POWr Social Media Icons

Thursday, August 2, 2012



በሲዳማ ዞን መልጋ ወረዳ በበልግ ወቅት የተዘሩ ሰብሎች በመልካም ሁኔታ ላይ እንደሚገኙ የወረዳው ግብርና ልማት ጽህፈት ቤት ገለጸ::

የጽ/ቤቱ ኃላፊ አቶ ታከለ አርጋው እንደገለጹት የወረዳውን የምግብ ዋስትና ለማረጋገጥ በበልግ ሥራ 2 ሺህ 5 መቶ 21 ሄክታር መሬት በበቆሎ፤ በድንች እንዲሁም በተለያዩ የጓሮ አትክልቶች እንደተሸፈነ ገልጸው ለዚህ ሥራም 3 መቶ 75 ኩንታል ማዳበሪያ እንደተጠቀሙ አስረድተዋል::

ስራው ውጤታማ እንዲሆን የልማት ሠራተኞችና በየቀበሌው የተቋቋሙ የልማት ቡድኖች እንዲሁም የሚመለከታቸው አካላት ባደረጉት ርብርብ እንደሚጠቀስ መግለጻቸውን አካሉ ጥላሁን ከጅንካ ቅርንጫ ጣቢያ ዘግቧል::

http://www.smm.gov.et/_Text/23HamTextN304.html

አዲስ አበባ፣ ሀምሌ 17፣ 2004 (ኤፍ ቢ ሲ) በሃዋሳ ከተማ የአሽከርካሪዎች ማሰልጠኛ የትራፊክ ማዕከል ግንባታ ተጠናቆ ስራ ሊጀምር ነው።

በቅርቡ የፌዴራል ትራንስፖርት ባለስልጣን ክልሎች በራሳቸው የአሽከርካሪዎች ማሰልጠኛ ተቋማትን በአቅራቢያቸው ከፍተው የአሽከርካሪዎች የብቃት ማረጋገጥ አገልግሎት ማቅረብ የሚችሉበት ሁኔታ እንዲኖር አቅጣጫ አስቀምጧል።

የደቡብ ክልል ትራንስፖርት ቢሮም ይህን መሰረት በማድረግ የአሽከርካሪዎች ማሰልጠኛ ማዕከል ግንባታውን እያካሄደ ይገኛል።

ማዕከሉ አዲስ አበባ ከሚገኘውና በሀገሪቱ ብቸኛ ከሆነው የአሽከርካሪወች ማሰልጠኛ ተቋም ጋር በአደረጃጀቱና በይዘቱ ተመሳሳይ መሆኑ ነው የተገለፀው ።

በ3 ሄክታር መሬት ላይ ያረፈው ማዕከል ለግንባታው 9.5 ሚሊየን ብር ወጪ የተደረገለት ሲሆን ፥ በሁለት ወራት ውስጥ ይጠናቀቃል።

