Nomonanoto Show

Thursday, July 26, 2012

New


ሐምሌ ፲፱ (አስራ ዘጠኝ) ቀን ፳፻፬ ዓ/ም

ኢሳት ዜና:- ከሶስት ቀናት በፊት በሲዳማ ዞን በመልጋ ወረዳ የተነሳው ተቃውሞ ወደ ወንዶገነትም ተዛምቶ፣ የባሻ ወረዳ ሊቀመንበር መገደሉንና የወረዳው መስተዳደር መኪና መቃጠሉን ዘጋቢያችን ገልጧል። በግጭቱም ቁጥራቸው በውል ያልታወቀ፣ ነገር ግን በርካታ ቁጥር ያላቸው ፖሊሶች መቁሰላቸው ታውቋል።

ሁለቱ ወረዳዎች ኩታገጠም ሲሆኑ፣ በመልጋ የተነሳውን ተቃውሞ ተከትሎ የወረዳው ባለስልጣናት ህዝቡን ለማሳመን ወደ ታች ወርደው በሚነጋገሩበት ጊዜ ነው ግጭቱ የተነሳው።

በእነዚህ አካባቢዎች ያለው አብዛኛው ሰው በከብት ርቢ የሚተዳደር የነፍስ ወከፍ መሳሪያ የታጠቀ መሆኑ ፣ በወረዳ ባለስልጣናት እና በፖሊሶች ላይ የሚደርሰውን ጉዳት እንዳባባሰው ዘጋቢያችን አክሎ ገልጧል።

መልጋ እና ወንዶገነት ወረዳዎች አሁንም በፌደራል ልዩ ሀይል ቁጥጥር ሲሆኑ፣ ዜናውን እስካጠናከርንበት ሰአት ድረስ ውጥረት እናደለ ዘጋቢያችን ገልጧል።

በመልጋ ወረዳ ወረዳ ሰሞኑን በተነሳው ግጭት 12 የፌደራል ፖሊስ አባላትና ከ20 በላይ ሲቪሎች መቁሰላቸውን መዘገባችን ይታወሳል።

የዞኑ ነዋሪዎች ክልል የመሆን ጥያቄያችን መልስ እስካላገኘ ድረስ ግብር አንገብርም በማለት ጠንካራ አቋም ይዘዋል።

የክልሉ ምክርቤት ከትናንት በስቲያ ስብሰባ ቢያካሂድም በዞኑ ስላለው ግጭት ምንም ውሳኔ ሳያሳልፍ ተበትኖአል።


እንደ ድረ ገጹ ዘገባ ከሆነ ጉጉማ ላይ ተከስቶ በነበረው በዚህ ግጭት ህዝቡ19 ከፈዴራል ፖ ሊስ ኣቁስሎ ከ18 በላይ የጦር መሳሪያ ላይ ማርኳል።

ህዝቡ የማረከውን የጦር መሳሪያ በትናንትናው እለት ለመንግስት ተወካዮች ያስረከበ ሲሆን፤ የጦር መሳሪያዎቹን ልማርክ የቻለው  ራስን የመከላከል እርምጃ በወሰደውወቅት መሆኑን ግልጸዋል።

በተያያዘ ዜና ከሲዳማ የክልል ጥያቄ ጋር በተያያዘ በበርካታ የዞኑ ወረዳዎች ውስጥ ህዝባዊ እንቅስቃሴ እየተደረጉ ናቸው ።
 ለዝርዝር መረጃ እዚህ ላይ ይጫኑ


