the second time in four years to join the battle against al-Shabaab, al-Qaeda’s
Somalia affiliate.
The EPRDF’s 180-member council is split equally between the four parties that make up the ruling coalition. The federal parliament, which will endorse the prime minister, is scheduled to reconvene at the end of the month, Shimeles said. The EPRDF controls all but two of the 547 parliamentary seats.

የአፍሪካ አገራትን የንግድ ልውውጥ ለማፋጠን ፤ ማህበራዊና ኢኮኖሚያዊ ግንኙነትን የሚያጠናክሩና ድህነትን የሚቀንሱ በርካታ ሥራዎች እየተከናወኑ ይገኛል፡፡ ይህን የአገራቱን ግንኙነት ለማጠናከርም ለመንገድ ልማት ልዩ ትኩረት ተሰጥቶት የ«ትራንስ አፍሪካን ሃይ ዌይስ»ፕሮጀክት ተቀርፆ ተግባራዊ እየሆነ ነው፡፡
መረጃዎች እንደሚያመለክቱት፤ በ«ትራንስ አፍሪካን ሃይ ዌይስ" ፕሮጀክት የአህጉሪቱን ሀገሮች የሚያስተሳስሩ ዘጠኝ ዋና ዋና መንገዶች ይገነባሉ፡፡እነዚህም 56ሺ683ኪሎ ሜትር ይሸፍናሉ፡፡እነዚህ ዋና መንገዶች ከሰሃራ በታች በሚገኙ 41 ከተሞች የሚያልፉ ሲሆን፤ 500 ሚሊዮን ያህል ዜጎችንም ያገናኛሉ፡፡ የመንገዶቹ መገንባት የባህር በር ለሌላቸው አገራት የሚሰጠው ጠቀሜታም እጅግ የላቀ በመሆኑ መንገዱ በሚያልፍባቸው አካባቢዎች የሚገኙ አገራት የመንገዱ አካል የሆኑ መንገዶች በመገንባት ላይ ናቸው።
ኢትዮጵያም የአፍሪካ አገራትን በየብስ ትራንስፖርት ለማገናኘት እየተገነቡ ካሉት ዘጠኝ ዋና መንገዶች የኬፕታውን-ካይሮ መንገድ ፕሮጀክት አካል የሆነውን የአዲስ አበባ-ናይሮቢ-ሞምባሳ አገናኝ መንገዶች ግንባታ ተያይዛዋለች። በዚህም መሰረት የዚህ ፕሮጀክት አገናኝ ለሆነው አዲስ አበባ-ሐዋሳ-ሀገረማርያም-ያቤሎ-ሜጋ-ሞያሌ መንገድ ግንባታ ልዩ ትኩረት ተሰጥቶታል፡፡
የአዲስ አበባ-ናይሮቢ-ሞምባሳ መንገድ ፕሮጀክት አካል የሆነው የአዲስ አበባ-ሐዋሳ መንገድ በመጀመሪያው የመንገድ ልማት ዘርፍ መርሐ ግብር ከ10 ዓመት በፊት ተገንብቶ አገልግሎት እየሰጠ ሲሆን፣94 ኪሎ ሜትር የሚሸፍነው የሃገረማርያም-ያቤሎ መንገድም በአስፋልት ኮንክሪት ደረጃ እየተገነባ ይገኛል፡፡ ግንባታውም በግብፁ «ዓረብ ኮንትራክተርስ» እየተከናወነ ሲሆን፣ «ጓፍ ኢንጂነርስ አማካሪ መሐንዲሶች» ደግሞ የማማከሩን ሥራ ያከናውናል፡፡ ለግንባታውም የ740 ሚሊዮን ብር በጀት ተይዞለታል፡፡