ማዕከሉ በክልሉ ብቁ የሆኑ አሽከርካሪዎችን በማፍራቱ ሚናው  ከፍተኛ እንደሚሆን  ታምኗል ።

ሐዋሳ (ኢዜአ)፡- የትምህርትን ጥራት በየደረጃው ለማረጋገጥ መንግሥት የሚደርገውን ጥረት ለማገዝ በኢትዮጵያ 25 የብሔረሰብ አፍ መፍቻ ቋንቋዎች የተጀመረው የትምህርት መዝገበ ቃላት ዝግጅት በመጠናቀቅ ላይ መሆኑ ተገለጸ፡፡
የመዝገበ ቃላቱ ዓላማና አስፈላጊነት ላይ ግንዛቤ ለማስጨበጥ በደቡብ ክልል ደረጃ የትምህርት ባለሙያዎች የተሳተፉበት የሁለት ቀናት አውደ ጥናት በሀዋሳ ከተማ ተካሄዷል፡፡
መዝገበ ቃላቱ እየተዘጋጀ ያለው በአዲስ አበባ ዩኒቨርሲቲ ከ20 ዓመታት በላይ የማስተማር ልምድና ዕውቀት ባላቸው ምሁራን ከሁለት ዓመት በፊት በተቋቋመው ስፖትላይት የትምህርት ማበልጸጊያ ማዕከል በተባለ መንግሥታዊ ያልሆነ ድርጅት ትብብር መሆኑ ተገልጿል። 
የደቡብ ክልል ትምህርት ቢሮ ኃላፊ አቶ መሐመድ አህመዲን በአውደ ጥናቱ ላይ እንደገለጹት የትምህርት ጥራትን በየደረጃው ለማረጋገጥ የሚደረገውን ጥረት ለማሳካት የትምህርት መፃሕፍት ግብአት አቅርቦት አስተዋጽኦው ከፍተኛ መሆኑን አስታውቀዋል።
በክልሉ 14 ቋንቋዎች ሳቢና ማራኪ አቀራራብ ለህጻናት አመቺ በሆነ መልኩ ከተዘጋጁት የትምህርት መጻህፍት መካከል በ10 የአፍ መፍቻ ቋንቋዎች የቀረቡት በዝርዝር ታይተው ወደ ተግባር እንዲሸጋገሩ ተደርጓል ብለዋል፡፡ 
በአሁኑ ወቅት የደቡብ ክልል ቋንቋዎችን ጨምሮ በሀገር ደረጃ በ25 የኢትዮጵያ ቋንቋዎች እየተዘጋጁ ያሉት የትምህርት መዘገበ ቃላት የትምህርትን ጥራት ለማስጠበቅ አስተዋጾኦ እንዳላቸው ተናግረዋል፡፡
የማዕከሉ ሥራ አስኪያጅ ዶክተር ብርሃኑ ቦጋለ እንዳስረዱት በኢትዮጵያ 25 ቋንቋዎች የትምህርት መዝገበ ቃላት መዘጋጀተው ለትምህርት ጥራት ጉልህ አስተዋጽኦ እንዳለው ተናግረዋል፡፡
ተማሪዎች በአፍ መፍቻ ቋንቋቸው ከተማሩ በኋላ የእንግሊዝኛ ቋንቋ ለመማር እንደሚገደዱ ዶክተር ብርሃኑ ገልጸው በዚህም ከፍተኛ የሚባል የአንብቦ መረዳት፣ መጻፍና ማንበብ ችግር እንዳለባቸው በሀገር አቀፍ ደረጃ ባካሄዷቸዉ ጥናቶች ማረጋገጣቸውን አስረድተዋል።
ችግሩን ለመፍታት በ25 የኢትዮጵያ ቋንቋዎች ከአንደኛ እስከ አራተኛ ክፍል ለሚማሩ ህፃናት በዓይነታቸው ለየት ያሉ፣ ደረጃቸውን የሚመጥኑና በአብዛኛው በስዕል የተደገፉ መዛግብተ ቃላት እየተዘጋጁ መሆናቸውን ገልጸዋል።
የማዕከሉ አባል የሆኑት ዶክተር ኑር መሐመድ በበኩላቸው የመዛግብተ ቃላቱ አዘገጃጀት በራስ ቋንቋ፣ በአማርኛና በእንግሊዝኛ መሆኑን ጠቁመው በኢትዮጵያ በርካታ መዝገበ ቃላት ቢታተሙም ተማሪ ተኮርና የአንደኛ ደረጃ ተማሪዎች ዕውቀት ለማጎልበት የሚያግዙ መዝገበ ቃላት በስፋት አልተዘጋጁም፡፡
የአዳዲሶቹ መዝገበ ቃላት ዓላማ በተማሪዎቹ ላይ ያተኮሩ፣ በጥንቃቄ የተመረጡ፣ የተማሪዎችን ደረጃ የሚመጥኑ፣ የሀገሪቱን ሥርዓተ ትምህርት የተከተሉ የተማሪው ዕውቀትና የትምህርት ደረጃ ያገናዘቡ ናቸው ብለዋል፡፡
ማዕከሉ ከክልሉ ትምህርት ቢሮ ጋር በመተባበር በሃዋሳ ከተማ ባዘጋጀው አውደጥናት ላይ ከክልሉ የተለያዩ ዞኖችና ልዩ ወረዳዎች፣ ከትምህርት ሚኒስቴርና ከትምህርት ጋር ተያያዥት ያላቸው ባልድርሻ አካላትና የዘርፉ ባለሙያዎች ተሳትፈዋል። 
ምንጭ፦http://www.ethpress.gov.et/ethpress/main/news.php?newsLocation=home&newsInstruction=headline&newsId=8913


በመከላከልን መሠረት ያደረገውን የጤና ፖሊሲ ውጤታማ ለማድረግ ጉዳዩ ከሚመለከታቸው አካላት ጋር በተሠራው ሥራ በህብረተሰቡ ጤና ላይ ለውጥ  መታዩተን የዳራ ወረዳ ጤና ፅህፈት አስታወቀ::

የጽህፈት ቤቱ በሽታ መከላክልና ጤና ማጎልበት ኦፊሰር አቶ ማቲዎስ ማልኬ እንደተናገሩት ለጤና ኤክስቴንሽን ባሙያዎች የተለያዩ ስልጠናዎችን በመስጠት የጤና ፓኬጁን ተግባራዊ ለማድረግ በ1 ለ5 ትሥሥር የጤና ልማት ሠራዊት በመገንባት በርካታ ሥራዎች መሠራታቸውን ገልጸዋል::

አቶ ማቲዎስ አክለውም ተላላፊ በሽታን ለመከላከል የኅብተተሰቡን ግንዛቤ ማሳደግ እንደሚገባ ጠቅሰው በክረምት ወቅት ለሚከሰቱ የተለያዩ በሽታዎች አስፈላጊ ቅድመ ዝግጅት መደረጉን ተናግረዋል::

የወረዳው ዘርፈ ብዙ ኤች አይቪ ኤድስ መከላከልና ማስተባበር ዋና የሥራ ሂደት አስተባባሪ አቶ ሙሉነህ ኪአሞ በበከኩላቸው በወረዳው የኤች አይቪ  ምርመራ የሚያደርጉ ሰዎች ቁጥር መበራከት ከታዩ  ለውጦች እንደ አብነት የሚጠቀሰ ነው ብለዋል፡፡ ሲል አዳነ አለማየሁ ከበንሳ ቅርንጫፍ ጣቢያ ዘግቧል::
http://www.smm.gov.et/_Text/23HamTextN104.html