ከሲዳማ ፖለቲካ ድርጅቶች ኀብረት፡ ስለሲዳማ የወቅቱ ሁኔታን በተመለከተ የተሰጠ መግለጫ

ተንኰለኞችና ወንጃለኞች በተፈጥሮአቸው የገሙ ስለሆኔ እነሱን ያካተተ መንግሥት፡ አገርንና መንግሥትንም ጭምር ያገማል፡ ላል ሚካኤል ጋድ ስለመንግሥት ተመራማሪ። የወያኔ አገዛዝም በኢትዮጵያ በዚህ መልክ የሚታይ ነው። ወያኔ የሕዝቦች አብሮ መኖርንና ሰላማዊ ሕይወትን የማይቀበል ስለሆነ እንደታመሰ ለ20 ዓመታት የቆየ ሲሆን፡ ሀገራዊ ራዕይ የሌላቸው የወንጃለኖች ጥርቃሞ ነው። የሲዳማ ፖለቲካ ድርጅቶች ህብረት ይህንን ከተረዳ የቆየ ቢሆንም አሁን የደረሰንበት ደረጃ በጣም አደገኛ እየሆነ በመምጣቱ፡ ወያኔ በአስቸኳይ ተመንግሎ መውደቅ ያለበት መሆኑን ህብረቱ አሰምሮበታል።
ድርጅታችን ከቅርብ ጊዜ ወዲህ በሲዳማ በመካሄድ ላይ ያለውን ሁኔታ በጥልቀት ከመረመረ በኋላ፡ ለመላው ኢትዮጵያውያን ለማሳወቅና እንደ ስልቻ በትዕቢት የተወጠረው ወያኔ ከዚህ ተንኰለኛ ተግባሩ ይቆጠብ ይሆን በማለት ለማሳሰብ የወጣ መግለጫ ነው።
ሴራኛው ወያኔ በሲዳማ ሕዝብ ላይ ያነጣጠረው ዛሬ ሳይሆን የአዲስ አበባን ቤተመንግሥት ከተቆጣጠረበት ጊዜ ጀምሮ ነው፡በዚህም በሲዳማ ውስጥ ተወልዶ ያደገውን እጅጉ ገ/ሚካኤል የተባለውን ትግሬ በመመልመልና በመሾም የሲዳማ ታጋዮችን እነፊሣ ፍቾን በስውር አስገድሎዋል። ቀጥሎም የተቃሚዎችን ጐራ ለማዳከም አንዳንድ ለጥቅማጥቅም የተገዙ ግላሰቦችን በመናኛ ገንዘብና መሬት (ቤት መሥሪያ ቦታ) በመስጠትና በመደለል ወደ ወያኔ እንድቀላቀሉ በማድረግ ትግለችን ለማኰለሸት ሞክረዋል: ግን አልተሰካላቸውም።
ከዚህም ሌላ፡ በረከት ስሞን ኤርትራዊውን አማራ፡ ኩማ ደመቅሣ ትግሬውን ኦሮሞ ብለው እንደ ሾሙው ሁሉ በሲዳማ ውስጥ ተወልደው ያደጉትን፡ 1ኛ ሽፈረው ሽጉጤ፡ 2ኛ ደሴ ደልኬ፡ 3ኛ ሳሙኤል ሼባን ለሥርዓቱ ታመኝ የሆኑትን የወላይታ ብሔረሰብ አበላት ሲዳማ ናቸው በማለት በኰታ ሾሞቸአል። ይህ ሁሉ ሤራ ሲዳማን በመቆጣጠር፡ የህዝብን ዲሞክራሲያዊ ትግል ለማኰለሻትና ለመምታት ነበር ዓለማው።
የዛሬው የውጭ ጉዳይና ም/ጠቅላይ ሚንስተር ተብየው ኃ/ማሪያም ዳሣለኝ ለዚህ ቦታ የበቀው፡ ሕገ መንግሥታዊ መብታቸውን ለማስከበር ጥያቄ አቅርበው ተገቢውን መልስ ባለማግኘታቸው ተቃውሞአቸውን በሰላማዊ መንገድ ለመግለጽ ከወጣው ሕዝብ መካከል 100 ሲዳማዎችን ያስጨፈጨፈና ሬሳቸውን በአውሬ ያስበላው ፋሽስት ግለሰብ ነው፡ ይህንን ሥልጣን ያገኘው በዚህ በገማ ተግባሩ ነው። ዛሬም እስከመጨረሻው የ100ዎቹ ንጹሐን ደም ኃ/ማሪያም ደሣለኝን ትጣራለች።
ዛሬ በሲዳማ ላይ እየተካሄደ ያለው ሴራ እንደት ነው? በሞት ጐዳና ላይ በጣር እየተጓዘ ያለው ወያኔ፡ የሲዳማን ሕዝብ ትግል ለመጨፈለቅ እየሞከረ ያለ ሲሆን፡ ታክትኩን ቀረብ ብለን ብንመለከት፡ በአርባጉጉና በሐረር ላይ የአማራ ብሔር አባለትን  ፍጭፎ የአከልዳማን ድራማ እንደሠረውና፡ እንዲሁም በጂማና በሸዋ አብያተ ክርስትያናትን በማቃጠል፡ እስላሞች አደረጉ በማለት ክርስትያንና እስላምን ለማጋጨትና እንዲሁም የእስልምና ተከታዮችን ለመከፋፈል እንደሞከረው ዓይነት፡ ሲዳማን ከወላይታና ከሌላውም ኀብረተሰብ ለማጋጨት በተወከዮቹ በእነሽፈራው ሽጉጤና ኃ/ማሪያም ደሣለኝ በተገዙና ከወላይታ አረካ ወረዳ
ተጭነው በመጡት አማከይነት /ሲዳማ ከአዋሣ ከተማ ይውጣ/ የሚል መፈክር አስይዘው ሰላማዊ ሰልፈ አስደርገዋል። ከዚህም በተያያዘ በቅጥረኛው ወያኔ ካድሬዎች አማከይነት፡ ሠረተው በሰላማዊ ሕይወት የሚኖሩ ሰዎች እንድፈናቀሉ ተደርገዋል።
እንዲሁም ከዚያ ቀደም ብለው የሐዋሣ አስታዳደር ሠራተኞችን ለሴራቸው እንዲያመቻቸው ስለፈለጉ በሙስና ስም ወደ ወህኒ እንድወርዱ ተደርገዋል። ለመሆኑ ከእነሽፈራው ሽጉጤ ጀምሮ እስከ በሰበሰው የወያኔ ቍንጮ ድረስ በሙስና የተዘፈቁት ዓለም ያወቀላቸው የእነመለስ በለቤት አዜብ መስፍን እያሉ፡ የወረዳ ሠራተኞች በሙስና መታሠራቸው የፍትህ አልባነት በስተቀር ሌላ ለማለት አይቻልም።
በወያኔ ተግባር የሲዳማ ሕዝብ ተቆጥቶአል፡ እነሱ ግን በማስፈራራት የተንኰል ዓለማቸውን ተግባራዊ ለማድረግ፡ ሲዳማን ከመንደር እስከ መንደር ወደ ወታዳራዊ ካምፕ ቀይረዋል። በገዛ መንደሩ ሰላማዊ ሕይወቱን እያናጉ ናቸው።
የሲዳማ ድርጅቶች ሕብረት በጉዳዩ ላይ በስፋት ከተወያያ በኋላ የሚከተሉትን ውሰኔዎች አስተላልፎአል፡
1ኛ/ የፈዴራል ጦር በአስቸኳይ ከሲዳማ ክልል እንድወጣ፡
2ኛ/ የሲዳማ ሕዝብ ጥያቄ ያለ ምንም ቅድምያ ሁኔታ አፋጣኝ መልስ እንዲያገኝ፡
3ኛ/ በሲዳማ ሕዝብ ላይ በግፍ ግድያ ያካሄዱት ኃይለማሪያም ደሣለኝ፡ ሽፈራው ሽጉጤ፡ በረከት ስምኦንና ግብረ አበሮቻቸው በአስቸኳይ ለፍርድ እንድቀርቡ፡
4ኛ/ በወያኔ ሤራ በግፍ የታሠሩት የሐዋሣ ከተማ አስተዳደር ሠራተኞች በአስቸኳይ ተፈትተው ወደ ሥራ ገበታቸው እንድመለሱ፡
5ኛ/ በእስላም ተከታዮች ላይ የሚካሄደው አሰቃቂ ግድያና አፈና በአስቸኳይ እንድቆም፡
6ኛ/ በወያኔ ቅጥረኞች በመናኛ ጥቅም ተገዝተው፡ በሲዳማ ሕዝብ ላይ ትንኰላ የሚያከናውኑ የወላይታ ብሔረሰብ አበላት ከድርጊታቸው እንድቆጥቡ ድርጅቱ ያሳስበል።
ድል ለዴሞክራሲ ወዳዱ ሕዝብ
የሲዳማ ፖለቲካ ድርጅቶች ህብረት