ግንባታው እኤአ ሚያዝያ 11 ቀን 2011 የተጀመረ ሲሆን፣ እ.ኤ.አ ሚያዝያ 10 ቀን 2014 ሙሉ በሙሉ ተጠናቅቆ ለአገልግሎት እንደሚበቃም ነው የሚጠበቀው። ለግንባታ የሚያስፈልጉ መሣሪያዎችንና ቁሳቁስን በማጓጓዝ ረገድ በሥራ ተቋራጩ በኩል በመጀመሪያዎቹ ስድስት ወራት ድክመት መታየቱን የፕሮጀክቱ ተቆጣጣሪ መሐንዲስ ሚስተር ጌርድ ቬበር አልሸሸጉም፡፡
« ካለ በቂ መሳሪያ ጥሩ አፈፃፀም ማስመዝገብ አይቻልም» ያሉት ተቆጣጣሪ መሐንዲሱ፤ ከዚህ ችግር ለመውጣትና ሥራውን በተቀመጠለት ጊዜ ለማጠናቀቅ ሥራ ተቋራጩ አስፈላጊዎቹን መሳሪያዎች እያሟላ ነው። ይህም ግንባታውን በኮንትራት ውሉ መሰረት ለማጠናቀቅና ግንባታው በተቀመጠለት የጥራት ደረጃ መሰረት መከናወኑን ለመቆጣጠር ያስችላል።
የፕሮጀክቱ ጠቅላላ ሥራ ተቋራጭ በኢትዮጵያ በመንገድ ግንባታ ዘርፍ የተሰማራ የመጀመሪያው የግብፅ ኩባንያ ነው፡፡"የግንባታው ሥራ ሲጀመር በማኔጅመንት በኩል ክፍተት ነበር፡፡ይህም በሥራው ላይ መጓተትን አስከትሏል "ይላሉ የፕሮጀክቱ ሥራ አስኪያጅ ሚስተር አይማን አተያ፡፡በአሁኑ ወቅት ሥራ ተቋራጩ አስፈላጊ መሳሪያዎችንና የሰው ኃይል በማሟላቱ ግንባታውን በታቀደለት ጊዜ በማጠናቀቅ እንደሚያስረክቡ ነው የተናገሩት።
የያቤሎ-ሜጋ መንገድ ግንባታም እ.ኤ.አ በታህሳሥ 2010 ተጀምሯል፡፡፡እ.ኤ.አ በታኅሣሥ ወር 2013 ይጠናቀቃል ተብሎ ይጠበቃል፡፡ መንገዱ 98 ኪሎ ሜትር የሚረዝም ሲሆን፤ ለግንባታውም 770 ሚሊዮን ብር ተመድቦለታል፡፡
የግንባታው ጠቅላላ ሥራ ተቋራጭ «ቻይና ቴሲጁ ሲቪል ኢንጂነሪንግ ግሩፕ» ሲሆን የጣልያኑ «ሬናርዴት አማካሪ መሐንዲሶች» ደግሞ የማማከሩን ሥራ ያከናውናል፡፡ የመንገዱ ግንባታ በጥሩ ሁኔታ እየተከናወነ መሆኑን የፕሮጀክቱ ተቆጣጣሪ መሐንዲስ ተወካይ አቶ ፈለቀ በቀለ ይናገራሉ፡፡ ህብረተሰቡም የመንገዱን ልማት በመደገፍ እንደሚተባበራቸው ነው ያመለከቱት። 
የፕሮጀክቱ ሥራ አስኪያጅ ሚስተር ው ዚችው የመንገዱን ግንባታ በተያዘለት ጊዜ ለማጠናቀቅ እየተሠራ መሆኑን ይናገራሉ፡፡ አሁን ባለው
አፈፃፀምም አብዛኛው የአፈር ሥራ ተጠናቋል፡፡የተወሰነ የመንገዱ ክፍልም አስፋልት ለማልበስ በሚያስችል ደረጃ ዝግጁ ተደርጓል፡፡የፍሳሽ ማስወገጃ ሥራዎችም በስፋት ተከናውነዋል፡፡ግንባታውን በተያዘለት ጊዜ አጠናቆ ለማስረከብም በትኩረት እየሠራነው። 
የእነዚህ መንገዶች አካል የሆነውና 197 ኪሎ ሜትር የሚረዝመው የሐዋሳ-ሃገረማርያምን የመንገድ ግንባታ በ2005 ዓ.ም ለማስጀመር በሚያስችሉ ነጥቦች ዙሪያ ያተኮረ ውይይት ከባለድርሻ አካላት ጋር በሐዋሳ ከተማ ተደርጓል፡፡ግንባታውን ለማስጀመርም ቅድመ ዝግጅቱ ተጠናቅቆ በጨረታ ሂደት ላይ እንደሚገኝ ተመልክቷል፡፡ግንባታው ከሦስት ቢሊዮን ብር በላይ ይፈጃል፡፡ለዚህም የአፍሪካ ልማት ባንክ 167 ሚሊዮን ዶላር ብድር ፈቅዷል፡፡ከአፍሪካ ልማት ባንክ በብድር ከተገኘው ገንዘብ በተጨማሪ ከአጠቃላይ የግንባታው ወጪ የኢትዮጵያ መንግሥት ስምንት በመቶውን ይሸፍናል፡፡ይህም መንገዱ በሚያልፍባቸው አካባቢ ለሚነሱ ነዋሪዎች የመኖሪያና የእርሻ ቦታን ለመሳሰሉ ንብረቶች ለካሳ ክፍያ የሚውል ነው፡፡ 