ምንጭ  http://www.sidamaliberation-front.org/
New


(OLF, ONLF, SLF and some candidates of AFD)
July 26, 2012 (oromoliberationfront.org) - The aforementioned peoples’ alliances of Ogaden Somalis, Oromo, Sidama and the new candidates of AFD:

After deliberating on the current situation in Ethiopia and carefully observing the level of struggle against the current regime and the apparent confusion created by the sudden disappearance of Meles Zenawi, the “strong man” ruling Ethiopia for the past twenty one years;

Being apprehensive of the current regimes attempts to delude the peoples in Ethiopia regarding Zenawi’s fate and their attempt to maintain the status quo in order to continue their ruthless suppression of all peoples in Ethiopia;

After considering, the current disarray and lack of political will of some opposition groups to embrace the political and social changes that Ethiopia has undergone in the last forty years and their archaic adherence to political precepts that are no longer tenable in the 21 century such as negating the rights of nations in Ethiopia to self-determination;

Read Full Statement in Amharic
Contact: thepeoplesafd@gmail.com
Source:http://www.sidamaliberation-front.org/,  http://ayyaantuu.com/horn-of-africa-news/ethiopia/declaration-the-peoples-alliance-for-freedom-and-democracy/, http://www.ogadentoday.com/news.php?readmore=5313