የመንገዱ መገንባት ኢትዮጵያን ከጎረቤት አገሮች ጋር በየብስ ትራንስፖርት በማገናኘት ማህበራዊና ኢኮኖሚያዊ ትስስርን ለማጠናከር እንደሚረዳ በኢትዮጵያ መንገዶች ባለስልጣን የደቡብ ሪጅን ጊዜያዊ ዳይሬክተር አቶ መሐመድ አብዱራህማን ይናገራሉ።«የመንገዱ ግንባታ ኢትዮጵያ የሞምባሳ ወደብን እንደ አማራጭ ለመጠቀም የምታደርገውን ጥረት ያቀላጥፋል፤ ምቹ ሁኔታንም ይፈጥራል» የሚል እምነት አላቸው።
በአፍሪካ ልማት ባንክ ዋና የትራንስፖርት መሐንዲስ ሚስተር ሙሚና ዋቼንዶም የመንገዱ ደረጃውን በጠበቀ መልኩ በድጋሚ ተሻሽሎ መገንባቱ ክልላዊ፤አገራዊና አህጉራዊ ፋይዳ እንዳለው ያስረዳሉ። እርሳቸው እንዳሉት፤ መንገዱ ከደቡብ አፍሪካ ኬፕታውን እስከ ግብፅ ካይሮ ድረስ የሚገነባው የ"ትራንስ አፍሪካን ሃይ ዌይስ"አገናኝ መንገድ አካል ነው፡፡በመሆኑም የአፍሪካ አገሮች በመንገድ ትራንስፖርት የሚገናኙበትን ዕድል ያሰፋል፡፡ አገናኝ መንገዱ የሚያልፍባቸው አገራትን የመንገድ ትራንስፖርት ትስስር ያጠናክራል፡፡ የዚህ ጥረት ውጤትም በአምስት ዓመት ውስጥ ዕውን ይሆናል፡፡ይህም በመሆኑ የዚህ አገናኝ መንገድ አካል የሆኑ ግንባታዎችን ለሚያከናውኑት ለኢትዮጵያ፤ኬንያና ታንዛኒያ የአፍሪካ ልማት ባንክ የገንዘብ ድጋፍ እያደረገ ነው፡፡ኢትዮጵያ የድርሻዋን በመወጣት ረገድ ረጅም መንገድ ተጉዛለች፡፡
በኢትዮጵያ መንገዶች ባለስልጣን የኮሙኒኬሽን ዳይሬክቶሬት ዳይሬክተር አቶ ሳምሶን ወንድሙ እንዳሉት፤ ኢትዮጵያን ከጎረቤት አገሮች ጋር በየብስ ትራንስፖርት ለሚያስተሳስሩ መንገዶች ልዩ ትኩረት ተሰጥቷል፡፡ቀደም ሲል አዘዞ-መተማና ጅጅጋ-ቶጎጫሌን የመሳሰሉ መንገዶች ተገንብተዋል፡፡እነዚህ መንገዶች ኢትዮጵያን ሱዳንና ከሶማሊላንድ የጎረቤት አገሮች ጋር በመንገድ ትራንስፖርት የሚያገናኙ ናቸው፡፡አማራጭ ወደብን ለመጠቀም ያስችላሉ፡፡
ግንባታቸው የተጀመሩት የሃገረማርም-ያቤሎ-ሜጋ መንገዶችም በተያዘላቸው ጊዜ እንዲጠናቀቁ በባለስልጣኑ በኩል ተገቢው ክትትልና ቁጥጥር እየተደረገ ነው፡፡ የመንገዶቹ ግንባታ ሲጠናቀቅ ኢትዮጵያ ከጎረቤት አገሮች ጋር ያላትን መልካም ግንኙነት ለማጐልበት፤ ማህበራዊ ትስስርን ለማጠናከርና ኢኮኖሚያዊ ግንኙነትን ለማሳደግም ያግዛሉ፡፡ከሜጋ-ሞያሌ ያለውን የመንገድ ግንባታ ለማስጀመርም ጨረታ መውጣቱን አቶ ሳምሶን ጠቁመዋል፡፡የዚህም አሸናፊ እንደታወቀ ወደ ግንባታ ይገባል፡፡
የመንገዱ መገንባት ኢትዮጵያ ኬንያና ደቡብ ሱዳን በቀጣይ የኬንያ ወደብ ላሙን ለመጠቀም ሊገነቡ ለተስማሙባቸው የመንገድና የባቡር መስመሮችም ከፍተኛ ጠቀሜታ ይኖረዋል ተብሎ ይታመናል።